ବନ୍ଦ ଘର ଭିତରେ ୧୫ଦିନ ହେଲା ଭୋକିଲା ରହିଛି ପୋଷା କୁକୁର, ମାଲିକର ଦେଖାନାହିଁ
ନିଜେ ପାଳିଥିବା ପୋଷା କୁକୁରକୁ ଖାଇବାକୁ ପିଇବାକୁ ନଦେଇ ଦୀର୍ଘ ୧୫ ଦିନ ହେବ ଘର ଭିତରେ ତାଲା ପକାଇ କୁଆଡେ ଚାଲିଯାଇଛନ୍ତି ମାଲିକ । ଏଭଳି ଅଭାନୀୟ ଘଟଣା ଏବେ ସାଧାରଣରେ ଆଲୋଡନ ସୃଷ୍ଟି କରିଛି ।
ଜଳେଶ୍ୱର (କେନ୍ୟୁଜ): କିଛି ଲୋକ ନିଜ ଘରେ ପୋଷା କୁକୁର,ବିଲେଇ ରଖିବାକୁ ବହୁତ ଭଲ ପାଆନ୍ତି । ଘରର ଅନ୍ୟ ସଦସ୍ୟ ମାନଙ୍କ ଭଳି ସେମାନଙ୍କୁ ଭଲ ପାଇବା ଦିଅନ୍ତି । ତାଙ୍କର ଖାଇବା ପିଇବା ଉପରେ ବିଶେଷ ଧ୍ୟାନ ଦିଅନ୍ତି । କହିବାକୁ ଗଲେ ଘରର ସୁଖ ଦୁଃଖ ଭଲ ମନ୍ଦ ସବୁ ପରିସ୍ଥିତିରେ ଘରର ସଦସ୍ୟ ଭଳି ରହିଥାନ୍ତି ପୋଷା ଜୀବ ମାନେ । ହେଲେ ଆଜିର ଘଟଣା ସେହି ପଶୁ ପ୍ରେମୀ ମାନଙ୍କୁ ବହୁତ ଆଘାତ ପହଁଚାଇବ ।
ତେବେ ଗୋଟେପଟେ କିଛି ଲୋକ ପଶୁପକ୍ଷୀମାନଙ୍କୁ ଖୁବ୍ ଭଲପାଇଥାନ୍ତି ତ ଅପରପକ୍ଷେ ଏମିତି କିଛି ଲୋକ ଆମ ସମାଜରେ ଅଛନ୍ତି, ଯେଉଁମାନେ ପଶୁଙ୍କ ପ୍ରତି କ୍ରୁର ଆଚରଣ କରିଥାନ୍ତି । ଏହିଭଳି ଅନେକ ଖବର ମଝିରେ ମଝିରେ ସାମ୍ନାକୁ ଆସିଥାଏ । ତେବେ ମଣିଷର ଏଭଳି ଆଚରଣ ବେଳେବେଳେ ଏତେ ସୀମା ଟପିଯାଏ ଯେ ଶେଷରେ ନିରୀହ ପଶୁଟିର ଅକାଳରେ ପ୍ରାଣ ମଧ୍ୟ ଚାଲିଯାଇଥିବାର ନିଜିର୍ ରହିଛି ।
ଠିକ୍ ଏମିତି ଏକ ଘଟଣା ଏବେ ସାମ୍ନାକୁ ଆସିଛି । ନିଜେ ପାଳିଥିବା ପୋଷା କୁକୁରକୁ ଖାଇବାକୁ ପିଇବାକୁ ନଦେଇ ଦୀର୍ଘ ୧୫ ଦିନ ହେବ ଘରର ଭିତରେ ତାଲା ପକାଇ କୁଆଡେ ଚାଲିଯାଇଛନ୍ତି ମାଲିକ ଜଣକ । ଏଭଳି ଅଭାନୀୟ ଘଟଣା ଏବେ ସାଧାରଣରେ ଆଲୋଡନ ସୃଷ୍ଟି କରିଛି ।
ସୂଚନା ମୁତାବକ, ବାଲେଶ୍ୱର ଜିଲ୍ଲା କମର୍ଦ୍ଦା ଥାନା ଅନ୍ତର୍ଗତ କଲେଜ ଛକ ନିକଟରେ ଦୁଇଟି ବିଲାତି କୁକୁରଙ୍କୁ ଦୀର୍ଘ ୧୫ ଦିନ ଧରି ଘରେ ତାଲା ପକାଇ କେଉଁଆଡେ ଚାଲି ଯାଇଛନ୍ତି ଘରର ମାଲିକ । ଅଖିଆ ଅପିଆ ରହି ଏହି କୁକୁରଙ୍କର ଅବସ୍ଥା ଯାହା ଆପଣ ଦେଖିଲେ ଜାଣିପାରିବେ । ଅତି ଶୋଚନୀୟ । ତେବେ ଆଜି କୁକୁର ବହୁ ସମୟ ଧରି ଭୋକିବା ପରେ ସ୍ଥାନୀୟ ଲୋକେ ଝରକା ପଟେ କିଛି ଖାଦ୍ୟ ଏବଂ ପାଣି ଦେଇଛନ୍ତି ।
ଯାହା ଖବର ମିଳିଛି କି, ମୋହିତ ଦାସ ନାମକ ଜଣେ ଯୁବକ କମର୍ଦ୍ଦା କଲେଜ ଛକରେ ଜନୈକ ଜଣେ ବ୍ଯକ୍ତିଙ୍କ ଘରେ ଭଡା ନେଇ ରହୁଥିଲେ । ହେଲେ ୧୫ ଦିନ ହେବ ସେ କୁକୁର ଦୁଇଟିକୁ ଘରେ ବାନ୍ଧି ଦେଇ କେଉଁଆଡେ ଚାଲି ଯାଇଛନ୍ତି । ଯାହା ଫଳରେ ଦୁଇଟି ଯାକ କୁକୁର ଖାଇବାକୁ ନପାଇ ରୋଗୀଣା ହୋଇଯିବା ସହ ଘର ଭିତରେ ହିଁ ମଳତ୍ଯାଗ କରୁଛନ୍ତି । ତେଣୁ ଖୁବଶୀଘ୍ର ଏହି ଅହୁକା ପଶୁଙ୍କୁ ଉଦ୍ଧାର କରିବା ସହିତ ସେମାନଙ୍କୁ ଉଚିତ୍ ସ୍ଥାନରେ ନେଇ ଛାଡିବାକୁ ନିବେଦନ କରିଛନ୍ତି ସ୍ଥାନୀୟ ଲୋକେ ।
ଧିରେ ଧିରେ ହଜିବାକୁ ବସିଲାଣି ମାନବିକତା । ପୋଷା କୁକୁର ପାଳିବାକୁ କି ତାର ସୁରକ୍ଷା ନେବାକୁ ଯଦି ସମୟ ନାହିଁ , ତେବେ କିଏ କହୁଛି ରଖିବାକୁ ଆଉ ଏଭଳି ଦୟନୀୟ ଅବସ୍ଥାରେ ଅଖିଆ ଅପିଆ ଘରେ ବାନ୍ଧିଦେଇ ଚାଲିଯିବାକୁ ।
