କେନ୍ଦ୍ର ସରକାରଙ୍କ ଦ୍ୱାରା ଜାରି ହୋଇଥିବା ଏହି ପଦବୀ ପାଇଁ ତୁରନ୍ତ କରନ୍ତୁ ଆବେଦନ, ଦରମା ମିଳିବ ୧.୭୭ ଲକ୍ଷ ଟଙ୍କା
ରାଜଧାନୀ ଦିଲ୍ଲୀ ଏନସିଟି ପକ୍ଷରୁ ସରକାରୀ ହୋମିଓପାଥି ମେଡିକାଲ ଅଫିସର ପଦ ପାଇଁ ବିଜ୍ଞାପନ ଜାରି କରାଯାଇଛି । କେନ୍ଦ୍ରୀୟ ଲୋକ ସଭା ଆୟୋଗ ବା ୟୁପିଏସସି ଦ୍ୱାରା ପରିଚାଳିତ ଏହି ଆବେଦନର ସୂଚନା upsconline.nic.in ସାଇଟରେ ଜାରି ହୋଇଛି । ସୂଚନା ଅନୁଯାୟୀ ମେଡିକାଲ ଅଫିସର ପଦ ପାଇଁ ସମୁଦାୟ ୭ଟି ପଦ ଖାଲି ରହିଛି । ଚୟନ ପ୍ରକ୍ରିୟା ଶେଷ ପରେ ଗ୍ରେଡ଼ ଏ, ସ୍ତର -୧୦
ଅନୁଯାୟୀ କୃତ୍ତି ପ୍ରାର୍ଥୀଙ୍କୁ ନିଯୁକ୍ତି ଦିଆଯିବ । ଜାରି ହୋଇଥିବା ସୂଚନା ଅନୁଯାୟୀ, ସ୍ଥାୟୀ ଭବରେ ଭର୍ତ୍ତି ପାଇଁ ଏହି ନିଯୁକ୍ତି ପ୍ରକ୍ରିୟା ଜାରି ହୋଇଥିବା ବେଳେ ଚୟନ ପ୍ରକ୍ରିୟାରେ ଉର୍ତ୍ତୀର୍ଣ୍ଣ ପ୍ରାର୍ଥୀଙ୍କୁ ଏକ ବର୍ଷ ପାଇଁ ପ୍ରୋବେସନ ଭାବରେ ହିଁ ପ୍ରଥମେ ନିଯୁକ୍ତି ଦିଆଯିବ । ନିଯୁକ୍ତି ଦିଆଯିବା ପରେ ସପ୍ତମ ବେତନ କମିଶନ ଆଧାରରେ ୫୬,୧୦୦ ହଜାରରୁ ଏକ ଲକ୍ଷ ୭୭ ହଜାର ୫୦୦ ଟଙ୍କା ପର୍ଯ୍ୟନ୍ତ ମାସିକ ବେତନ ଆଧାରରେ ନିଯୁକ୍ତି ମିଳିବ ।
ଯେଉଁଥିରେ ମହଙ୍ଗା ଭତ୍ତା( ଡ଼ିଏ), ହାଉସ ରେଂଟ ( ଏଚଆରଏ) ସମେତ ଅନ୍ୟାନ ଭତ୍ତା ମଧ୍ୟ ସାମିଲ ରହିବ । କିନ୍ତୁ ଆବେଦନ ପ୍ରକ୍ରିୟାରେ ଭାଗ ନେବା ପାଇଁ ଆଶାୟୀଙ୍କ ନିକଟରେ ହୋମିଓପାଥି କେନ୍ଦ୍ରୀୟ ପରିଷଦ ଅଧିନିୟମ, ୧୯୭୩ ଅନୁଯାୟୀ କୌଣସି ମାନ୍ୟତା ପ୍ରାପ୍ତ ବିଶ୍ୱ ବିଦ୍ୟାଳୟ ବା କୌଣସି ରାଜ୍ୟ ବୋର୍ଡରୁ ଡିଗ୍ରୀ ସାର୍ଟିଫିକେଟ ଥିବା ନିହାତି ଆବଶ୍ୟକ । ସାଧାରଣ ବା ଇଡ଼ବ୍ଳ୍ୟୁଏସ କ୍ୟାଟେଗୋରୀର ଆଶାୟୀଙ୍କ ପାଇଁ ବୟସ ସୀମା ୩୫ ବର୍ଷ ରଖାଯାଇଥିବା ବେଳେ ସଂରକ୍ଷିତ ବର୍ଗର ଆଶାୟୀଙ୍କ ପାଇଁ ସର୍ବାଧିକ ବୟସ ସୀମା ୪୦
ବର୍ଷ ରଖାଯାଇଛି । ଏଥିପାଇଁ ଇଛୁକ ଥିବା ପ୍ରାର୍ଥୀ ଉପରୋକ୍ତ ଅଫିସିଆଲ ୱେବ ସାଇଟକୁ ଯାଇ ସେପ୍ଟେମ୍ବର ୧୦ ମଧ୍ୟରାତ୍ରି ସମୟସୀମା ମଧ୍ୟରେ ଆବେଦନ କରିପାରିବେ ।
