୩ ତାରିଖ ଯାଏ ଟ୍ରେନ ଚଳାଚଳ ବନ୍ଦ, ମାଟି ଅତଡ଼ା ପଡିଥିବାରୁ ସ୍ବାଭାବିକ ହେଉନି ଚଳାଚଳ
୩ ତାରିଖ ଯାଏ ଟ୍ରେନ ଚଳାଚଳ ବନ୍ଦ। ଟ୍ରାକରେ ପଥର ଓ ମାଟି ଅତଡ଼ା ପଡିଥିବାରୁ ସ୍ବାଭାବିକ ହେଉନି ରେଳ ଚଳାଚଳ । କୋରାପୁଟ-ଜଗଦଲପୁର-କିରଣ୍ଡୁଲ ରେଳ ପଥରେ ଯୁଦ୍ଧକାଳୀନ ଭିତ୍ତିରେ ଚାଲିଛି ଉଦ୍ଧାର କାର୍ଯ୍ୟ । ଟ୍ରେନ ଚଳାଚଳ ପାଇଁ ଆହୁରି ସମୟ ଲାଗିପାରେ ।
କୋରାପୁଟ (କେନ୍ୟୁଜ): ୩ ତାରିଖ ଯାଏ ଟ୍ରେନ ଚଳାଚଳ ବନ୍ଦ। ଟ୍ରାକରେ ପଥର ଓ ମାଟି ଅତଡ଼ା ପଡିଥିବାରୁ ସ୍ବାଭାବିକ ହେଉନି ରେଳ ଚଳାଚଳ । କୋରାପୁଟ-ଜଗଦଲପୁର-କିରଣ୍ଡୁଲ ରେଳ ପଥରେ ଯୁଦ୍ଧକାଳୀନ ଭିତ୍ତିରେ ଚାଲିଛି ଉଦ୍ଧାର କାର୍ଯ୍ୟ । ଟ୍ରେନ ଚଳାଚଳ ପାଇଁ ଆହୁରି ସମୟ ଲାଗିପାରେ । ଏଥିପାଇଁ ଆସନ୍ତା ୩ ତାରିଖ ଯାଏଁ ରେଳ ଚଳାଚଳ ବନ୍ଦ ରଖାଯାଇଛି।
ଏବେ ରେଳ ପଥରୁ ମାଟି ଓ ପଥର ସଫେଇ କାମ ଜାରି ରହିଛି । ମାନବର – ଜରଟି ଷ୍ଟେସନ ମଧ୍ୟରେ ଭୂସ୍ଖଳନ ଯୋଗୁଁ ରେଳ ଲାଇନରେ ମାଟି ଧସିବାରୁ ବନ୍ଦ ରହିଛି ରେଳ ଚଳାଚଳ। କୋରାପୁଟରୁ ଜଗଦଲପୁରକୁ ବନ୍ଦ ରହିଛି ରେଳ ଚଳାଚଳ। ସଫେଇ କାର୍ଯ୍ୟ ଜୋରସୋରରେ ଚାଲିଛି । ଲାଗିଛନ୍ତି ୩୬ ଟି ଜେସିବି ମେସିନ୍ ଓ ୫୦ରୁ ଅଧିକ ଟିପର । ପଥର ଫଟାଇବା ପାଇଁ ମେସିନ ମଧ୍ୟ ଲାଗିଛି । ରେଳ ଧାରଣା ଉପରେ ମାଟି ସହ ବଡ଼ବଡ଼ ପଥରଖଣ୍ଡ ଅଜାଡ଼ି ହୋଇପଡ଼ିଥିଲା। ୫ ମିଟର ଚଉଡ଼ାରେ ପ୍ରାୟ ୧୮ ମିଟର ଉଚ୍ଚର ମାଟି ପଥର ରେଳ ଲାଇନ ଉପରେ ଗଦା ହୋଇ ରହିଛି। ପ୍ରାୟ ୧୮୦ ମିଟର ଲମ୍ବର ରେଳପଥ କ୍ଷତିଗ୍ରସ୍ତ ହୋଇଛି। ଗତ ୨୪ ତାରିଖରୁ ବନ୍ଦ ରହିଛି ଟ୍ରେନ୍ ଚଳାଚଳ।
