ବଲିଉଡର ଡ୍ରାମା କୁଇନ ରାଖୀ ସାୱନ୍ତଙ୍କ ଜୀବନ ଅନେକ ପ୍ରକାର ଡ୍ରାମା ଓ ବିବାଦରେ ଭରି ରହିଛି । ମିକା ସିଂହଙ୍କ ବାର୍ଥଡେ ପାର୍ଟିରେ କିସ ବିବାଦ ଠାରୁ ନେଇ ରିୟାଲିଟି ଶୋରେ ସ୍ୱୟଂମ୍ବର କରି ବିଦେଶୀ ବରକୁ ବିବାହ କରିବା ପର୍ଯ୍ୟନ୍ତ ରାଖୀ ସାୱନ୍ତଙ୍କ ଜୀବନରେ ଅନେକ ଘଟଣା ଘଟିଯାଇଛି । ଗତ କିଛିଦିନ ଧରି ନିଜର ବିବାହର ଖବର ସାରା ଦୁନିଆକୁ ଦେଉଥିବା ରାଖି ସାୱନ୍ତଙ୍କ ଉପରେ ବହୁତ କମ ଲୋକ ବିଶ୍ୱାସ କରିଥାନ୍ତି । ରାକ୍ଷୀଙ୍କ କହିବା ଅନୁଯାୟୀ ସେ ରିତେଶ ନାମକ ଜଣେ ବିଜନେସମ୍ୟାନକୁ ବିବାହ କରିଛନ୍ତି । କିନ୍ତୁ ତାଙ୍କର ଚେହେରାକୁ ଆଜିଯାଏଁ ସେ ଦୁନିଆ ସାମ୍ନାକୁ ଆଣିପାରିନାହାଁନ୍ତି । ତେଣୁ ବର୍ତ୍ତମାନ ମଧ୍ୟ ଏହି କଥା ଉପରୁ ପରଦା ଉଠିନାହିଁ ଯେ ପ୍ରକୃତରେ ରାଖୀଙ୍କ ବିବାହ ହୋଇଛି କି ନାହିଁ ।
ରାଖୀ ସାୱନ୍ତଙ୍କ ପତି ରିତେଶ ସ୍ପଟବୟ ନାମକ ଏକ ୱେବପୋର୍ଟାଲକୁ ନିଜର ପ୍ରଥମ ଇଣ୍ଟରଭିୟୁ ଦେଇଛନ୍ତି । ନିଜର ପ୍ରଥମ ଇଣ୍ଟରଭିୟୁରେ ରିତେଶ ନିଜର ବିବାହ ଏବଂ ରାଖୀଙ୍କ ସହ ଜଡିତ ଅନେକ ତଥ୍ୟ ଉପସ୍ଥାପନ କରିଛନ୍ତି । ସେ କହିଛନ୍ତି ‘ରାଖୀ କ୍ୟାମେରା ସମ୍ନାରେ ଯେପରି ହୁଅନ୍ତୁ ନା କାହିଁକି କିନ୍ତୁ ମଣିଷ ହିସାବରେ ସେ ବହୁତ ଭଲ’ । ଏହାସହିତ ସେ କହିଛନ୍ତି ଯେ ‘ମୁଁ ବହୁତ ଭାଗ୍ୟବାନ ଅଟେ । ରାଖୀ ମୋ ପାଇଁ ଭଗବାନଙ୍କ ଆଶୀର୍ବାଦ ପରି ଓ ମୁଁ ତାଙ୍କ ପରି ମହିଳା ମୋ ଜୀବନରେ କେବେବି ଦେଖିନାହିଁ’ ।
ମିଡ଼ିଆଠାରୁ ନିଜକୁ ଦୂରେଇ ରଖିଥିବାରୁ ରାଖୀ ସାୱନ୍ତଙ୍କ ସ୍ୱାମୀ କହିଛନ୍ତି ଯେ “ମୋତେ ମିଡିଆ ସାମ୍ନାକୁ ଆସିବାର କୌଣସି ଆବଶ୍ୟକତା ନାହିଁ । ତାଙ୍କଠାରୁ ମୋତେ କଣ ମିଳିବ ? ବେକାରରେ କୌଣସି ନା କୌଣସି ବିବାଦ ମଧ୍ୟକୁ ସେମାନେ ଟାଣି ନିଅନ୍ତି । ଦେଖନ୍ତୁ ମୁଁ ଜଣେ ପ୍ରାଇଭେଟ ମଣିଷ ମୋତେ ଏଥିରେ କିଛି ଫରକ ପଡେନାହିଁ ଯେ ଲୋକମାନେ ମୋ ବିଷୟରେ କଣ ଭାବୁଛନ୍ତି । ସେମାନେ ଯାହା ଭାବୁଛନ୍ତି ତାଙ୍କୁ ଭାବିବାକୁ ଦିଅନ୍ତୁ । ମୋର ପରିବାର ରହିଛି ଓ ରାକ୍ଷୀଙ୍କର ମଧ୍ୟ ପରିବାର ରହିଛି । ଆମେଦୁହେଁ ବହୁତ ଖୁସିରେ ଅଛୁ ।” କିନ୍ତୁ ରିତେଶଙ୍କୁ ଯେତେବେଳେ ପଚରାଗଲା ଯେ ସେ ମିଡ଼ିଆ ସାମ୍ନାକୁ ଆସିବେ କି ନାହିଁ, ଉତ୍ତରରେ ସେ କହିଥିଲେ ‘ଏବେ ନୁହେଁ କିଛି ଦିନ ପରେ’ ।
ଏହାସହ ପଢନ୍ତୁ କବିର ସିଂ ଉପରେ ଆସିଲା ଶାହିଦ କପୁରଙ୍କ ଏକ୍ସ ଗାର୍ଲଫ୍ରେଣ୍ଡ କରିନାଙ୍କ ରିଆକ୍ସନ, କହିଲେ ଏପରି କଥା..
ରାଖୀ ସାୱନ୍ତ ଫିଲ୍ମରେ ବୋଲଡ ସିନ କରିବା ବିଷୟରେ ସେ କହିଛନ୍ତି ଯେ ରାଖୀ ବର୍ତ୍ତମାନ ବିବାହିତ ଅଟନ୍ତି । ଏହା ବ୍ୟତୀତ କେହିବି ଚାହାଁନ୍ତିନି ଯେ ତାଙ୍କ ପତ୍ନୀ ଫିଲ୍ମରେ ବୋଲଡ ସିନ ଦିଅନ୍ତୁ । ଯଦିଓ ରାଖୀ ନିଜ ମନ ପସନ୍ଦର ଡ୍ରେସ ପିନ୍ଧିପାରିବେ । ଏହାସହିତ ରାଖୀଙ୍କ ଗର୍ଭବତୀ ଥିବା କଥାକୁ ନେଇ ସେ କହିଛନ୍ତି ଯେ ‘ବର୍ତ୍ତମାନ ସେ ଗର୍ଭବତୀ ନାହାଁନ୍ତି କିନ୍ତୁ ବହୁତ ଶୀଘ୍ର ସେ ମା’ ହେବାକୁ ଯାଉଛନ୍ତି ।’