ଘଷିପୁରା ପୋଲିସକୁ ସଫଳତା, ଦିନ ଦ୍ବିପ୍ରହରେ ଲୋକଙ୍କ ଠାରୁ ମୋବାଇଲ ଲୁଟୁଥିବା ଗ୍ୟାଙ୍ଗ ଗିରଫ, ୪୦ ମୋବାଇଲ ଜବତ
ଆନନ୍ଦପୁର(କେନ୍ୟୁଜ୍): ଘଷିପୁରା ଥାନା ପୋଲିସକୁ ମିଳିଛି ବଡ ସଫଳତା। ମୋବାଇଲ୍ ଲୁଟେରା ଗ୍ୟାଙ୍ଗର ୨ ସଦସ୍ଯ ଙ୍କୁ ଧରିବା ସହ ସେମାନଙ୍କ ନିକଟରୁ ୪୦ ଟି ଲୁଟ୍ ମୋବାଇଲ୍ ଫୋନ୍ ଜବତ କରିଛି। ଲୁଟେରା ମାନେ ବ୍ଯବହାର କରୁଥିବା ପଲସର ବାଇକ୍ ସମେତ ଲଙ୍କା ଗୁଣ୍ଡ ମଧ୍ଯ ଜବତ ହୋଇଛି । ଲୁଟେରା ମାନେ ଯାଜପୁର ଜିଲ୍ଲା କୋରେଇ ଥାନ ପୂର୍ବକୋଟ ଗାଁ ର ତାରିଣି ଦାସ ଓ ରାଜ କୁମାର ଦାସ ବୋଲି ଜଣା ପଡିଛି । କେନ୍ଦୁଝର , ଯାଜପୁର ,ମୟୁର ଭଞ୍ଜ , ଭଦ୍ରକ ଭଳି ଆଖପାଖ ଜିଲ୍ଲାର ବିଭିନ୍ନ ସାପ୍ତାହିକ ହାଟରେ ଲୋକଙ୍କୁ ଟାର୍ଗେଟ୍ କରି କୌଶଳ କ୍ରମେ ଲୋକଙ୍କଠାରୁ ମୋବାଇଲ୍ ଲୁଟ କରିଥାନ୍ତି ।
ଗତ କାଲି ସନ୍ଧ୍ଯାରେ ଘସିପୁରା ଥାନା ଶୈଲଙ୍ଗ ଗ୍ରାମର ଜଣେ ଯୁବକଙ୍କ ଠାରୁ ମୋବାଇଲ୍ ଲୁଟିଥିଲେ ଏମାନେ । ଲୁଟର ଶିକାର ହୋଇଥିବା ଯୁବକ ଥାନାରେ ଅଭିଯୋଗ କରିବାପରେ ପୋଲିସ୍ ଏକ ମାମଲା ରୁଜୁକରି ତଦନ୍ତ ଚଳାଇଥିଲା । ପୂର୍ବ ରେକର୍ଡକୁ ଆଧାର କରି ସଂପୃକ୍ତ ୨ ଲୁଟେରାଙ୍କୁ ସନ୍ଦେହ କରିଥିଲା ପୋଲିସ୍ । ପରେ ପୋଲିସର ପେଟ୍ରୋଲିଂ ସମୟରେ NH- ୨୦ରେ ଏକ ପଲସର ବାଇକରେ ଲୁଟେରା ମାନେ ଯାଉଥିବା ସମୟରେ ପୋଲିସ୍ ପିଛାକରି ସେମାନଙ୍କୁ ରିଲିଆନ୍ସ ପେଟ୍ରୋଲ ପମ୍ପ ନିକଟରୁ କାବୁ କରିଥିଲା । ଏହି ୨ ଲୁଟେରାଙ୍କ ନିକଟରୁ ଅନେକ ନୂଆ ଫୋନ ମିଳିଥିବାରୁ କୌଣସି ସେମାନେ ମୋବାଇଲ ଦୋକାନ ଲୁଟକରିଥିବା ସନ୍ଦେହ କରୁଛି ପୋଲିସ।
