ଜ୍ୱରରେ ପୀଡିତ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ଖୁବ ଶୀଘ୍ର କରାଇବେ କୋଭିଡ-୧୯ ଟେଷ୍ଟ
ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଶରୀରରେ କରୋନା ଲକ୍ଷଣ ! ଯାହାକୁ ନେଇ ଚର୍ଚ୍ଚା ଜୋର ଧରିଛି। ରବିବାରଠାରୁ ତାଙ୍କୁ ଜ୍ୱର ହେବା ସହିତ ତାଙ୍କ ଗଳା ଯନ୍ତ୍ରଣା ହେଉଥିବା ନେଇ ସୂଚନା ମିଳିଛି । ଯାହାଫଳରେ ଖୁବ୍ ଶିଘ୍ର ମୁଖ୍ୟମନ୍ତ୍ରୀ କେଜ୍ରିୱାଲ ନିଜର କୋଭିଡ-୧୯ ପରୀକ୍ଷା କରାଇବେ ବୋଲି ଜଣାପଡିଛି ।
ଏନେଇ ଅରବିନ୍ଦ କେଜ୍ରିୱାଲ ରବିବାରଠାରୁ ତାଙ୍କର ସମସ୍ତ ବୈଠକ ବାତିଲ କରିଥିବାବେଳେ ନିଜକୁ ସଙ୍ଗରୋଧରେ ରଖିଛନ୍ତି। ସୂଚନା ଥାଉକି, ଦିଲ୍ଲୀରେ ସମୁଦାୟ ୨୮,୯୩୬ ଜଣ କରୋନା ଆକ୍ରାନ୍ତ ହୋଇଥିବା ବେଳେ ବର୍ତ୍ତମାନ ସୁଦ୍ଧା ୮୧୨ ଜଣଙ୍କର ମୃତ୍ୟୁ ହୋଇ ସାରିଛି।
