ଅନେକ ଥର ଏପରି ହୋଇଥାଏ ଯେ ଆପଣ କୌଣସି ଏଟିଏମକୁ ପଇସା ଉଠାଇବା ପାଇଁ ଯାଇଛନ୍ତି କିନ୍ତୁ ସେଠାରେ ପହଂଚିବା ପରେ ଆପଣ ଜାଣିବାକୁ ପାଇବେ ଯେ ଏଟିଏମରେ ପଇସା ନାହିଁ । ଏପରିସ୍ଥଳେ ସମୟ ନଷ୍ଟ ହେବା ସହିତ ଆପଣଙ୍କୁ ଅନ୍ୟଏକ ଏଟିଏମ ମେସିନ ଖୋଜିବାକୁ ପଡିଥାଏ । ତେବେ ବର୍ତ୍ତମାନ ଆପଣଙ୍କୁ ଆଉ ଏପରି ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ । କାରଣ ଏବେ ମୋବାଇଲରେ ଆସିଯାଇଛି ଏକ ଏପରି ଆପ ଯାହା ଆପଣଙ୍କୁ ଜଣାଇବ ନିକଟରେ କେଉଁଠି ଏଟିଏମ ଅଛି ଏବଂ କେଉଁ ଏଟିଏମରେ ପଇସା ଅଛି । ତାହେଲେ ଆସନ୍ତୁ ଜାଣିବା ସେହି ଆପ ବିଷୟରେ ।
ଏହି ଆପର ନାମ ହେଉଛି ଏଟିଏମ୍ ଲୋକେଟର । ଏହାକୁ ଆପଣ ଗୁଗଲ ପ୍ଲେ ଷ୍ଟୋରରୁ ଡାଉନଲୋଡ଼ କରିପାରିବେ । ଏହି ଆପ ଦ୍ୱାରା ଆପଣ ଜାଣିପାରିବେ ଯେ ଆପଣଙ୍କ ନିକଟରେ କେଉଁଠି ଏଟିଏମ ଅଛି । ସବୁଠାରୁ ଖାସ କଥା ହେଉଛି ଏହି ଆପ ଭାରତ ବାହାରେ ମଧ୍ୟ କାମ କରିଥାଏ । ଏହି ଆପରେ ମ୍ୟାପ ଦ୍ୱାରା ଏଟିଏମର ଲୋକେସନ ଦେଖାଇଥାଏ ।
U-ATM Union Bank of India
ଏହା ୟୁନିୟନ ବ୍ୟାଙ୍କର ଏଟିଏମ ଲୋକେଟର ଆପ । ଏହି ଆପ ସାହାଯ୍ୟରେ ଆପଣ ଜାଣିପାରିବେ ଯେ ଆପଣଙ୍କ ଆଖପାଖରେ କେଉଁଠି ଏଟିଏମ ଅଛି ଏବଂ କେଉଁ ଇଟିଏମରେ ପଇସା ଅଛି । ଏହି ଆପ ଆପଣଙ୍କ ଶେଷ ଉଠାଣ ଆଧାରରେ ଏଟିଏମର ପରାମର୍ଶ ଦେଇଥାଏ ଏବଂ ଏହି ଆପ ୦-୧୦ କିଲୋମିଟର ରେଞ୍ଜ ପର୍ଯ୍ୟନ୍ତ ଏଟିଏମ ବିଷୟରେ ସୂଚନା ଦେଇଥାଏ । ଆପ ମଧ୍ୟରେ ଯେଉଁ ଏଟିଏମରେ ସବୁଜ ଚିହ୍ନ ରହିଥାଏ ସେହି ଏଟିଏମରେ ପଇସା ରହିଥାଏ । ଯାହା ସାହାଯ୍ୟରେ ଆପଣ ୟୁନିୟନ ବ୍ୟାଙ୍କର ନିକଟସ୍ଥ ବ୍ରାଞ୍ଚ ମଧ୍ୟ ସର୍ଚ୍ଚ କରିପାରିବେ । ଏହି ଆପ ଆପଣଙ୍କୁ ଗୁଗଲ ପ୍ଲେ ଷ୍ଟୋରରେ ମିଳିଯିବ ।
ଏହାସହ ପଢନ୍ତୁ ସାପ କାମୁଡ଼ିଲେ କ’ଣ କରିବେ, ଏହି ମୋବାଇଲ୍ ଆପ୍ ଦେବ ଇନ୍ଷ୍ଟାଣ୍ଟ ସଲ୍ୟୁସନ୍
SBI Finder
ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ମଧ୍ୟ ନିଜର ଗ୍ରାହକମାନଙ୍କ ସୁବିଧା ପାଇଁ SBI Finder ନାମକ ଏକ ଆପ ଲାଞ୍ଚ କରିଛି । ଏହି ଆପ ଦ୍ୱାରା ଆପଣ ଏସବିଆଇର ଏଟିଏମ ବିଷୟରେ ସୂଚନା ପାଇପାରିବେ । ଏହି ଆପ କହିବା କେଉଁ ଏଟିଏମ କାମ କରୁଛି ଓ କେଉଁଟି ନୁହେଁ । କେବଳ ସେତିକି ନୁହେଁ ଆପଣ ଏହି ଆପ ସାହାଯ୍ୟରେ ଏଟିଏମର ଲୋକେସନ ମଧ୍ୟ ସର୍ଚ୍ଚ କରିପାରିବେ ।