ବଲିଉଡ୍ ପରେ ଡ୍ରଗ୍ସ ପଞ୍ଝାରେ ଟଲିଉଡ୍: ରକୁଲପ୍ରୀତ, ରାଣା ଡଗୁବତୀ, ରବି ତେଜାଙ୍କୁ ଇଡିର ସମନ
ବଲିଉଡ୍ ପରେ ଡ୍ରଗ୍ସ ପଞ୍ଝାରେ ଟଲିଉଡ୍ । ଡ୍ରଗ୍ସ ଲିଙ୍କ୍ ମାମଲାରେ ଟପ୍ ସାଉଥ୍ ସେଲିବ୍ରିଟ୍ଙ୍କୁ ଇଡିର ସମନ ଜାରି । ୪ ବର୍ଷ ତଳର ଏକ ଡ୍ରଗ୍ସ ମାମଲାରେ ରକୁଲ ପ୍ରୀତ୍, ରାଣା ଡାଗୁବତୀ, ରବି ତେଜା ଓ ପୁରୀ ଜଗନାଥଙ୍କ ସମେତ ମୋଟ ୧୨ ଜଣଙ୍କୁ ହାଜର ହେବା ପାଇଁ ଇଡି ସମନ ଜାରି କରିଛି । ଏପରିକି ଏହି ମାମଲାର ତଦନ୍ତ କରୁଥିବା ଅବକାରୀ ବିଭାଗ ଅଧିକାରୀଙ୍କୁ ମଧ୍ୟ ସମନ ହୋଇଛି ।
ଆସନ୍ତା ୩୧ ତାରିଖରେ ଟଲିଉଡର ପ୍ରସିଦ୍ଧ ନିର୍ଦ୍ଦେଶକ ପୁରୀ ଜଗନ୍ନାଥଙ୍କୁ ହାଜର ହେବାକୁ ସମନ ହୋଇଛି। ସେହିପରି ସେପ୍ଟେମ୍ବର ୨ରୁ ୨୨ ମଧ୍ୟରେ ଅନ୍ୟ ସମସ୍ତଙ୍କୁ ହାଜର ହେବାକୁ କହିଛି ଇଡି । ସେପ୍ଟେମ୍ବର ୬ରେ ରକୁଲ ପ୍ରୀତ୍, ସେପ୍ଟେମ୍ବର ୮ରେ ରାଣା ଡାଗୁବତୀ, ସେପ୍ଟେମ୍ବର ୯ରେ ରବି ତେଜା ହାଜର ହେବା ପାଇଁ ନୋଟିସ୍ ହୋଇଛି। ଏହି ମାମଲାରେ ୨୦୧୭ରେ ଦକ୍ଷିଣ ଆଫ୍ରିକା ନାଗରିକ ରାଫେଲ ଆଲେକ୍ସଙ୍କୁ ଗିରଫ କରାଯାଇଥିଲା।