କାନ୍ଥ ଭୁଶୁଡ଼ି ଯୁବକଙ୍କ ମୃତ୍ଯୁ
ଭଦ୍ରକ : କାନ୍ଥ ନେଲା ଜୀବନ। ବାସୁଦେବପୁର ବ୍ଳକ୍ ବିନାୟକପୁର ଗାଁରେ କାନ୍ଥ ପଡି ଯୁବକଙ୍କ ମୃତ୍ଯୁ ହୋଇଛି। ମୃତ ଯୁବକ ହେଲେ ସେହି ଗାଁର ଅରବିନ୍ଦ ବେହେରା। ସେ ଶୋଇଥିବା ଅବସ୍ଥାରେ ବିଳମ୍ବିତ ରାତିରେ ଘରର ଛପର ଓ କାନ୍ଥ ଭୁଶୁଡ଼ି ପଡିଥିଲା। ଫଳରେ ଦୁଇଜଣ ଏହା ମଧ୍ୟରେ ଚାପି ହୋଇ ରହିଯାଇଥିଲେ। ତେବେ ଅରବିନ୍ଦଙ୍କ ସାନଭାଇଙ୍କୁ ଉଦ୍ଧାର କରାଯିବା ସହ ଅରବିନ୍ଦଙ୍କୁ ଗୁରୁତର ଅବସ୍ଥାରେ ମେଡିକାଲକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
