ସୁନ୍ଦରଗଡରେ ୩୭ଜଣ କରୋନା ଯୋଦ୍ଧା ପଜିଟିଭ୍ ଚିହ୍ନଟ, ସେଥିରୁ ୩୫ ପୋଲିସ୍ କର୍ମଚାରୀ
ସୁନ୍ଦରଗଡ: ଆଜି ସୁନ୍ଦରଗଡରୁ ୫୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୩୭ ଜଣ କରୋନା ଯୋଦ୍ଧା ଥିବା ଜଣାପଡିଛି । ୩୭ ଜଣଙ୍କ ମଧ୍ୟରୁ ୩୫ ଜଣ ପୋଲିସ୍ କର୍ମଚାରୀ, ଜଣେ ଡାକ୍ତର ଓ ଜଣେ ଷ୍ଟାଫ ନର୍ସ ଥିବା ସୂଚନା ମିଳିଛି । କରୋନା ଯୋଦ୍ଧାଙ୍କ ଭିତରୁ ୧୫ ଜଣ କୋଭିଡ ହସ୍ପିଟାଲରେ ଭର୍ତି ହୋଇଥିବାବେଳେ ଆଉ ୨୨ ଜଣଙ୍କୁ ଘରୋଇ ସଂଗରୋଧରେ ରହିବାକୁ କୁହାଯାଇଛି।
Out of the 52 cases reported, 6 are returnees, 7 are contacts of previous positive, 37 are COVID Warriors and two are local contact cases with symptoms. All are either shifted to COVID hospital Rourkela, COVID Health Centre, NTPC Hospital, Sundargarh or Home quarantined as per pic.twitter.com/UvAW05jHFB
— District Sundargarh (@DMSundargarh) July 14, 2020
ଏନେଇ ସୁନ୍ଦରଗଡ ଜିଲ୍ଳାପାଳ ଟ୍ବିଟ୍ କରି ସୂଚନା ଦେଇଛନ୍ତି । ବର୍ତ୍ତମାନ ସୁନ୍ଦରଗଡ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୭୨୫କୁ ବୃଦ୍ଧି ପାଇଛି। ସେମାନଙ୍କ ଭିତରୁ ୩୧୮ଜଣ ସୁସ୍ଥ ହୋଇ ଘରକୁ ଫେରିଥିବାବେଳେ ଜଣଙ୍କର ମୃତ୍ୟୁ ହୋଇଛି । ଏବେ ଜିଲ୍ଲାରେ ମୋଟ୍ ୪୦୪ଟି ଆକ୍ଟିଭ୍ କେସ୍ ରହିଛି ।
