ଲଗାତାର ବ୍ୟବହାର କରୁଛନ୍ତି କି AC? ହୋଇପାରେ ଏହି ସମସ୍ୟା
ଏସିରୁ ଥଣ୍ଡା ପବନ ଆସେ, ଯାହା ନାକ ଏବଂ ଗଳା ଯନ୍ତ୍ରଣାର କାରଣ ହୋଇପାରେ । ଏସିର ଥଣ୍ଡା ପବନରେ ଆସୁଥିବା ଧୂଳି ଆଲର୍ଜି ଏବଂ ଆଜମାକୁ ବଢ଼ାଇପାରେ । ଏସିର ଥଣ୍ଡା ପବନ ସିଧା ସଳଖ ତ୍ୱଚାରେ ବାଜିଥାଏ, ଯାହା ଚର୍ମରେ ଶୁଷ୍କତା ଆଣେ ।
ଏସି ଅତ୍ୟଧିକ ଗରମରୁ ଆମକୁ ଆରାମ ଦେଇଥାଏ । କିନ୍ତୁ ଏହାକୁ ଲଗାତାର ବ୍ୟବହାର କରିବା ଦ୍ୱାରା ଅନେକ ସ୍ୱାସ୍ଥ୍ୟଗତ ସମସ୍ୟା ସୃଷ୍ଟି ହେଉଛି । କିଛି ଲୋକ ଅଛନ୍ତି ଯେଉଁମାନେ ଏହାକୁ ବ୍ରେକ୍ ନ ଦେଇ ବ୍ୟବହାର କରନ୍ତି । ଏପରି ପରିସ୍ଥିତିରେ ଅନେକ ସମସ୍ୟା ଉପୁଜିପାରେ । ଆଜି ଆମେ ଆପଣଙ୍କୁ ଏସିରୁ ହେଉଥିବା ସମସ୍ୟା ବିଷୟରେ ଜଣାଇବୁ ।
ଏସିରୁ ଥଣ୍ଡା ପବନ ଆସେ, ଯାହା ନାକ ଏବଂ ଗଳା ଯନ୍ତ୍ରଣାର କାରଣ ହୋଇପାରେ । ଏସିର ଥଣ୍ଡା ପବନରେ ଆସୁଥିବା ଧୂଳି ଆଲର୍ଜି ଏବଂ ଆଜମାକୁ ବଢ଼ାଇପାରେ । ଏସିର ଥଣ୍ଡା ପବନ ସିଧା ସଳଖ ତ୍ୱଚାରେ ବାଜିଥାଏ, ଯାହା ଚର୍ମରେ ଶୁଷ୍କତା ଆଣେ । ମାଂସପେଶୀରେ ହେଉଥିବା ଯନ୍ତ୍ରଣା ମଧ୍ୟ ଏସିର ଥଣ୍ଡା ପବନ ଯୋଗୁଁ ହୋଇଥାଏ । ଏସି ଥଣ୍ଡା ପବନ ଶରୀରର ପ୍ରାକୃତିକ ତାପମାତ୍ରାକୁ ହ୍ରାସ କରିପାରେ, ଯାହାଦ୍ୱାରା ଥକାପଣ ଏବଂ ମୁଣ୍ଡବିନ୍ଧା ହୁଏ । ଏସିର ଥଣ୍ଡା ପବନରୁ ସଂକ୍ରମଣ ହେବାର ସମ୍ଭାବନା ମଧ୍ୟ ରହିଥାଏ ।
ଅନ୍ୟ ସମସ୍ୟା ମଧ୍ୟରେ ଏସିର ବିଦ୍ୟୁତ୍ ବିଲ୍ ଅନ୍ୟତମ । ଏହାକୁ ଲଗାତାର ବ୍ୟବହାର ବିଦ୍ୟୁତ୍ ବିଲ୍ କୁ ବଢ଼ାଏ । ଏସିରୁ ଆସୁଥିବା ଥଣ୍ଡା ପବନ ଗ୍ଲୋବାଲ୍ ଓ୍ଵାର୍ମିଂକୁ ବଢ଼ାଉଛି । ଏସିର ଥଣ୍ଡା ପବନ ରୁମରେ ଆର୍ଦ୍ରତାକୁ ବଢ଼ାଇଥାଏ । ତେବେ ଏହି ସମସ୍ତ ସସମ୍ୟାରୁ ବଞ୍ଚିବା ପାଇଁ ଆପଣ କିଛି ଟିପ୍ସକୁ ଫଲୋ କରନ୍ତୁ ।
ଏସିର ତାପମାତ୍ରା ୨୪ ° C ରୁ ୨୬ ° C ମଧ୍ୟରେ ରଖନ୍ତୁ । ସିଧାସଳଖ ନିଜ ଉପରେ କିମ୍ବା କାହା ଉପରେ ଏସି ବ୍ୟବହାର କରନ୍ତୁ ନାହିଁ । ଏସି ଫିଲ୍ଟରକୁ ନିୟମିତ ଭାବେ ସଫା କରନ୍ତୁ । ଏସି ବ୍ୟବହାର କରିବା ସହିତ ଫ୍ୟାନ୍ ମଧ୍ୟ ବ୍ୟବହାର କରନ୍ତୁ । ଯେତେବେଳେ ପାଗ ବାହାରେ ଥଣ୍ଡା ହେଉଛି ସେତେବେଳେ ଏସି ବ୍ୟବହାରକୁ କମ କରନ୍ତୁ । ଏହା ମଧ୍ୟ ଧ୍ୟାନରେ ରଖନ୍ତୁ ଏସି ସମସ୍ତଙ୍କ ପାଇଁ ଉପଯୁକ୍ତ ନୁହେଁ । ଯଦି ଆପଣଙ୍କର କୌଣସି ସ୍ୱାସ୍ଥ୍ୟଗତ ସମସ୍ୟା ଅଛି, ତେବେ ଏସି ବ୍ୟବହାର କରିବା ପୂର୍ବରୁ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।
ଏସି ବ୍ୟବହାର କରିବା ସମୟରେ ଯତ୍ନ ନେବା ଦ୍ୱାରା ଆପଣ କେବଳ ଏହି ସମସ୍ୟାରୁ ରକ୍ଷା ପାଇପାରିବେ ତାହା ନୁହେଁ ବରଂ ଆପଣଙ୍କ ଘରର ପରିବେଶ ସୁସ୍ଥ ଏବଂ ଆରାମଦାୟକ ହେବ ।
