ଭୁବନେଶ୍ୱର; କରୋନାରେ ଆଜି ରାଜ୍ୟରେ ଆଉ ଦୁଇ ଜଣଙ୍କ ମୃତ୍ୟୁ ହୋଇଛି । ମୃତକ ଦୁଇ ଜଣ ସୁନ୍ଦରଗଡ ଓ ଗଜପତି ଜିଲ୍ଲାର ବୋଲି ସୂଚନାରୁ ଜଣାଯାଇଛି । ଏହାକୁ ମିଶାଇ ଏଯାବତ ରାଜ୍ୟରେ ମୋଟ ମୃତକଙ୍କ ସଂଖ୍ୟା ୩୬କୁ ବୃଦ୍ଧି ପାଇଛି । ଏନେଇ ସୂଚନା ଦେଇଛନ୍ତି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ।
Regret to inform the demise of a 40-year old Covid positive Male of Gajapati district and a 64-year old Covid positive Male of Sundargarh district, who was also suffering from Diabetes.
— H & FW Dept Odisha (@HFWOdisha) July 5, 2020
ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଦିଆଯାଇଥିବା ସୂଚନା ଅନୁଯାୟୀ ଗଜପତି ଜିଲ୍ଲାର ମୃତକ ହେଉଛନ୍ତି ୪୦ ବର୍ଷୀୟ ବ୍ୟକ୍ତି । ଆଉ ସୁନ୍ଦରଗଡ ଜିଲ୍ଲାର ମୃତକ ହେଉଛନ୍ତି ୬୪ ବର୍ଷୀୟ ଜଣେ ବୃଦ୍ଧ । ସେ ଡାଇବେଟିସ ରୋଗରେ ପୀଡିତ ଥିଲେ । ଅନ୍ୟପକ୍ଷରେ ବାଲେଶ୍ଵର ଜିଲ୍ଲାର ଜଣେ ୪୫ ବର୍ଷୀୟ ପଜିଟିଭ ଚିହ୍ନଟ ହୋଇଥିବା ମହିଳାଙ୍କ ମଧ୍ୟ ଆଜି ମୃତ୍ୟୁ ଘଟିଛି । ଏହି ମହିଳା ଜଣଙ୍କ ମାସିଭ ହେମୋଗ୍ରାଫିକ ଏକ୍ସଡାଟିଭ ପ୍ଲିଉରାଳ ୟିଫୁସନ ରୋଗରେ ପୀଡିତ ଥିଲେ । କିନ୍ତୁ ମହିଳାଙ୍କ ମୃତ୍ୟୁକୁ କୋଭିଡ ମୃତ୍ୟୁରେ ଗଣାଯାଉନାହିଁ ।