ବର୍ତ୍ତମାନ ବାଇକ୍ ଏବଂ ସ୍କୁଟରରେ ମଧ୍ୟ ଉପଲବ୍ଧ ହେବ ଏୟାରବ୍ୟାଗ, ସେକେଣ୍ଡରେ ଖୋଲି ଆପଣଙ୍କୁ ଦେବ ସୁରକ୍ଷା
ପ୍ରତିବର୍ଷ ସାରା ବିଶ୍ୱରେ ସଡ଼କ ଦୁର୍ଘଟଣାରେ ଲକ୍ଷ ଲକ୍ଷ ଲୋକ ପ୍ରାଣ ହରାଉଛନ୍ତି । କିନ୍ତୁ ଚାରି ଚକିଆ ଯାନରେ ଏୟାରବ୍ୟାଗ ସୁବିଧା ହେବା ଦିନଠାରୁ ଦୁର୍ଘଟଣାରେ ପ୍ରାଣ ହରାଉ ଥିବା ଲୋକଙ୍କ ସଂଖ୍ୟା କିଛି ମାତ୍ରାରେ ହ୍ରାସ ପାଇଛି ବୋଲି କୁହାଯାଉଛି । କିନ୍ତୁ ତଥାପି ଅନେକ ଦୁର୍ଘଟଣାରେ ଦୁଇ ଚକିଆ ଡ୍ରାଇଭର ପ୍ରାଣ ହରାଉଛନ୍ତି ।
ବାସ୍ତବରେ, ଦୁଇ ଚକିଆ ଦୁର୍ଘଟଣାରେ ଡ୍ରାଇଭରଙ୍କ ଜୀବନ କିପରି ରକ୍ଷା କରାଯାଇପାରିବ ସେନେଇ ଅଟୋମୋବାଇଲ୍ କମ୍ପାନୀଗୁଡିକ କ୍ରମାଗତ ଭାବରେ କାର୍ଯ୍ୟ କରୁଛନ୍ତି | ବର୍ତ୍ତମାନ ଦୁଇ ଚକିଆ ଯାନରେ ଏୟାରବ୍ୟାଗ ସୁରକ୍ଷା ଦେବା ପାଇଁ କୁହାଯାଉଛି । ଅର୍ଥାତ କାର ପରି ବାଇକ୍ ଏବଂ ସ୍କୁଟରକୁ ମଧ୍ୟ ଏୟାରବ୍ୟାଗର ଫିଚର ଦିଆଯିବ।
ଏହି ଦୁଇଟି କମ୍ପାନୀ ଏୟାରବ୍ୟାଗରେ କାମ କରୁଛନ୍ତି
Piaggio କମ୍ପାନୀ ସ୍କୁଟର ଏବଂ ବାଇକ୍ ଏୟାରବ୍ୟାଗ ଫିଚର ଉପରେ କାମ କରୁଛି । କମ୍ପାନୀ Autoliv (ଅଟୋଲିଭ୍) ସହିତ ଏକ ଚୁକ୍ତି କରିଛି, ଯାହା ପରେ ଉଭୟ କମ୍ପାନୀ ବର୍ତ୍ତମାନ କହିଛନ୍ତି ଯେ ସେମାନେ ଦୁଇ ଚକିଆ ଯାନ ପାଇଁ ଏୟାରବ୍ୟାଗ ତିଆରି କରିବା ପାଇଁ ଏକାଠି କାମ କରୁଛନ୍ତି।
ମିଡିଆ ରିପୋର୍ଟ ଅନୁଯାୟୀ, ଅଟୋଲିଭ୍ କମ୍ପାନୀ ଉନ୍ନତ ସିମୁଲେସନ୍ ଉପକରଣ ସହିତ ଏହି ଏୟାରବ୍ୟାଗର ପ୍ରାରମ୍ଭିକ କନସେପ୍ଟ ଉପରେ ତିଆରି କରୁଛି । ଯାହାର କ୍ରାସ୍ ପରୀକ୍ଷା ମଧ୍ୟ ହୋଇସାରିଛି । ଅନ୍ୟପକ୍ଷରେ, ଏହା ଅଟୋଲିଭ୍ ସହିତ ଆସୁଥିବାରୁ ଏହାକୁ ଅଧିକ ସୁନ୍ଦର ଓ ସୁବିଧା ଯୋଗ୍ୟ ହେବ ବୋଲି ଆଶା କରାଯାଉଛି ।
ଖବର ଅନୁଯାୟୀ, ଦୁଇ ଚକିଆ ଯାନର ଫ୍ରେମ ଉପରେ ଏୟାରବ୍ୟାଗ ଲଗାଯିବ। ଯଦି କୌଣସି ଦୁର୍ଘଟଣା ଘଟେ, ଏହି ଏୟାରବ୍ୟାଗ ଚାରି ଚକିଆ ଯାନ ପରି ଆଖି ପିଛୁଳାକେ ଖୋଲିଯିବ । ଯେଉଁଥିପାଇଁ ଦୁର୍ଘଟଣାରେ ଲୋକଙ୍କ ଜୀବନ କିଛି ମାତ୍ରାରେ ସୁରକ୍ଷା ପାଇପାରିବ ।
Autoliv ସିଇଓ ଓ ଅଧ୍ୟକ୍ଷା ମାଇକେଲ ବ୍ରାଟ କହିଛନ୍ତି, “ଅଟୋଲିଭ ଅଧିକ ଜୀବନ ବଞ୍ଚାଇବା ଏବଂ ସମାଜ ପାଇଁ ବିଶ୍ୱ ସ୍ତରୀୟ ଜୀବନ ରକ୍ଷାକାରୀ ସମାଧାନ ଯୋଗାଇବା ପାଇଁ ପ୍ରତିଶ୍ରୁତିବଦ୍ଧ। ଦୁଇ ଚକିଆ ଡ୍ରାଇଭରର ସୁରକ୍ଷା ପାଇଁ, ଆମେ ଏପରି ଉତ୍ପାଦ ବିକଶିତ କରୁଛୁ ଯାହା ଅଧିକ ସୁରକ୍ଷା ଦେବ। ସେ କହିଛନ୍ତି ଯେ ୨୦୩୦ ସୁଦ୍ଧା ପ୍ରତିବର୍ଷ ଏକ ଲକ୍ଷ ଜୀବନ ବଞ୍ଚାଇବା ଦିଗରେ ଦୁଇ ଚକିଆ ଯାନ ପାଇଁ ଏୟାରବ୍ୟାଗ ପ୍ରସ୍ତୁତ କରାଯାଉଛି।
