ଗୁଡ଼ି ଉଡ଼ାଇବା ପାଇଁ ମାଞ୍ଜା ସୂତା ମନା, ସାଧାରଣ ଲୋକଙ୍କୁ ଟ୍ୱିଟ କରି ସର୍ତକ କରାଇଲା ଓଡ଼ିଶା ପୋଲିସ
ମକର ସଂକ୍ରାନ୍ତିରେ ଗୁଡ଼ି ଉଡାଇବାର ପରମ୍ପରା ରହିଛି । ସାଧରଣତଃ ଗୁଡ଼ି ଉଡାଇବା ପାଇଁ ମାଞ୍ଜା ସୂତା ବ୍ୟବହାର କରିଥାନ୍ତି ଲୋକେ । ଆଉ ଏହି ସୂତା ଅନେକ ଲୋକଙ୍କ ଜୀବନ ନେଇଥାଏ । ଗୁଡ଼ି ଉଡାଇବା ସମୟରେ ସତର୍କତା ଅବଲମ୍ବନ କରିବା ସହ ବିପଦଜନକ ମାଞ୍ଜା ସୂତା ବ୍ୟବହାର ନ କରି ସାଧାରଣ ସୂତାରେ ଗୁଡ଼ି ଉଡାଇବାକୁ ଓଡିଶା ପୋଲିସ ଟ୍ୱିଟ କରି ପରାମର୍ଶ ଦେଇଛି ।
ଭୁବନେଶ୍ୱର (କେନ୍ୟୁଜ): ଆଜି ମକର ସଂକ୍ରାନ୍ତି । ମକର ସଂକ୍ରାନ୍ତିରେ ଗୁଡ଼ି ଉଡାଇବାର ପରମ୍ପରା ରହିଛି । ସାଧରଣତଃ ଗୁଡ଼ି ଉଡାଇବା ପାଇଁ ମାଞ୍ଜା ସୂତା ବ୍ୟବହାର କରିଥାନ୍ତି ଲୋକେ । ଆଉ ଏହି ସୂତା ଅନେକ ଲୋକଙ୍କ ଜୀବନ ନେଇଥାଏ । ଗୁଡ଼ି ଉଡାଇବା ସମୟରେ ସତର୍କତା ଅବଲମ୍ବନ କରିବା ସହ ବିପଦଜନକ ମାଞ୍ଜା ସୂତା ବ୍ୟବହାର ନ କରି ସାଧାରଣ ସୂତାରେ ଗୁଡ଼ି ଉଡାଇବାକୁ ଓଡିଶା ପୋଲିସ ଟ୍ୱିଟ କରି ପରାମର୍ଶ ଦେଇଛି ।
ଗୁଡି ଉଡାଇବା ସମୟରେ ସତର୍କତା ଅବଲମ୍ବନ କରନ୍ତୁ ଏବଂ ବିପଜ୍ଜନକ ମାଞ୍ଜା ସୂତା ବ୍ୟବହାର ନକରି ସାଧାରଣ ସୂତାରେ ଗୁଡି ଉଡାନ୍ତୁ ।
ମାଞ୍ଜା ସୂତା ବିକ୍ରୟ କିମ୍ବା ବ୍ୟବହାର କରିବା ଆଇନତଃ ଦଣ୍ଡନୀୟ । pic.twitter.com/fiQtJEYNYt
— Odisha Police (@odisha_police) January 14, 2024
ପୂର୍ବରୁ ବି ଅନେକ ଘଟଣା ସାମ୍ନା ଆସିଛି ଯେ ମାଞ୍ଜା ସୂତା ପାଇଁ କେତେଜଣ ଲୋକଙ୍କ ଜୀବନ ଚାଲିଯାଇଥିଲା । ଯାହା ଦ୍ୱାରା କେତେକ ପରିବାର ଉଜୁଡ଼ିଯାଇଥିଲା । ଏହିସବୁ ଦୃଷ୍ଟିରେ ରଖି ଗୁଡ଼ି ଉଡାଇବା ବେଳେ ମାଞ୍ଜା ସୂତା ବ୍ୟବହାର ନକରିବାକୁ ଅପିଲ କରିଛି କମିଶନରେଟ୍ ପୋଲିସ । ଏଥିସହ ଗୁଡ଼ି ଉଡାଇଲାବେଳେ ସତର୍କତା ଅବଲମ୍ବନ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଗୁଡ଼ି ଉଡାଇଲାବେଳେ ଯେପରି କାହାର କୌଣସି କ୍ଷତି ହେବନି ସେଥିପ୍ରତି ନଜର ରଖିବାକୁ ମଧ୍ୟ ସମସ୍ତଙ୍କୁ ଅନୁରୋଧ କରାଯାଇଛି । ମାଞ୍ଜା ସୂତା ବଦଳରେ ସାଧାରଣ ସୂତାରେ ଗୁଡ଼ି ଉଡାଇବା ପାଇଁ କୁହାଯାଇଛି । ଯଦି କେହି ମାଞ୍ଜା ସୂତାରେ ଗୁଡ଼ି ଉଡନ୍ତି ତେବେ ତାହା ଆଇନଗତ ଦଣ୍ଡନୀୟ ବୋଲି କମିଶନରେଟ୍ ପୋଲିସ ପକ୍ଷରୁ କୁହାଯାଇଛି ।