ପୁଣି ବର ସାଜିବେ ହାର୍ଦ୍ଦିକ ପାଣ୍ଡ୍ୟା, ଭାଲେଣ୍ଟାଇନ ଡେରେ ନତାଶାଙ୍କ ସହିତ ଉଦୟପୁରରେ ନେବେ ସାତଫେରା
ଟିମ୍ ଇଣ୍ଡିଆର ଷ୍ଟାର କ୍ରିକେଟର ହାର୍ଦ୍ଦିକ ପାଣ୍ଡ୍ୟା ପୁଣିଥରେ ବିବାହ କରିବାକୁ ଯାଉଛନ୍ତି। ବଲିଉଡ ଅଭିନେତ୍ରୀ ନତାଶା ଷ୍ଟେନକୋଭିକଙ୍କୁ ଉଦୟପୁରରେ ବିବାହ କରିବେ ପାଣ୍ଡ୍ୟା । ଭାଲେଣ୍ଟାଇନ ଡେରେ ଦୁହେଁ ବିବାହ କରିବେ। ଦୁହେଁ ୩୧ ମଇ ୨୦୨୦ରେ କୋର୍ଟ ମ୍ୟାରେଜ କରିଥିଲେ ।
ଭାରତୀୟ କ୍ରିକେଟ ଟିମର ଅଲରାଉଣ୍ଡର ତଥା ଭାରତୀୟ ଯୁବ କ୍ରିକେଟ ଟିମର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ପୁଣି ଥରେ ବିବାହ କରିବାକୁ ଯାଉଛନ୍ତି । ଦ୍ୱିତୀୟ ଥର ପାଇଁ ହାର୍ଦ୍ଦିକଙ୍କର ପଡିବ ହାତଗଣ୍ଠି । ପତ୍ନୀ ନତାଶାଙ୍କୁ ଆଉ ଥରେ ବିବାହ କରିବାକୁ ଡେଷ୍ଟିନେସନ ୱେଡିଂ ପାଇଁ ହାର୍ଦ୍ଦିକ ଉଦୟପୁରକୁ ଚୟନ କରିଛନ୍ତି । ଭାଲେଣ୍ଟାଇନ ଡେରେ ହାର୍ଦ୍ଦିକ ଏବଂ ନତାଶା ଉଦୟପୁରରେ ବିବାହ କରିବେ ।
୨୦୨୦ରେ କରୋନା ଲକଡାଉନ୍ ବେଳେ ୩୧ ମଇରେ ନତାଶା ଓ ହାର୍ଦ୍ଦିକ କୋର୍ଟ ମ୍ୟାରେଜ କରିଥିଲେ। ଏକ ସାକ୍ଷାତକାରରେ ଏନେଇ ହାର୍ଦ୍ଦିକ ଖୁଲାସା କରିଥିଲେ। ବିବାହର ଏକ ବର୍ଷ ପରେ ପୁଅ ଅଗସ୍ତ୍ୟା ଜନ୍ମ ନେଇଥିଲା।
Almost three years after their intimate and low-key wedding, Hardik Pandya and Nataša Stanković are planning to tie the knot once again with each other in a white wedding in Udaipur on Valentine’s Day.#CricTracker #HardikPandya #IndianCricket pic.twitter.com/CB9SEWUcX4
— CricTracker (@Cricketracker) February 12, 2023
ରିପୋର୍ଟ ଅନୁଯାୟୀ ଉଭୟ ପୁଣି ଥରେ ରୀତିନୀତି ଅନୁଯାୟୀ ଗ୍ରାଣ୍ଡ ଓ୍ୱେଡିଂ କରବାକୁ ନିଷ୍ପତ୍ତି ନେଇଛନ୍ତି। ୧୪ ଫେବୃଆରୀ ତଥା ଭାଲେଣ୍ଟାଇନ ଡେ’ରେ ରାଜସ୍ଥାନର ଉଦୟପୁରରେ ହାର୍ଦ୍ଦିକ ଓ ନାତାଶା ସାତ ଫେରା ନେବେ। ଏଥିପାଇଁ ହାର୍ଦ୍ଦିକ ଓ ନତାଶା ଉଦୟପୁରରେ ପହଞ୍ଚି ସାରିଲେଣି। ଆଜିଠୁ ଦୁହିଁଙ୍କ ବିବାହ କାର୍ଯ୍ୟ ମଧ୍ୟ ଆରମ୍ଭ ହୋଇଗଲାଣି। ହଳଦୀ, ମେହେନ୍ଦି ଓ ସଙ୍ଗୀତ କାର୍ଯ୍ୟକ୍ରମ ହେବ। ଏହି ବିବାହରେ ଅନେକ କ୍ରିକେଟ ଷ୍ଟାର ଯୋଗ ଦେବେ ବୋଲି କୁହାଯାଉଛି। ତେବେ କେଉଁମାନେ ଯୋଗେ ଦେବେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଡେଷ୍ଟିନେସନ ୱେଡିଂ ପାଇଁ ସବୁକିଛି ସିକ୍ରେଟ ରଖାଯାଇଛି ।