ଭୁବନେଶ୍ବର(କେନ୍ଯୁଜ୍) : ତିତ୍ଲି ବାତ୍ୟା ଓ ପରବର୍ତ୍ତୀ ବନ୍ୟାରେ ୫୨ ଜଣଙ୍କ ଜୀବନ ଯାଇଛି । ଭୂସ୍ଖଳନ ଓ ନଦୀରେ ଭାସିଯାଇ ସମସ୍ତଙ୍କ ଜୀବନ ଯାଇଛି । ଆଉ ୧୦ଟି ମୃତ୍ୟୁ ମାମଲାର ଅନୁଧ୍ୟାନ କରାଯାଉଛି । ୨୨ ଶହ କୋଟି ଟଙ୍କାର କ୍ଷୟକ୍ଷତି ହୋଇଛି । ସମୀକ୍ଷା ବୈଠକ ପରେ ଏହି ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ
୫ ଶହ କୋଟିର ସଡ଼କ ନଷ୍ଟ ହୋଇଥିବା ବେଳେ ୧୩୩ କୋଟି ଟଙ୍କାର ବିଦ୍ୟୁତ୍ କ୍ଷତି ହୋଇଛି । ସେହିପରି ୧୫୦କୋଟି ଟଙ୍କାର ଘର ଓ ୨୩୩ କୋଟିର ଚାଷ ନଷ୍ଟ ହୋଇଥିବା ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି । ତିତ୍ଲି କ୍ଷୟକ୍ଷତି ନେଇ ଆଜି ସମୀକ୍ଷା କରିଥିଲେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ । ବୈଠକରେ ସ୍ୱତନ୍ତ୍ର ରିଲିଫ୍ କମିଶନରଙ୍କ ସହ ବିଭିନ୍ନ ବିଭାଗର ପଦାଧିକାରୀ ଉପସ୍ଥିତ ଥିଲେ ।