ବରୋଦା କ୍ରିକେଟ ଆସୋସିଏଶନ ଶନିବାର ମହିଳା ଟିମ କୋଚ ଅତୁଲ ବେଡାଡେଙ୍କୁ ନିଲମ୍ବିତ କରିଦେଇଛି । ମହିଳା ଖେଳାଳିମାନେ ତାଙ୍କ ଉପରେ ଯୌନ ଉତ୍ପୀଡ଼ନ ଏବଂ ସର୍ବ ସମ୍ମୁଖରେ ଲୋକଲଜ୍ଜା କରିବା ନେଇ ଅଭିଯୋଗ କରିଥିଲେ । ଘଟଣାଟି ଗତ ମାସରେ ହିମାଚଳ ପ୍ରଦେଶରେ ହୋଇଥିବା ଏକ ଟୁର୍ନାମେଣ୍ଟ ସମୟରେ ଘଟିଥିଲା । ବିସିଏ ସଚିବ ଅଜିତ ଲେଲେ କହିଥିଲେ, ଖୁବଶୀଘ୍ର ଏକ କମିଟି ଗଠନ କରାଯାଇ ଏ ଦିଗରେ ତଦନ୍ତ ଆରମ୍ଭ କରାଯିବ ।
ସେପଟେ ବେଡାଡେ ଅଭିଯୋଗକୁ ଖଣ୍ଡନ କରିଛନ୍ତି । ସେ କହିଥିଲେ, ମୋ ଉପରେ ଆସିଥିବା ଅଭିଯୋଗ ତଥ୍ୟହୀନ। ବହୁତ ଜଲଦି ଏହା ଉପରେ ମୁଁ ନିଜ ପକ୍ଷ ରଖିବି । ସେ ଗତବର୍ଷ ଏପ୍ରିଲରେ ମହିଳା ଟିମର କୋଚ ହୋଇଥିଲେ ।