ଆଜି ରାୟଗଡ଼ା ଆସୁଛନ୍ତି ରାଜନାଥ ସିଂ, ବିଜେପି ପାଇଁ କ୍ୟାମ୍ପେନ କରିବେ ପ୍ରତିରକ୍ଷା ମନ୍ତ୍ରୀ
ଆଜି ରାୟଗଡ଼ାରେ ରାଜନାଥଙ୍କ ପ୍ରଚାର । ବିଜେପି ପାଇଁ କ୍ୟାମ୍ପେନ କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । କୋରାପୁଟ ଲୋକସଭା ବିଜେପି ପ୍ରାର୍ଥୀ କାଳୀରାମ ମାଝୀ ଓ ଜିଲ୍ଲାର ତିନି ବିଧାୟକ ପ୍ରାର୍ଥୀଙ୍କ ପାଇଁ ପ୍ରଚାର ସହ ଜନ ସମାବେଶରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଅପରାହ୍ନ ୩ଟା ୪୦ରେ ରାୟଗଡ଼ା ବାରିଝୁଲା ସ୍ଥିତ ପଡ଼ିଆରେ ଜନସଭାରେ ଯୋଗ ଦେବେ । ସେଠାରେ କୋରାପୁଟ ସାଂସଦ ପ୍ରାର୍ଥୀଙ୍କ ସହ ବିଷମକଟକ ,ଗୁଣପୁର ଓ ରାୟଗଡ଼ା ବିଧାୟକ ପ୍ରାର୍ଥୀଙ୍କ ପାଇଁ ପ୍ରଚାର କରିବେ ।
ରାୟଗଡ଼ା (କେନ୍ୟୁଜ): ଆଜି ରାୟଗଡ଼ାରେ ରାଜନାଥଙ୍କ ପ୍ରଚାର । ବିଜେପି ପାଇଁ କ୍ୟାମ୍ପେନ କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । କୋରାପୁଟ ଲୋକସଭା ବିଜେପି ପ୍ରାର୍ଥୀ କାଳୀରାମ ମାଝୀ ଓ ଜିଲ୍ଲାର ତିନି ବିଧାୟକ ପ୍ରାର୍ଥୀଙ୍କ ପାଇଁ ପ୍ରଚାର ସହ ଜନ ସମାବେଶରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଅପରାହ୍ନ ୩ଟା ୪୦ରେ ରାୟଗଡ଼ା ବାରିଝୁଲା ସ୍ଥିତ ପଡ଼ିଆରେ ଜନସଭାରେ ଯୋଗ ଦେବେ । ସେଠାରେ କୋରାପୁଟ ସାଂସଦ ପ୍ରାର୍ଥୀଙ୍କ ସହ ବିଷମକଟକ ,ଗୁଣପୁର ଓ ରାୟଗଡ଼ା ବିଧାୟକ ପ୍ରାର୍ଥୀଙ୍କ ପାଇଁ ପ୍ରଚାର କରିବେ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ବିଶାଳ ସମାବେଶରେ ପ୍ରାୟ ୩୦ ହଜାର କର୍ମୀ ଓ ଜନ ସାଧାରଣ ଯୋଗଦେବେ ବୋଲି କୁହାଯାଇଛି ।
ସେହିପରି ଭୁବନେଶ୍ବରରେ ଆସନ୍ତା ୧୦ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରୋଡ଼ ସୋ’ କରିବେ । ସେଦିନ ସନ୍ଧ୍ୟା ୬ଟାରୁ ଭୁବନେଶ୍ବରରେ ରୋଡ ସୋ’ କରିବେ ପିଏମ ମୋଦି । ମାଷ୍ଟରକ୍ୟାଣ୍ଟିନରୁ ରୋଡ ସୋ’ ବାହାରି ବାଣୀବିହାର ପର୍ଯ୍ୟନ୍ତ ଚାଲିବ । ଏନେଇ ସୂଚନା ଦେଇଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ।
ସେହିପରି ଆସନ୍ତା ୯ ତାରିଖରେ ଓଡ଼ିଶା ଆସିବେ ବିଜେପିର ଆଉ ୨ ବରିଷ୍ଠ ନେତା ପରିବହନ ମନ୍ତ୍ରୀ ନୀତିନ ଗଡ଼କରୀ ଓ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା। ପୁରୀ ଓ କୃଷ୍ଣପ୍ରସାଦ ସମାବେଶରେ ଯୋଗଦେବେ ଗଡ଼କରୀ। ସେହିପରି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ୩ଟି ସ୍ଥାନ ଯଥାକ୍ରମେ ମାଲକାନଗିରି, ଚିତ୍ରକୋଣ୍ଡା, ଖଲ୍ଲିକୋଟରେ ସଭା କରିବେ ବୋଲି ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର ସୂଚନା ଦେଇଛନ୍ତି।
