କେନ୍ଦୁଝର: ଗତକାଲି ରାତିରେ ନାଇବୁଗା ଗାଁର କିଛି ଲୋକ ଚମ୍ପୁଆ ଅଂଚଳର ରାଜାବସାକୁ ଏକ ବାହାଘର କାର୍ଯ୍ୟକ୍ରମରେ ଯାଇ ଫେରିବା ସମୟରେ ବମେବାରୀ ଥାନା ଅନ୍ତର୍ଗତ ନାଇବୁଗା ନିଜ ଗାଁ ନିକଟରେ ଏକ ଡମ୍ପର ସାଇଡ ମାରିଥିଲା । ଯାହାପରେ ବୋଲେରୋଟି ଭାରସାମ୍ୟ ହରାଇ ନିକଟସ୍ଥ ଏକ ବିଦ୍ଯୁତ୍ ଖୁଣ୍ଟରେ ବାଡେଇ ହୋଇଯାଇଥିଲା ।
ଏହି ଘଟଣାରେ ୫ଜଣ ଆହତ ହୋଇଥିବାବେଳେ, ସମସ୍ତଙ୍କୁ କେନ୍ଦୁଝର ମୁଖ୍ୟ ଡାକ୍ତରଖାନାକୁ ଅଣାଯାଇଥିଲା। ତେବେ ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଛି । ତେବେ ଦୁର୍ଘଟଣାରେ ବୋଲେରୋ ଡ୍ରାଇଭର ଗୁରୁତର ଅବସ୍ଥାରେ କଟକ ସ୍ଥାନାନ୍ତରିତ କରାଯାଇଛି ।