ବାଣ ବିସ୍ପୋରଣ ଘଟି ଅଗ୍ନିକାଣ୍ଡ, ଜଳିଗଲା ବହୁ ପାଳଗଦା
ବେଗୁନିଆ ଲେଖନପୁର ଗାଁରେ ବାଣ ବିସ୍ପୋରଣ ଘଟି ଅଗ୍ନିକାଣ୍ଡ । ଅଗ୍ନିକାଣ୍ଡରେ ଆଖପାଖ ଅଞ୍ଚଳର ଘର ସହିତ ବହୁ ପାଳଗଦା ଜଳିଯାଇଛି ।
ବେଗୁନିଆ : ବେଗୁନିଆ ଲେଖନପୁର ଗାଁରେ ବାଣ ବିସ୍ପୋରଣ ଘଟି ଅଗ୍ନିକାଣ୍ଡ । ଅଗ୍ନିକାଣ୍ଡରେ ଆଖପାଖ ଅଞ୍ଚଳର ଘର ସହିତ ବହୁ ପାଳଗଦା ଜଳିଯାଇଛି । ଏଥିରେ ଜଣେ ଗୁରୁତର ଆହତ । ତେବେ ବେଗୁନିଆ ଲେଖନପୁର ଗାଁର ଗୌରାଙ୍ଗ ପଟ୍ଟନାୟକ ନିଜ ଘରେ ବାଣ ତିଆରି କରୁଥିବା ବେଳେ କୌଣସି କାରଣରୁ ବିସ୍ପୋରଣ ଘଟିଥିଲା ।
ଆଉ ବିସ୍ପୋରଣ ଏତେ ଭୟଙ୍କର ଥିଲା ଯେ ପ୍ରଚଣ୍ଡ ଶବ୍ଦ ସହିତ ଆଖପାଖ ଅଞ୍ଚଳରେ ଯେଉଁଠି ବାଣ ଛିଟିକି ପଡିଥିଲା ସେଠି ଜଳିଉଠିଥିଲା । ଖବର ପାଇ ପ୍ରଥମେ ବେଗୁନିଆ ଏବଂ ପରେ ବାଙ୍କୀରୁ ତିନୋଟି ଦମକଳ ଆସି ନିଆଁ ଲିଭାଇବାରେ ନିୟୋଜିତ ହୋଇଛନ୍ତି ।
ସେପଟେ ଗୁରୁତର ଆହତ ହୋଇଥିବା ଗୌରାଙ୍ଗଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଘଟଣା ସ୍ଥଳରେ ବାଘମାରୀ ପୋଲିସ ଖୋର୍ଦ୍ଧା ଏସ୍ ଡି ପି ଓ ପହଞ୍ଚି ତଦନ୍ତ ସହିତ ସାଇଣ୍ଟିଫିକ ଟିମ ଖବର ଦେଇଛନ୍ତି । ତେବେ ଏହି ବେଆଇନ ବାଣ ନେଇ କେହି ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି ।
