ଦାନ୍ତ ଚିକିତ୍ସା କରି ଘରକୁ ଫେରୁଥିବା ବେଳେ ଦମ୍ପତିକୁ ଧକ୍କା ଦେଲେ ଟ୍ରକ: ସ୍ତ୍ରୀ ମୃତ, ଅଳ୍ପକେ ବର୍ତ୍ତିଗଲେ ସ୍ବାମୀ
ସ୍କୁଟିକୁ ଧକ୍କା ଦେଲା ଆଇରନ ଟ୍ରକ। ସ୍କୁଟିରେ ଥିବା ମହିଳାଙ୍କୁ ଉଦ୍ଧାର କରି ନିକଟରେ ଥିବା ଅଠରବାଙ୍କୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ମଧ୍ୟ୍ ଡାକ୍ତର ମହିଳାଙ୍କୁ ମୃତ ଘୋଷଣା କରିଛନ୍ତି।
ପାରାଦୀପ(କେନ୍ୟୁଜ୍): ପାରାଦୀପ ଅଠରବାଙ୍କୀ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ସ୍କୁଟିକୁ ଧକ୍କା ଦେଲା ଆଇରନ ଟ୍ରକ। ସ୍କୁଟିରେ ଥିବା ମହିଳାଙ୍କୁ ଉଦ୍ଧାର କରି ନିକଟରେ ଥିବା ଅଠରବାଙ୍କୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ମଧ୍ୟ୍ ଡାକ୍ତର ମହିଳାଙ୍କୁ ମୃତ ଘୋଷଣା କରିଛନ୍ତି।ମୃତା ମହିଳାଙ୍କ ନାମ ଗୋଲାପ ପୂର୍ତ୍ତି । ପାରାଦୀପ ବନ୍ଦର ସିଏମଇ ବିଭାଗରେ କାର୍ଯ୍ୟ କରୁଥିବା ଜୟରାମ ପୂର୍ତ୍ତିଙ୍କ ପତ୍ନୀ ବୋଲି ସୂଚନା ମିଳିଛି । ତେବେ ଅଠରବାଙ୍କୀ ଟ୍ରାଫିକ ଛକରେ ଜୟରାମ ଓ ତାଙ୍କ ପତ୍ନୀ ଏକ ସ୍କୁଟିରେ ପାରାଦୀପ ଆଡକୁ ଗାଡି ବୁଲାଇବା ସମୟରେ ସମାନ ପଟୁ ଆସୁଥିବା OD 29 E3006 ଆଇରନ ଟ୍ରକଟି OD 21j 0746 ସ୍କୁଟିକୁ ଧକ୍କା ଦେଇଥିଲା । ତେବେ ଜୟରାମ ତଳେ ପଡିଯାଇଥିଲେ ମଧ୍ୟ ଗୋଲାପଙ୍କ ଉପରେ ଆଇରନ ଟ୍ରକଟି ଚଢି ଯାଇଥିଲା।
ଘଟଣା ସ୍ଥଳରେ ପ୍ରଚୁର ରକ୍ତସ୍ରାବ କାରଣରୁ ଗୋଲାପଙ୍କର ମୃତ୍ୟୁ ଘଟିଥିବା ନେଇ ସୂଚନା ମିଳିଛି l ଆଇରନ ଗାଡିକୁ ପୋଲିସ ଜବତ କରିଥିବା ସୂଚନା ମିଳିଛି । ଖବର ପାଇବା ପରେ ଜୟରାମଙ୍କ ସାଥି କର୍ମଚାରୀ ମାନେ ପହଞ୍ଚିବା ପରେ ମେଡିକାଲ ପରିସରରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।ଉଭୟ ପତିପତ୍ନୀ ଦାନ୍ତ ଚିକିତ୍ସା କରିବାକୁ ଯାଇ ଫେରୁଥିବା ସମୟରେ ଏହିପରି ମର୍ମନ୍ତୁଦ ଦୁର୍ଘଟଣା ଘଟିଥିବା ନେଇ ସୂଚନା ମିଳିଛି।
