ନକଲି ଘିଅ ଓ ତେଲ ପରେ ଏବ ନକଲି ସର୍ଫ ଜବତ, କଟକ ଭୁବନେଶ୍ବର ନୁହେଁ ସମ୍ବଲପୁରକୁ ଡେଇଁଲାଣି ନକଲି ବେପାର
ସମ୍ବଲପୁର(କେନ୍ୟୁଜ୍): ନକଲି ନକଲି ଆଉ ନକଲି, ସବୁଠି ଏବେ ନକଲି ପଦାର୍ଥର ବେପାର ଜୋରଦାରରେ ବଢୁଛି। କଟକ ଭୁବନେଶ୍ବରରେ ନକଲି ଘିଅ ଓ ତେଲ ପ୍ରସ୍ତୁତ କାରୀ କମ୍ପାନୀ ଗୁଡିକରେ ଚଢ଼ାଉ ପରେ ଏବେ ସମ୍ବଲପୁରକୁ ଧିରେ ଧିରେ ବ୍ୟାପିବାରେ ଲାଗିଛି ନକଲି କାରବାର । ଆଜି ସମ୍ବଲପୁର ଜିଲ୍ଲା ଅଇଁଠାପାଲି ଥାନା ଅନ୍ତର୍ଗତ ବରେଇପାଲି ନୂଆପଡା ନିକଟରେ ଥିବା ଆଶିଷ ଅଗ୍ରୱାଲଙ୍କ ଏକ ନକଲି ସର୍ଫ ଗୋଦାମ ଉପରେ ଚଢ଼ାଉ କରିଛି ପୋଲିସ ।
ଚଢାଉ ବେଳେ ୨୪୪ ବସ୍ତା ନକଲି ସର୍ଫ ଜବତ କରିଛି ପୋଲିସ। ଏହି ସର୍ଫ ଗୁଡିକ ଭିତରେ ସର୍ଫ-ଏକ୍ସଲର ୧୦ ଟଙ୍କିଆ ପାଉଚ ଅଧିକ ସଂଖ୍ୟାରେ ରହିଛି। ତେବେ ନକଲି ସର୍ଫ ଗୁଡିକ କେଉଁଠାରୁ ଆସିଥିଲା ଓ କେତେ ଦିନ ହେବ ବେପାର ଚାଲିଥିଲା ସେନେଇ ତଦନ୍ତ ଆରମ୍ଭ କରିଛି ପୋଲିସ ।
