ପୁଣି ଚର୍ଚ୍ଚାରେ ଉଦୟନିଧି ଷ୍ଟାଲିନ, ସନାତନ ଧର୍ମ ପରେ ଏଥର ହିନ୍ଦୀ ଭାଷାକୁ ନେଇ ଅମିତ ଶାହଙ୍କୁ ଟାର୍ଗେଟ
ତାମିଲନାଡୁ ମୁଖ୍ୟମନ୍ତ୍ରୀ ଏମ କେ ଷ୍ଟାଲିନଙ୍କ ପୁତ୍ର ଉଦୟନିଧି ଷ୍ଟାଲିନ ପୁଣି ଥରେ ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ସନାତନ ଧର୍ମ ଉପରେ ଦେଇଥିବା ଟିପ୍ପଣୀ ନିଆଁ ଥଣ୍ଡା ହୋଇ ନଥିବା ବେଳେ ଏବେ ପୁଣି ଥରେ ଅମିତ ଶାହଙ୍କ ହିନ୍ଦୀ ଏକଜୁଟ କରିଥାଏ ଭାଷଣ ଉପର ଷ୍ଟାଲିନଙ୍କ ଟିପ୍ପଣୀ ଚର୍ଚ୍ଚକୁ ଆସିଛି ।
ଚେନ୍ନାଇ : ତାମିଲନାଡୁ ମୁଖ୍ୟମନ୍ତ୍ରୀ ଏମ କେ ଷ୍ଟାଲିନଙ୍କ ପୁତ୍ର ଉଦୟନିଧି ଷ୍ଟାଲିନ ପୁଣି ଥରେ ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ସନାତନ ଧର୍ମ ଉପରେ ଦେଇଥିବା ଟିପ୍ପଣୀ ନିଆଁ ଥଣ୍ଡା ହୋଇ ନଥିବା ବେଳେ ଏବେ ପୁଣି ଥରେ ଅମିତ ଶାହଙ୍କ ହିନ୍ଦୀ ଏକଜୁଟ କରିଥାଏ ଭାଷଣ ଉପର ଷ୍ଟାଲିନଙ୍କ ଟିପ୍ପଣୀ ଚର୍ଚ୍ଚକୁ ଆସିଛି । ଏଥର ଷ୍ଟାଲିନ ସିଧା ସଳଖ ଅମିତ ଶାହଙ୍କୁ ସମାଲୋଚନା କରିଛନ୍ତି ।
ନିକଟରେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ହିନ୍ଦୀ ଦିବସ ଅବସରରେ ଏକ ସଭାକୁ ସମ୍ବୋଧନ କରି କହିଥଲେ ଯେ ଦୁନିଆର ସବୁଠୁ ବଡ଼ ଲୋକତନ୍ତ୍ର ଭାରତରେ ଭାଷାର ବିବିଧତାକୁ ଏକ ସୂତ୍ରରେ ବାନ୍ଧିବାରେ ହିନ୍ଦୀର ଭୂମିକା ଗୁରୁତ୍ୱପୂର୍ଣ୍ଣ ।
ଗୃହମନ୍ତ୍ରୀଙ୍କ ଏହି ଟିପ୍ପଣୀ ଉପରେ ଷ୍ଟାଲିନ କଡ଼ା ନିନ୍ଦା କରିଛନ୍ତି । ଦେଶର ୪/୫ ଟି ରାଜ୍ୟରେ କୁହାଯାଉଥିବା ହିନ୍ଦୀ ଭାଷାକୁ ନେଇ ଅମିତ ଶାହଙ୍କ ଟିପ୍ପଣୀର କିଛି ଅର୍ଥ ନାହିଁ । ଏହା ଜୋର ଜବରଦସ୍ତ ହିନ୍ଦୀ ଥାପିବା ଛଡ଼ା ଆଉ କିଛି ନୁହେଁ ।
‘ହିନ୍ଦୀ ଥୋପନା ବନ୍ଦ କରେ’ ହାସ ଟ୍ୟାଗ ସହ ଷ୍ଟାଲିନ କହିଛନ୍ତି ଯେ ଆମେ ଏଠାରେ ତାମିଲ କହିଥାଉ, କେରଳରେ ମାଲାୟାଲମ, ହେଲେ ହିନ୍ଦୀ କିପରି ସମାହିତ ହୋଇ ଆମକୁ ସଶକ୍ତ କରୁଛି ? ଅମିତ ଶାହ ହିନ୍ଦୀ ଭାଷା ଭିନ୍ନ ଅନ୍ୟ ଭାଷାକୁ ପ୍ରାନ୍ତୀୟ ଭାଷା କହି ସେମାନଙ୍କୁ ଅପମାନିତ କରିବା ବନ୍ଦ କରନ୍ତୁ ବୋଲି ଷ୍ଟାଲିନ କହିଥିଲେ ।