କେବଳ ଗୋଟେ କାନରେ ଶୁଣିପାରନ୍ତି ଟିମ୍ ଇଣ୍ଡିଆରେ ଏହି ଖେଳାଳି, ବ୍ରିସବେନ ଟେଷ୍ଟରେ ନେଇଛନ୍ତି ଅଶ୍ବିନଙ୍କ ସ୍ଥାନ, ଜାଣନ୍ତୁ ଏହି ଖେଳାଳିଙ୍କ ବିଷୟରେ
ଅଷ୍ଟେଲିଆ ବିପକ୍ଷ ବ୍ରିସବେନରେ ଖେଳାଯାଉଥିବା ଚତୁର୍ଥ ଟେଷ୍ଟରେ ଆର ଅଶ୍ୱିନଙ୍କ ବଦଳରେ ସ୍ଥାନ ପାଇଛନ୍ତି ଓ୍ୱାଶିଂଟନ ସୁନ୍ଦର । ଆଇପିଏଲ-୧୩ ପରେ ନେଟ୍ ବୋଲର ଭାବେ ଅଷ୍ଟ୍ରେଲିଆ ଗସ୍ତ କରିଥିବା ଓ୍ୱାଶିଂଟନଙ୍କ ଭାଗ୍ୟ ବଦଳିଥିଲା । ଏହାସହ ସେ ଅଶ୍ୱିନଙ୍କ ସ୍ଥାନରେ ଚୂଡାନ୍ତ ଏକାଦଶରେ ସାମିଲ ହୋଇଥିଲେ । ସେ ଦଳର ୩୦୧ ତମ ଖେଳାଳି ଭାବେ ପଦାର୍ପଣ କରିଛନ୍ତି ।
ଓ୍ୱାଶିଂଟନ ସୁନ୍ଦର କେବଳ ଗୋଟିଏ କାନରେ ହିଁ ଶୁଣି ପାରନ୍ତି । ଯେତେବେଳେ ସେ ୪ ବର୍ଷର ଥିଲେ ସେତେବେଳେ ଏହି ରୋଗ ବିଷୟରେ ଜଣା ପଡିଥିଲା । ଅନେକ ହସ୍ପିଟାଲରେ ତାଙ୍କର ଚିକିତ୍ସା ହେବା ପରେ ମଧ୍ୟ ସେ ଗୋଟେ କାନରେ ଶୁଣିପାରିନଥିଲେ । ଏଥିପାଇଁ ସେ ଅନେକ ସମସ୍ୟାର ସାମ୍ନା କରିଛନ୍ତି । ଏହି ଦୁର୍ବଳତା ପାଇଁ ସେ କେବେ ବି ପଛକୁ ହଟି ନାହାଁନ୍ତି ।
Let’s hear it for @Sundarwashi5, who gets his #TeamIndia 🧢 from @ashwinravi99. He stayed back after the white-ball format to assist the team and is now the proud holder of cap number 301. 💪🙌 pic.twitter.com/DY1AwPV0HP
— BCCI (@BCCI) January 14, 2021
ସେ ୨୦୧୬ରେ ତାମିଲନାଡୁ ଟିମରେ ସ୍ଥାନ ପାଇଥିଲେ । ସେ କହିଛନ୍ତି ଯେ, ଫିଲ୍ଡିଂ ବେଳେ ଅନ୍ୟ ସାଥି ଖେଳାଳିଙ୍କ ସହ କଥାବାର୍ତ୍ତାରେ କିଛିଟା ସମସ୍ୟା ହୋଇଥାଏ କିନ୍ତୁ ଏହାକୁ ନେଇ କେହି ତାଙ୍କୁ କିଛି କହିନାହାଁନ୍ତି । ପାର୍ଥିବ ପଟେଲଙ୍କ ପରେ ସୁନ୍ଦର ସବୁଠାରୁ କମ୍ ବୟସର କ୍ରିକେଟର ଭାବେ ଦିନିକିଆରେ ପଦାର୍ପଣ କରିଥିଲେ । ମାତ୍ର ୧୮ ବର୍ଷ ୬୯ ଦିନରେ ସେ ଦିନିକିଆ ଖେଳିଥିଲେ । ପାର୍ଥୀବ ୧୭ ବର୍ଷ ୩୦୧ ଦିନରେ ପ୍ରଥମ ଦିନିକିଆ ଖେଳିଥିଲେ ।
ଜର୍ସି ନମ୍ବର ପଛରେ ରହିଛି ବଡ ରହସ୍ଯ
ଓ୍ୱାଶିଂଟନଙ୍କ ନାଁରେ ଏକ ବଡ ରହସ୍ୟ ଲୁଚି ରହିଛି । ତାଙ୍କ ପିତାଙ୍କ ନାଁ ହେଉଛି ଏମ ସୁନ୍ଦର । ତାଙ୍କ ବାପା ପିଡି ଓ୍ୱାଶିଂଟନ ନାମକ ଜଣେ ବଦାନ୍ୟ ବ୍ୟକ୍ତିଙ୍କଠାରୁ ଅନେକ ସାହାଯ୍ୟ ପାଇଥିଲେ । ଏହି ନାଁ ରେ ସେ ନିଜ ପୁତ୍ରର ନାଁ ରଖିଥିଲେ । ସେ ୫୫ ନମ୍ବର ଜର୍ସି ପିନ୍ଧି ଖେଳନ୍ତି । କାରଣ ତାଙ୍କ ଜନ୍ମ ଅକ୍ଟୋବର ୫ ତାରିଖ ସକାଳ ୫ଟା ୫ରେ ହୋଇଥିଲା ।
