ଭୁବନେଶ୍ବର (କେନ୍ୟୁଜ୍) :ଚଳିତବର୍ଷ ଜେଇଇ ମେନର ଓଡ଼ିଶା ଟପର୍ ହୋଇଛନ୍ତି ଶିବାଶିଷ ନାୟକ । ୯୯.୯୮ ପ୍ରତିଶତ ମାର୍କ ରଖି ସେ ଏକ ନମ୍ବର ସ୍ଥାନ ହାସଲ କରିଛନ୍ତି । ଶିବାଶିଷ ପଦାର୍ଥ ବିଜ୍ଞାନରେ ୯୯.୯୯%, ରସାୟନ ବିଜ୍ଞାନରେ ୯୯.୯୨%, ଗଣିତରେ ୯୯.୯୪% ମାର୍କ ରଖିଛନ୍ତି । ସାଇ ଇଣ୍ଟରନ୍ୟାସନାଲ ସ୍କୁଲର ଛାତ୍ର ହେଉଛନ୍ତି ଶିବାଶିଷ । ତାଙ୍କର ଏହି ସଫଳତା ରାଜ୍ୟ ପାଇଁ ଗୌରବ ଆଣିଦେଇଛି ।
ସେପଟେ ସର୍ବଭାରତୀୟ ସ୍ତରରେ ଶତପ୍ରତିଶତ ମାର୍କ ରଖି ଭୋପାଳର ଧ୍ରୁବ ଆରୋରା ଟପର୍ ହୋଇଛନ୍ତି । ଜାନୁଆରି ୮ରୁ ୧୨ ତାରିଖ ପର୍ୟ୍ୟନ୍ତ ହୋଇଥିଲା ପ୍ରଥମ ପର୍ୟ୍ୟାୟ ପରୀକ୍ଷା । ସାରା ଦେଶରୁ ୮ ଲକ୍ଷ ୭୪ ହଜାର ୪୬୯ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ଓଡ଼ିଶାରୁ ପ୍ରାୟ ୪୦ ହଜାର ଛାତ୍ରଛାତ୍ରୀ ଭାଗ ନେଇଥିଲେ ।