ବାହନଗା ଟ୍ରେନ ଟ୍ରାଜେଡି: ସେକ୍ସନ ଜେଇ ଅମୀର ଖାନଙ୍କ ଘରୁ ମିଳିଛି ଗୁରୁତ୍ୱପୁର୍ଣ୍ଣ ତଥ୍ୟ, ୬ ଘଣ୍ଟା ଧରି ଛାନଭିନ କରିଥିଲା ସିବିଆଇ

ସୋର(.କେନ୍ୟୁଜ୍): ୬ରୁ ଉର୍ଦ୍ଧ ଘଣ୍ଟା ପରେ ଘରୁ ବାହାରିଲେ ସିବିଆଇ ଟିମ ।  ବାହାନଗା ଟ୍ରେନ ଟ୍ରାଜେଡି ଘଟଣା ରେ ବାହାନଗା ସିଗନାଲ ଦାୟିତ୍ୱରେ ଥିବା ରେଲୱେ ସେକ୍ସନ ଜେଇ ଅମୀର ଖାନଙ୍କର ସୋର କମରପୁର ଠାରେ ଥିବା ଭଡା ଘରେ ଗତକାଲି ଦିନ ୧୦ ଘଟିକା ସମୟରେ ସିବିଆଇର ଏକ ୬ ଜଣିଆ ଟିମ ଘରକୁ ସିଲ କରିଥିଲେ।

ଆଜି ୧୦ ଘଟିକା ସମୟରେ ସିବିଆଇ ଜେଇ ଅମୀର ଖାନକୁ ସାଙ୍ଗରେ ଆଣି ଘର ସିଲ ଖୋଲିବା ସହିତ ଘର ଭିତରେ ଦୀର୍ଘ ୬ ଘଣ୍ଟା ଧରି ଛାନଭିନ କରିଥିଲେ । ବିଭିନ୍ନ ଗୁରୁତ୍ୱପୂର୍ଣ୍ଣ ଦସ୍ତାବିଜ ସିବିଆଇ ଜବତ କରିଥିବା ବିଶେଷ ସୂତ୍ରରୁ ଖବର ମିଳିଛି, ଅମୀରକୁ ପୁଣି ସିବିଆଇ ସାଙ୍ଗରେ ନେଇ ଯାଇଥିବା ସହିତ ସିବିଆଇକୁ କିଛି ଗୁରୁତ୍ୱପୁର୍ଣ୍ଣ ତଥ୍ୟ ହସ୍ତଗତ ହୋଇଥିବା ସନ୍ଦେହ କରାଯାଉଛି।