ଲୋକସଭା ନିର୍ବାଚନ ପାଇଁ ସଜାଗ ଆୟକର ବିଭାଗ: ଖୋଲିଲା ୨୪ ଘଣ୍ଟିଆ କଣ୍ଟ୍ରୋଲ ରୁମ୍, ଜାରି କଲା ଟୋଲ ଫ୍ରି ନମ୍ବର
ଦିଲ୍ଲୀ ଆୟକର ନିର୍ଦ୍ଦେଶାଳୟ ଖୋଲିଲା କଣ୍ଟ୍ରୋଲ ରୁମ୍। ଲୋକସଭା ନିର୍ବାଚନକୁ ଦୃଷ୍ଟିରେ ରଖି ନିୟନ୍ତ୍ରଣ କକ୍ଷ ଖୋଲାଯାଇଛି। ଜାରି ହୋଇଛି ଟୋଲ ଫ୍ରି ଲ୍ୟାଣ୍ଡ ଲାଇନ ଓ ମୋବାଇଲ ନମ୍ବର। ଦିଲ୍ଲୀ ଜାତୀୟ ରାଜଧାନୀ କ୍ଷେତ୍ରରେ ସନ୍ଦେହଜନକ ଗତିବିଧି, ନଗଦ ଟଙ୍କା, ସୁନା ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ବଣ୍ଟନକୁ ରୋକିବାରେ ସାହାଯ୍ୟ କରିବ କଣ୍ଟ୍ରୋଲ ରୁମ୍।
ନୂଆଦିଲ୍ଲୀ : ଦିଲ୍ଲୀ ଆୟକର ନିର୍ଦ୍ଦେଶାଳୟ ଖୋଲିଲା କଣ୍ଟ୍ରୋଲ ରୁମ୍। ଲୋକସଭା ନିର୍ବାଚନକୁ ଦୃଷ୍ଟିରେ ରଖି ନିୟନ୍ତ୍ରଣ କକ୍ଷ ଖୋଲାଯାଇଛି। ଜାରି ହୋଇଛି ଟୋଲ ଫ୍ରି ଲ୍ୟାଣ୍ଡ ଲାଇନ ଓ ମୋବାଇଲ ନମ୍ବର। ଦିଲ୍ଲୀ ଜାତୀୟ ରାଜଧାନୀ କ୍ଷେତ୍ରରେ ସନ୍ଦେହଜନକ ଗତିବିଧି, ନଗଦ ଟଙ୍କା, ସୁନା ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ବଣ୍ଟନକୁ ରୋକିବାରେ ସାହାଯ୍ୟ କରିବ କଣ୍ଟ୍ରୋଲ ରୁମ୍। ଦିଲ୍ଲୀରେ ଆଦର୍ଶ ଆଚରଣବିଧିର ସମଗ୍ର ଅବଧିରେ କଣ୍ଟ୍ରୋଲ ରୁମ୍ କାର୍ଯ୍ୟକ୍ଷମ ରହିବ। ନିର୍ବାଚନକୁ ସ୍ବଛ, ଅବାଧ ଓ ନିରପେକ୍ଷ କରିବାକୁ ଏହି ପଦକ୍ଷେପ ନିଆଯାଇଛି ।
୨୪ ଘଣ୍ଟିଆ କଣ୍ଟ୍ରୋଲ ରୁମ୍ ସହିତ ଯୋଗାଯୋଗ କରିବା ପାଇଁ ନାଗରିକମାନେ ଟୋଲ ଫ୍ରି ନମ୍ବରରେ ଯୋଗାଯୋଗ କରିପାରିବେ ଏବଂ ନିୟନ୍ତ୍ରଣ କକ୍ଷକୁ କଲ୍ କରୁଥିବା ବ୍ୟକ୍ତିମାନଙ୍କୁ କୌଣସି ବ୍ୟକ୍ତିଗତ ବିବରଣୀ, ଯେପରିକି ନାମ କିମ୍ବା ପରିଚୟର ଅନ୍ୟ ବିବରଣୀ ପ୍ରକାଶ କରିବାକୁ ପଡିବ ନାହିଁ । ଗୁରୁତ୍ୱପୂର୍ଣ୍ଣ କଥା ହେଉଛି ପ୍ରାପ୍ତ ସୂଚନା ବିଶ୍ୱସନୀୟ ଏବଂ କାର୍ଯ୍ୟାନୁଷ୍ଠାନ ଯୋଗ୍ୟ ହେବ।
ଟୋଲ୍ ଫ୍ରି ନମ୍ବର: ୧୮୦୦୧୧୨୩୦୦, ଲ୍ୟାଣ୍ଡଲାଇନ୍ ନମ୍ବର: ୦୧୧-୨୩୨୩୨୩୧୨/୩୧/୬୭/୭୬ ଟୋଲ୍ ଫ୍ରି ମୋବାଇଲ୍ । ସଂଖ୍ୟା: ୯୮୬୮୧୬୮୬୮୨।
.