“ତାଣ୍ଡବ”କୁ ନେଇ ବିବାଦ ପରେ ନିଜ ମା’ଙ୍କୁ ଏମିତି କଥା ଦେଲେ ସୈଫ
ୱେବ ସିରିଜ ତାଣ୍ଡବକୁ ନେଇ ବିବାଦ ଉପୁଜିବା ପରେ ଏହାର ଲେଖକ ଗୌରବ ସୋଲଙ୍କି, ନିର୍ଦ୍ଦେଶକ, ନିର୍ମାତାଙ୍କ ସମେତ କଳାକାର ମହମ୍ମଦ ଜିସନ ଆୟୁବ ବ୍ୟସ୍ତ ବିବ୍ରତ ହୋଇପଡିଛନ୍ତି । ମୁମ୍ବାଇର ସିନିୟର ଆଡ଼ଭୋକେଟ ଓ ପ୍ରାଇମ ଭିଡିଓର ଆଇନ ପରାମର୍ଶଦାତା ମୁକୁଳା ରୋହତଗୀ ପ୍ରଥମ ଥର ପାଇଁ ଏହି ମାମଲାକୁ ସାର୍ବଜନିକଙ୍କ ଭାବେ ନିଜ ମତ ରଖିଛନ୍ତି | ସେପଟେ ନିଜ ପୁଅ ସୈଫ ଅଲ୍ଲିଖାନନଙ୍କୁ ବିବାଦ ଭିତରେ ପଶୁଥିବା ଦେଖି ବିଗତ ଦିନର ବରିଷ୍ଠ ଅଭିନେତ୍ରୀ ମା’ ଶର୍ମିଲା ଟାଗୋର ଅସୁସ୍ଥ ହୋଇ ପଡିଛନ୍ତି । କହିରଖୁଛୁକି ସୈଫ ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଆଉ ଏହାକୁ ନେଇ ବିବାଦ ଘନେଇବା ପରେ ମା ଶର୍ମିଲା ଗୁରୁତର ଅସୁସ୍ଥ ହୋଇପଡିଥିଲେ । ଖାଲି ସେତିକି ନୁହେଁ ପୁଅକୁ ବି କୌଣସି ବିବାଦୀୟ ମନ୍ତବ୍ୟ ନ ଦେବା ପାଇଁ ପରାମର୍ଶ ଦେଇଛନ୍ତି ।
ଆଗକୁ କୌଣସି ପ୍ରୋଜେକ୍ଟରେ ସାଇନ କରିବା ପୂର୍ବରୁ ତାଙ୍କ ସହ ଆଲୋଚନା କରିବା ପାଇଁ ପୁଅକୁ କହିଛନ୍ତି । ଖାଲି ଏଥର ନୁହେଁ ପ୍ରାୟ ଅଧିକାଂଶ ସମୟରେ ନିଜ ପିଲାମାନଙ୍କୁ ଏପରି ପରାମର୍ଶ ଦେଇଥାନ୍ତି ଶର୍ମିଲା । ଏକ ଇଣ୍ଟରଭିଉରେ ମୁକୁଲ ରୋହତଗୀ କହିଛନ୍ତିକି “ତାଣ୍ଡବ”କୁ ବିରୋଧ କରାଯିବା ପରେ ଏହାର ନିର୍ମାତା ମାନେ ବିବାଦୀୟ ଦୃଶ୍ୟ ଗୁଡିକୁ ସିରିଜରୁ ବାହାର କରି ଦେଇଛନ୍ତି । ତେଣୁ ଏହାକୁ ନେଇ କୌଣସି ପ୍ରକାର ମାମଲା ଦାୟର ହେବାର ଆଶଙ୍କା ନାହିଁ । କିଛି ଲୋକ ଶସ୍ତା ଲୋକପ୍ରିୟତା ପାଇବା ପାଇଁ ହିଁ ଏହା ଉପରେ କେଶ କରୁଥିବା ଆଉ କିଛି ଲୋକ ମିଛ ଧମକଚମକ ଦେଉଛନ୍ତି ।
ଆଉ କିଛି ଜଣ ରାଜନୀତି କରୁଛନ୍ତି । ଯେଉଁ ମାନଙ୍କୁ ପସନ୍ଦ ଆସୁନି ସେମାନେ ସିରିଜ ନ ଦେଖନ୍ତୁ । ଏଥିପାଇଁ କାହାରିକୁ ବାଧ୍ୟ କରାଯାଉନାହିଁ । ଏହା ସହ ସେ କହିଛନ୍ତିକି, ବାରମ୍ବାର କେଶ କରିବା ଦ୍ୱାରା ସାଧାରଣ ଲୋକଙ୍କ ଧର୍ମୀୟ ଭାବନାକୁ ଆଘାତ ଲାଗୁନିକି । ଶସ୍ତା ପବ୍ଲିସିଟି ପାଇବା ପାଇଁ ଏହା ହେଉଛି ସବୁଠୁ ଭଲ ମାଧ୍ୟମ । ଅତୀତରେ ଲୋକେ ତ ଏମ ଏଫ ହୁସେନଙ୍କ ଚିତ୍ରକୁ ନେଇ ବି ମୋକଦ୍ଧମା ଦାୟର କରିଥିଲେ ।
