ଝାରପଡ଼ାରେ ପୋଲିସ୍ ଛାଉଣି, କୋର୍ଟରେ ନାଗ-ଚାନ୍ଦଙ୍କୁ ଏକାଠି ଜେରା
ଭୁବନେଶ୍ୱର(କେନ୍ୟୁଜ୍): ଝାରପଡ଼ାରେ ପୋଲିସ୍ ଛାଉଣି । କୋର୍ଟରେ ଜଗବନ୍ଧୁ ଚାନ୍ଦକୁ ହାଜର କରିବ ପୋଲିସ । ଏଥିପାଇଁ ଝାରପଡ଼ା ଜେଲ ଆଗରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
ଆଜି କୋର୍ଟରେ ହାଜର ହେବେ ନାଗ-ଚାନ୍ଦ ଦମ୍ପତି। ୭ ଦିନିଆ ରିମାଣ୍ଡ ଶେଷ ପରେ ଆଜି କୋର୍ଟରେ ହାଜର କରିବ ପ୍ରବର୍ତ୍ତନ ନିର୍ଦ୍ଦେଶାଳୟ । ପ୍ରଥମ ପର୍ଯ୍ୟାୟ ଜେରାରେ ଇଡିକୁ ସନ୍ତୋଷ ଜନକ ଉତ୍ତର ମିଳିପାରିନଥିବାରୁ ପୁଣି ଥରେ ରିମାଣ୍ଡରେ ଆଣିବାକୁ ଆବେଦନ କରିବ ବୋଲି ସୂଚନା ମିଳିଛି । ଆଉ ୭ ଦିନ ରିମାଣ୍ଡରେ ଆଣିବାକୁ ଆବେଦନ କରାଯିବ ।
ଅନ୍ୟପଟେ ଆଜି କୋର୍ଟରେ ହାଜର ହେବେ ଅର୍ଚ୍ଚନାଙ୍କ ସ୍ୱାମୀ ଜଗବନ୍ଧୁ ଚାନ୍ଦ । ତାଙ୍କୁ ୧୫ ଦିନିଆ ରିମାଣ୍ଡରେ ଆଣିବାକୁ ଆବେଦନ କରିବ ଇଡି । ଝାରପଡ଼ା ଜେଲ୍ରୁ କଡ଼ା ସୁରକ୍ଷା ମଧ୍ୟରେ ତାଙ୍କୁ ଅଣାଯିବ। ଏଥିପାଇଁ ଜେଲ୍ ସମ୍ମୁଖରେ ପୋଲିସ ଛାଉଣୀ କରାଯାଇଛି। ରିମାଣ୍ଡରେ ଆଣି ନାଗ-ଚାନ୍ଦ ଦମ୍ପତିଙ୍କୁ ମୁହାଁମୁହିଁ ଜେରା କରିବାକୁ ଯୋଜନା କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ ।
୭ ଦିନିଆ ରିମାଣ୍ଡ ବେଳେ ଇଡି ଆଗରେ ଅର୍ଚ୍ଚନା ପୁରା ଚୁପ୍ ରହିଥିଲେ। କୌଣସି ପ୍ରଶ୍ନର ଉତ୍ତର ଦେଇନାହାଁନ୍ତି କି ସହଯୋଗ କରିନାହାଁନ୍ତି। ତେଣୁ ଅର୍ଚ୍ଚନାଙ୍କୁ ପୁଣି ଥରେ ରିମାଣ୍ଡରେ ଆଣି କଳା ସାମ୍ରାଜ୍ୟର ରହସ୍ୟ ଖୋଲିବାକୁ ଚେଷ୍ଟା କରିବ ଇଡି।
