ହକିରୁ ନେଲେ ଅବସର ନେଲେ ବୀରେନ୍ଦ୍ର ଲାକ୍ରା । ଏବାବଦରେ ହକି ଇଣ୍ଡିଆ ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି । ନିଜ କ୍ୟାରିୟର ଭିତରେ ୨୦୧ଟି ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି । ସଦ୍ୟ ଆୟୋଜିତ ହୋଇଥିବା ଟୋକିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ ।
2️⃣0️⃣1️⃣ Caps
🥉 Olympic Bronze MedallistA solid defender and one of the most influential Indian Men’s Hockey Team figures, the Odisha star has announced his retirement from the Indian national team.
Happy Retirement, Birendra Lakra. 🙌#IndiaKaGame pic.twitter.com/p8m8KkWDb4
— Hockey India (@TheHockeyIndia) September 30, 2021
ବୀରେନ୍ଦ୍ର ଲାକ୍ରା ଭାରତୀୟ ହକି ଟିମର ଷ୍ଟାର୍ ଡିଫେଣ୍ଡର ଥିଲେ । ସେ ଦୁଇଥର ଭାରତ ପକ୍ଷରୁ ୨୦୧୨ ଓ ୨୦୧୬ରେ ଦୁଇ ଥର ପାଇଁ ଅଲିମ୍ପିକ୍ସରେ ପ୍ରତିନିଧିତ୍ୱ ମଧ୍ୟ କରିଛନ୍ତି । ୨୦୧୬ରେ ରିଓ ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କରିଥିଲେ ସୁଦ୍ଧା ଆହତ କାରଣରୁ ଦଳରେ ସାମିଲ ହୋଇ ପାରିନଥିଲେ । ସେ ମଧ୍ୟ ଅଲିମ୍ପିକ୍ସରେ ଭାରତୀୟ ଦଳର ଭାଇସ୍ କ୍ୟାପଟେନ୍ ଭାବେ ନିଯୁକ୍ତି ପାଇଥିଲେ । ସ୍ସଦ୍ୟ ସମାପ୍ତ ହୋଇଥିବା ଟୋକିଓ ଅଲିମ୍ପିକ୍ସରେ ଭାରତୀୟ ଦଳ ପାଇଁ ବ୍ରୋଞ୍ଜ ପଦକ ଜିତି ୪୧ ବର୍ଷ ପରେ ରେକର୍ଡ ଭାଙ୍ଗିଥିଲେ । ଖାଲି ବୀରେନ୍ଦ୍ର ନୁହନ୍ତି ରୁପିନ୍ଦର ବି ଆଜି ହକିରୁ ଅବସର ଘୋଷଣା କରିଛନ୍ତି । ପଞ୍ଜାବର ରୁପିନ୍ଦର ପାଲ ସିଂହ ବି ହକିକୁ ବାଏ ବାଏ କହିଛନ୍ତି ।
ଉଭୟଙ୍କ ଅବସର ବାବଦରେ ହକି ଇଣ୍ଡିଆ ପକ୍ଷରୁ ଟ୍ଵିଟ୍ କରି ସୂଚନା ଦିଆଯାଇଛି । ବୀରେନ୍ଦ୍ର ଓ ରୁପିନ୍ଦର ୨୦୨୦ ଟୋକିଓ ଅଲିମ୍ପିକ୍ସ ବ୍ରୋଞ୍ଜ ବିଜେତା ଟିମର ସଦସ୍ୟ ଥିଲେ । ଆଜି ପ୍ରଥମେ ହକିରୁ ଅବସର ଘୋଷଣା କରିଥିଲେ ଡ୍ରାଗ୍ ଫ୍ଲିକର ରୁପିନ୍ଦର ପାଲ ସିଂହ । ପରେ ପରେ ହକିକୁ ବାଏ ବାଏ କହିଛନ୍ତି ୩୧ ବର୍ଷୀୟ ଡିଫେଣ୍ଡର ବୀରେନ୍ଦ୍ର ଲାକ୍ରା । ଇଞ୍ଚିଅନ୍ ଏସିଆନ୍ ଗେମ୍ସ ସ୍ୱର୍ଣ୍ଣ ବିଜେତା ଭାରତୀୟ ହକି ଟିମର ସଦସ୍ୟ ବି ଥିଲେ ବୀରେନ୍ଦ୍ର । ଜାକର୍ତ୍ତା ଏସିଆନ୍ ଗେମ୍ସ ବ୍ରୋଞ୍ଜ ବିଜେତା ଭାରତୀୟ ଦଳ ପାଇଁ ବି ସେ ଖେଳିଥିଲେ ।