କରୋନା ଉପରେ ବିବାଦୀୟ ମନ୍ତବ୍ୟ ଦେଇ ଫସିଲେ ସପା ନେତା ରମାକାନ୍ତ ଯାଦବ, କରୋନାକୁ କହିଥିଲେ ମିଛ ଗୁଜବ
ଆଜମଗଡ଼ ପୂର୍ବତନ ସାଂସଦ ତଥା ସମାଜବାଦୀ ପାର୍ଟି ନେତା ରମାକାନ୍ତ ଯାଦବ କରୋନା ଭାଇରସକୁ ମିଛ ଓ ଉଡ଼ା କଥା କହିବା ମହଙ୍ଗା ପଡ଼ିଛି । ଖାଲି ସେତିକି ନୁହେଁ କରୋନା ଭାଇରସ୍ ଭାରତୀୟ ଜନତା ପାର୍ଟି ଦ୍ୱାରା ପ୍ରସାର କରାଯାଇଥିବା ଏକ ଗୁଜବ । ସରକାର ଏନ୍ଆର୍ସି, ସିଏଏ, ଏନ୍ଆର୍ପି ଓ ଦରଦାମ୍ ବୃଦ୍ଧି ଆଦି ଘଟଣା ଉପରୁ ଲୋକଙ୍କ ଧ୍ୟାନ ହଟାଇବା ପାଇଁ କରୋନା ପ୍ରସାର କରି ଠକୁଛନ୍ତି ବୋଲି କହିଥିଲେ ।
ସେ ଆହୁରି କହିଥିଲେ ଯେ ସରକାରଙ୍କ ପ୍ରଚେଷ୍ଟା ଏହି ଯେ ଲୋକେ ଗୋଟିଏ ଜାଗାରେ ରୁଣ୍ଡ ନ ହୁଅନ୍ତୁ । ଯଦି କାହାକୁ କରୋନା ତେବେ ତାଙ୍କୁ ମୁଁ ଆଲିଙ୍ଗନ କରିବି ଓ ତା‘ର ଔଷଧ ବି ମୋ ପାଖରେ ଅଛି ବୋଲି କହିଥିଲେ ।
ଆଜମଗଡ଼ ଡିଆଇଜି ସୁବାଷ ଚନ୍ଦ୍ର ଦୁବେଙ୍କ ନିର୍ଦ୍ଦେଶ କ୍ରମେ ଆଜି ସିଘାରୀ ଥାନାରେ ଏକ ମାମଲା ରୁଜୁ କରାଯାଇଛି । ଏଭଳି ଗୁଜବ ପ୍ରସାର କରୁଥିବା ବ୍ୟକ୍ତିଙ୍କ ଉପରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଡିଆଇଜି ପ୍ରକାଶ କରିଛନ୍ତି ।
ଶ୍ରୀ ଯାଦବ ଏକ ଚ୍ୟାନେଲ୍କୁ ଦେଇଥିବା ସାକ୍ଷାତକାରରେ କହିଥିଲେ ଯେ କରୋନା ରୋଗୀଙ୍କୁ ମୁଁ ଆଲିଙ୍ଗନ କରିପାରିବି । ଦେଶ ଏଭଳି ଏକ ମହାମାରୀକୁ ସାମନା କରିବା ପାଇଁ ଗୁରୁତର ପଦକ୍ଷେପ ନେଉଥିବା ବେଳେ ଶ୍ରୀ ଯାଦବଙ୍କ ଏଭଳି ବୟାନ ତାଙ୍କୁ ମହଙ୍ଗା ପଡ଼ିଛି ।
ଜିଲ୍ଲା ମାଜିଷ୍ଟ୍ରେଟ୍ ତାଙ୍କୁ ନୋଟିସ୍ ଜାରି କରିବା ସହ ୭ଦିନ ମଧ୍ୟରେ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ।
