ରାସ୍ତା କଡ଼ରେ ଛିଡ଼ା ହୋଇ ଦୋସା ତିଆରି କଲେ ରାହୁଲ ଗାନ୍ଧି, ପିଲାମାନଙ୍କୁ ବାଣ୍ଟିଲେ ଚକୋଲେଟ୍
ଏବେ ରାହୁଲଙ୍କର ଆଉ ଏକ ଭିଡିଓ ଚର୍ଚ୍ଚାର ବିଷୟ ହୋଇଛି, ଯେଉଁଥିରେ ସେ ଦୋସା ତିଆରି କରୁଥିବା ଦେଖିବାକୁ ମିଳୁଛି। ଏତିକି ନୁହେଁ, ସେ ରାସ୍ତା ପାର୍ଶ୍ୱରେ ବସି ଦୋସା ଖାଇବା ସହ ଏକ ପିଲା ସହିତ ମଜା ମସ୍ତି କରୁଥିବାର ଦେଖାଯାଉଛି।
କଂଗ୍ରେସ ନେତା ରାହୁଲ ଗାନ୍ଧି ଏବେ ପୁଣି ଚର୍ଚ୍ଚାରେ। କେତେବେଳେ ଟ୍ରକରେ ଯାତ୍ରା କରୁଥିବାର ତ କେତେବେଳେ ଚାଷଜମିରେ ଚାଷୀଙ୍କ ସହିତ ଯିବା, ପୁଣି କେତେବେଳେ ସ୍କୁଟିରେ ଝିଅଙ୍କ ପଛରେ ବସି ଯାତ୍ରା କରିବାର ତାଙ୍କ ଭିଡିଓ ଖୁବ୍ ଭାଇରାଲ ହୋଇଛି। ଏବେ ରାହୁଲଙ୍କର ଆଉ ଏକ ଭିଡିଓ ଚର୍ଚ୍ଚାର ବିଷୟ ହୋଇଛି, ଯେଉଁଥିରେ ସେ ଦୋସା ତିଆରି କରୁଥିବା ଦେଖିବାକୁ ମିଳୁଛି। ଏତିକି ନୁହେଁ, ସେ ରାସ୍ତା ପାର୍ଶ୍ୱରେ ବସି ଦୋସା ଖାଇବା ସହ ଏକ ପିଲା ସହିତ ମଜା ମସ୍ତି କରୁଥିବାର ଦେଖାଯାଉଛି।
ରାହୁଲ ଗାନ୍ଧି ‘ବିଜୟଭେରୀ ଯାତ୍ରା’ ଅଧୀନରେ କରିମନଗରରୁ ଜଗତିୟାଲ ଅଭିମୁଖେ ଯାତ୍ରା କରୁଥିଲେ। ରାସ୍ତାରେ ସେ ନୁକାପଲ୍ଲୀ ବସଷ୍ଟାଣ୍ଡରେ ଅଟକିଥିଲେ ଏବଂ କିଛି ଖାଇବା ପାଇଁ ଏକ ଭୋଜନାଳୟ ଯାଇଥିଲେ। ସେଠାରେ ସେ ଦୋସା ତିଆରି କରୁଥିବା ବ୍ୟକ୍ତିଙ୍କ ସହ କଥା ହୋଇଥିଲେ। ଦୋସା କିପରି ତିଆରି ହୁଏ, ତାହା ସେ ପଚାରିଥିଲେ।
ଏହାପରେ ବ୍ୟକ୍ତି ଜଣକ ଦୋସା ତିଆରି କରି ତାଙ୍କୁ ଦେଖାଇଥିଲେ। ପରେ ରାହୁଲ ମଧ୍ୟ ଦୋସା ତିଆରି କରିଥିଲେ, କିନ୍ତୁ ରାହୁଲ ଦୋସା ତିଆରି କରୁଥିବାର ଦେଖି ସେଠାରେ ଉପସ୍ଥିତ ଲୋକମାନେ ଆଶ୍ଚର୍ଯ୍ୟ ହୋଇଯାଇଥିଲେ। ସେମାନେ ତାଙ୍କର ଭିଡିଓ କରିଥିଲେ। କିଛି ଲୋକ ଲାଇଭ୍ରେ ମଧ୍ୟ ଆସିଥିଲେ।
ଏହି ସମୟରେ ରାହୁଲ ଦୋସା ବିକ୍ରେତାଙ୍କୁ ତାଙ୍କ ଆୟ ଏବଂ ସେ ସମ୍ମୁଖୀନ ହେଉଥିବା ସମସ୍ୟା ବିଷୟରେ ପଚାରି ବୁଝିଥିଲେ। ଜଣେ ସାଧାରଣ ଗ୍ରାହକଙ୍କ ପରି ରାହୁଲ ରାସ୍ତା କଡ଼ରେ ବସି ଦୋସା ଖାଇବାର ମଜା ନେଇଥିଲେ। ଯଦିଓ ଦୋକାନୀ ତାଙ୍କୁ ଚେୟାର ଅଫର୍ କରିଥିଲେ, କିନ୍ତୁ ସେ ମନା କରିଦେଇଥିଲେ। ରାହୁଲ ଗାନ୍ଧି ଗ୍ରାହକମାନଙ୍କ ସହିତ ଥଟ୍ଟା ମଧ୍ୟ କରିଥିଲେ। ଯାତ୍ରୀମାନଙ୍କ ସହ କଥା ହୋଇ ସେ ପିଲାମାନଙ୍କୁ ଚକୋଲେଟ୍ ବାଣ୍ଟିଥିଲେ।
#WATCH | Telangana | Congress MP Rahul Gandhi made dosas at a tiffin cart, as he briefly halted at the NAC bus stop while going to Jagtial as part of the Congress Vijayabheri Yatra.
(Video: Telangana Congress) pic.twitter.com/FIXGfvxfkh
— ANI (@ANI) October 20, 2023