ସିସିଟିଭି ସାମ୍ନାରୁ ବାଇକ୍ ନେଇ ଛୁ ମାରିଲେ ଚୋର
ବାଲେଶ୍ଵର ଜିଲ୍ଲା ସୋର ବ୍ଲକ ସବିରା ପଞ୍ଚାୟତ ଧାନବର ଖୁଣ୍ଟା ଗ୍ରାମର ଗୌତ୍ତମ ମଲିକ ଗତ ୨୯ତାରିଖ ଦିନ ମାର୍କୋଣା ଠାରେ ଅବସ୍ଥିତ କାନାଡା ବ୍ୟାଙ୍କକୁ ନିଜ ବାଇକ୍ ରେ ଯାଇଥିଲେ । ବ୍ୟାଙ୍କ ସାମ୍ନାରେ ବାଇକଟିକୁ ରଖି ଉପର ମହଲାରେ ଥିବା ବ୍ୟାଙ୍କ ଭିତରକୁ ଯାଇଥିଲେ । ତେବେ ପାଖାପାଖି ୧୦ ମିନିଟ୍ ଭିତରେ ଆସିଲା ବେଳକୁ ତାଙ୍କ ବାଇକଟି ଆଉ ସେଠାରେ ନଥିଲା ।
ସୋର (କେନ୍ୟୁଜ): ସେ ରାଜଧାନୀ ଭୁବନେଶ୍ଵର ହେଉକି ବାଲେଶ୍ଵର ,ସବୁ ଗଳିକନ୍ଦି, ଛକ ବଜାରରେ ମାତିଛନ୍ତି ଲୁଟେରା । ଯୋଉଠୁ ଶୁଣିବ ସବୁଠି ଚୋରି ଚୋରି ଖାଲି ଚୋରି । ସକାଳ ପାହିଲେ ଚୋରଙ୍କ କାରନାମାକୁ ନେଇ ଗଣମାଧ୍ୟମରେ ଖବର । ପୋଲିସ୍ ପ୍ରଶାସନ ଯେତେ କଠୋର ନୀତି ଅବଲମ୍ବନ କରୁଛି ଏହି ଚୋର ମାନଙ୍କର ଉତ୍ପାତ ଦିନକୁ ଦିନ ସେତେ ବଢୁଛି । ସତ କହିବାକୁ ଗଲେ ପୋଲିସ୍ କୁ ମୁହାଁ ମୁହିଁ ଚାଲେଞ୍ଜ ଦେଉଛନ୍ତି ଏମାନେ । ସିସିଟିଭି ସାମ୍ନାକୁ ଚୋରି କରି ଫେରାର୍ ମାରୁଛନ୍ତି । ଯାହାର ଏକ ଭୁଜୁଆଲ୍ ସାମ୍ନାକୁ ଆସିଛି ।
ଗତ ୨୯ ଜାନୁଆରୀ ସୋମବାର ଦିନ ପ୍ରାୟ ୧ଟା ୫୭ମିନିଟ୍ ସମୟରେ ଏକ ମୋଟରସାଇକେଲ ଚୋରି ହୋଇଥିବା ନେଇ ଅଭିଯୋଗ ଆସିଥିଲା । ଯାହା ଖବର ମିଳିଥିଲା କି, ବାଲେଶ୍ଵର ଜିଲ୍ଲା ସୋର ବ୍ଲକ ସବିରା ପଞ୍ଚାୟତ ଧାନବର ଖୁଣ୍ଟା ଗ୍ରାମର ଗୌତ୍ତମ ମଲିକ ଗତ ୨୯ତାରିଖ ଦିନ ମାର୍କୋଣା ଠାରେ ଅବସ୍ଥିତ କାନାଡା ବ୍ୟାଙ୍କକୁ ନିଜ ବାଇକ୍ ରେ ଯାଇଥିଲେ । ବ୍ୟାଙ୍କ ସାମ୍ନାରେ ବାଇକଟିକୁ ରଖି ଉପର ମହଲାକୁ ଯାଇଥିଲେ । ତେବେ ପାଖାପାଖି ୧୦ ମିନିଟ୍ ଭିତରେ ତଳକୁ ଆସି ଦେଖିଲା ବେଳକୁ ତାଙ୍କ ବାଇକଟି ଆଉ ସେଠାରେ ନଥିଲା ।
ତେବେ ଉକ୍ତ ବ୍ୟାଙ୍କର ସିସିଟିଭି କ୍ୟାମେରା ଚେକ୍ କରିବାରୁ ଦୁଇ ଜଣ ଚୋର ଗାଡି ଟିକୁ ନେଇଯିବାର ଦେଖିବାକୁ ପାଇଥିଲେ ଗୌତ୍ତମ । ଅନେକ ଖୋଜାଖୋଜି କଲେ ସୁଧା କୌଣସି ପତ୍ତା ପାଇ ନଥିଲେ । ଶେଷରେ ନିରାଶ ହୋଇ ନିକଟସ୍ଥ ସିମୁଳିଆ ଥାନାରେ ସେ ଏନେଇ ଅଭିଯୋଗ କରିଛନ୍ତି । ଗୌତ୍ତମ ଜଣେ ଗରିବ ଶ୍ରେଣୀର ଲୋକ । ତାଙ୍କ ଗାଡ଼ି ଚୋରି ହୋଇଯିବାରୁ ସେ ମାନସିକ ଭାବେ ଭାଙ୍ଗି ପଡିଛନ୍ତି । ସେ ନିବେଦନ କରିଛନ୍ତି ଯେ ସ୍ଥାନୀୟ ପ୍ରଶାସନ ଏହି ଘଟଣାର ତଦନ୍ତ କରି ଚୋରି ହୋଇଥିବା ଗାଡ଼ିକୁ ତାଙ୍କୁ ଫେରାଇଦେଉ ।
ଦିନକୁ ଦିନ ବଢ଼ିଚାଲିଛି ଚୋରି ଲୁଟ୍ପାତ୍ । ସେ ସୁନା ଗହଣା ହେଉ ଅବା ବାଇକ୍ କି ଆଉ କିଛି ଜିନିଷ । ଚୋରି ହେବା ଟା ଥୟ । ଆପଣ ମଧ୍ୟ ଚୋରି ସମୟର ଅନେକ ଦୃଶ୍ୟ ଦେଖିଥିବେ। ତେବେ ସାବଧାନ୍ ରୁହନ୍ତୁ ଏହି ଚୋର ମାନଙ୍କଠାରୁ । ନିଜ ଦାୟିତ୍ୱରେ ସୁରକ୍ଷିତ ଭାବେ ନିଜ କଷ୍ଟ ଅର୍ଜିତ ଜିନିଷକୁ ରଖନ୍ତୁ। ନହେଲେ ଏଭଳି ଭାବେ ଚୋରମାନଙ୍କର ଟାର୍ଗେଟ ହୋଇପାରନ୍ତି ।
