ସମାନ ନାଗରିକ ସଂହିତା ବିଲ ପାସ ନେଇ ମୋଦି ସରକାରଙ୍କ ବଡ଼ ପ୍ରସ୍ତୁତି, ଚଳିତ ସଂସଦ ଅଧିବେସନରେ ଆସିପାରେ ବିଲ୍
ସମାନ ନାଗରିକ ସଂହିତ(ୟୁନିଫର୍ମ ସିଭିଲ କୋଡ ବା ୟୁସିସି) କୁ ନେଇ ମୋଦି ସରକାରଙ୍କ ବଡ଼ ପ୍ରସ୍ତୁତି ଚାଲିଛି । ଆଗାମୀ ବର୍ଷା ଅଧିବେସନରେ ସଂସଦରେ ଆସିପାରେ ୟୁସିସି ବିଲ୍ । ଏହି ବିଲକୁ ସଂସଦୀୟ ସମିତିକୁ ମଧ୍ୟ ପଠାଯାଇପାରେ । ୨୦୨୪ ନିର୍ବାଚନ ପୂର୍ବରୁ ଏହାକୁ ବିଜେପିର ମାଷ୍ଟର ଷ୍ଟ୍ରୋକ କୁହାଯାଇପାରେ ।
ନୂଆଦିଲ୍ଳୀ : ସମାନ ନାଗରିକ ସଂହିତ(ୟୁନିଫର୍ମ ସିଭିଲ କୋଡ ବା ୟୁସିସି) କୁ ନେଇ ମୋଦି ସରକାରଙ୍କ ବଡ଼ ପ୍ରସ୍ତୁତି ଚାଲିଛି । ଆଗାମୀ ବର୍ଷା ଅଧିବେସନରେ ସଂସଦରେ ଆସିପାରେ ୟୁସିସି ବିଲ୍ । ଏହି ବିଲକୁ ସଂସଦୀୟ ସମିତିକୁ ମଧ୍ୟ ପଠାଯାଇପାରେ । ୨୦୨୪ ନିର୍ବାଚନ ପୂର୍ବରୁ ଏହାକୁ ବିଜେପିର ମାଷ୍ଟର ଷ୍ଟ୍ରୋକ କୁହାଯାଇପାରେ ।
୩ ଜୁଲାଇରେ ସଂସଦୀୟ ସମିତି ବୈଠକ :
ସମାନ ନାଗରିକ ସଂହିତାକୁ ନେଇ ୩ ଜୁଲାଇ ଅହରାହ୍ଣ ୩ଟାରେ ସଂସଦୀୟ ସମିତି ବୈଠକ ଡକାଯାଇଛି । ଏହି ବୈଠକରେ ସାଂସଦମାନଙ୍କ ନିଷ୍ପତ୍ତି ସର୍ମ୍ପକରେ ବୁଝାଯିବ । ଏହି ବୈଠକରେ ଲ’ କମିଶନଙ୍କ ସହ ଆଇନଜ୍ଞମାନେ ମଧ୍ୟ ଉପସ୍ଥିତ ରହିବେ । ଏହା ପୂର୍ବରୁ ମଧ୍ୟ ଲୋକଙ୍କ ନିଷ୍ପତ୍ତି ଜାଣିବାକୁ ବୈଠକ ଅନୁଷ୍ଠିତ ହୋଇଥିଲା ।ସଂସଦର ବର୍ଷା ଅଧିବେସନ ୧୭ ଜୁଲାଇରୁ ଆରମ୍ଭ ହେବାକୁ ଯାଉଛି । ଏହା ୧୦ ଅଗଷ୍ଟ ପର୍ଯ୍ୟନ୍ତ ଚାଲିବ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିକଟରେ ଭୋପାଳ କାର୍ଯ୍ୟକ୍ରମରେ ଉଦବୋଧନ ଦେଇ କହିଥିଲେ, ଭାରତର ମୁସଲମାନଙ୍କୁ ବୁଝିବା ଦରକାର ଯେ କେଉଁ ରାଜନୈତିକ ଦଳ ସେମାନଙ୍କୁ ଉସୁକାଉଛି । ମୋଦି କହିଥିଲେ, ଗୋଟିଏ ଘରେ ଜଣକ ପାଇଁ ଗୋଟିଏ ନିୟମ ଓ ଅନ୍ୟ ପାଇଁ ଆଉ ଏକ ନିୟମ । ଏମିତିରେ ଘର ଚାଲିପାରିବ କି ? ଏମିତି ଡବଲ ବ୍ୟବସ୍ଥାରେ ଦେଶ କିପରି ଚାଲିପାରିବ ।
ଆମ ଉପରେ ଦୋଷ ଲଗାଉଥିବା ଏହି ବ୍ୟକ୍ତି ଯଦି ମୁସଲମାନଙ୍କ ହିତକାରୀ ହୋଇଥାନ୍ତେ, ତେବେ ମୁସଲମାନ ପଛରେ ରହି ନଥାନ୍ତେ । ସୁପ୍ରିମକୋର୍ଟ ବାରମ୍ବାର କହିଛି ଯେ ସମାନ ନାଗରିକ ସଂହିତା ଆଣ,ହେଲେ ଭୋଟ ବ୍ୟାଙ୍କ ଭୋକିଲା ଲୋକେ ଏହା କରିବାକୁ ଚାହାଁନ୍ତି ନାହିଁ ବୋଲି ମୋଦି କହିଥିଲେ ।
