ତାତିରୁ ସାମୟିକ ଆଶ୍ୱସ୍ତି ଦେଇଛି କାଳବୈଶାଖୀ, ଆଗାମୀ ୪ ଦିନ ପାଇଁ ରାଜ୍ୟରେ ଏଭଳି ପାଗ ଲାଗି ରହିବ
ସନ୍ଧ୍ୟାରେ ପ୍ରଭାବ ଦେଖାଉଛି କାଳବୈଶାଖୀ । ଆଗାମୀ ୪ ଦିନ ପାଇଁ ରାଜ୍ୟରେ ଏଭଳି ପାଗ ଲାଗି ରହିବ । ଏହି ସୂଚନା ଦେଇଛି ପାଣିପାଗ ବିଭାଗ । ଏହି ୪ ଦିନ ଭିତରେ ରାଜ୍ୟର କିଛି ସ୍ଥାନରେ ଦିନର ସର୍ବୋଚ୍ଚ ତାପମାତ୍ରା ୪୨ ଡିଗ୍ରୀ ସେଲସିୟସ୍ ଛୁଇଁପାରେ ।
କେନ୍ୟୁଜ୍(ବ୍ୟୁରୋ): ରାଜ୍ୟରେ ତାତିରୁ ସାମୟିକ ଆଶ୍ୱସ୍ତି ଦେଇଛି କାଳବୈଶାଖୀ । ଗତ ୨-୩ ଦିନ ହେବ ରାଜ୍ୟରେ ବିଭିନ୍ନ ସ୍ଥାନରେ ହୋଇଛି ଝଡ଼ବର୍ଷା । ବିଜୁଳି ଘଡ଼ଘଡ଼ି ସହ ବର୍ଷା ପବନ ହୋଇଛି । ଫଳରେ ଗରମ ଓ ଗୁଳୁଗୁଳିରୁ ମିଳିଛି ଆଶ୍ୱସ୍ତି । ଦିନରେ ତାତି । ସନ୍ଧ୍ୟାରେ ପ୍ରଭାବ ଦେଖାଉଛି କାଳବୈଶାଖୀ । ଆଗାମୀ ୪ ଦିନ ପାଇଁ ରାଜ୍ୟରେ ଏଭଳି ପାଗ ଲାଗି ରହିବ । ଏହି ସୂଚନା ଦେଇଛି ପାଣିପାଗ ବିଭାଗ । ଏହି ୪ ଦିନ ଭିତରେ ରାଜ୍ୟର କିଛି ସ୍ଥାନରେ ଦିନର ସର୍ବୋଚ୍ଚ ତାପମାତ୍ରା ୪୨ ଡିଗ୍ରୀ ସେଲସିୟସ୍ ଛୁଇଁପାରେ ।
ସେହିପରି ବିଜୁଳି ଘଡ଼ଘଡ଼ି ସହ କିଛି ସ୍ଥାନରେ ବର୍ଷା ସମ୍ଭାବନା ବି ରହିଛି । ଆଜି ପାଇଁ ଝଡ଼ବର୍ଷା ନେଇ ୧୯ ଜିଲ୍ଲାକୁ ୟେଲୋ ଓ୍ଵାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ବିଜୁଳି ଓ ଘଡ଼ଘଡ଼ି ବି ମାରିବ । ସେଥିରୁ ୧୪ଟି ଜିଲ୍ଲାର କିଛି ସ୍ଥାନରେ ୪୦-୫୦ କିଲୋମିଟର ବେଗରେ ବହିପାରେ ପବନ । ଆସନ୍ତାକାଲି ୧୪ ଜିଲ୍ଲାକୁ ବିଜୁଳି ଘଡ଼ଘଡ଼ି ସହ ବର୍ଷା ନେଇ ୟେଲୋ ଓ୍ଵାର୍ଣ୍ଣିଂ ଦିଆଯାଇଛି ।
