ଲଞ୍ଚ୍ ହେଲା ଟିଭିଏସର ବିଏସ-୬ Jupiter 110 Fi ସ୍କୁଟର! ୧୫ ପ୍ରତିଶତ ଅଧିକ ଦେବ ମାଇଲେଜ୍, ଜାଣନ୍ତୁ କଣ ରହିଛି ଫିଚର୍ସ ଓ କେତେ ରହିଛି ଦାମ୍
ଭାରତର ତ୍ରୁତୀୟ ସବୁଠାରୁ ବଡ ମୋଟରସାଇକେଲ ନିମାର୍ଣକାରୀ କମ୍ପାନୀ TVS ବିଏସ-୬ Jupiter Classic 110 Fi ସ୍କୁଟର ଲଞ୍ଚ କରିଛି। ଏହି ସ୍କୁଟି (ଇକୋଟ୍ରଷ୍ଟ ଫୁଏଲ ଇଂଜେକସନ) ଟେକ୍ନୋଲୋଜି ଉପରେ ଆଧାରିତ ରହିଛି। କମ୍ପାନୀ ଦାବି କରିଛି ଯେ ବିଏସ-୬ ସ୍କୁଟର ପୁରୁଣା ସ୍କୁଟି ମାମଲାରେ ୧୫ ପ୍ରତିଶତ ଅଧିକ ମାଇଲେଜ୍ ଦେବ। ତେବେ ଆସନ୍ତୁ ଜାଣିବା ଏହାର ଫିଚର୍ସ ଏବଂ କେତେ ରହିଛି ଦାମ।
୧୧୦ସିସି ଇଞ୍ଜିନ
TVS Jupiter ବିଏସ-୬ରେ ୧୧ସିସି, ଚାରି ଷ୍ଟ୍ରୋକ, ସିଙ୍ଗଲ ଇଞ୍ଜିନ ଦିଆଯାଇଛି। ଏହାସହିତ କମ୍ପାନୀ ୧୫ ପ୍ରତିଶତ ଅଧିକ ମାଇଲେଜ ଦେବାକୁ ଦାବି କରିଛି। ଏହି ସ୍କୁଟରରେ ୧୨ ଇଞ୍ଚର ଟ୍ୟୁବଲେସ୍ ଟାୟାର ଦିଆଯାଇଛି। ଫ୍ରଣ୍ଟରେ ୨୨୦ ଏମଏମ ର ଡିସ୍ ବ୍ରେକ ଏବଂ ୧୩୦ ଏମଏମ ର ରିୟର ଡ୍ରମ ବ୍ରେକ ଦିଆଯାଇଛି।
ଫିଚର୍ସ
TVS Jupiter Classicରେ ଡୁଆଲ-ଟୋନ୍ ସିଟ୍, ଆନାଲଗ୍ ସ୍ପୀଡମିଟର, ଟେଣ୍ଟେଡ୍ ଭାଇଜର, ରାଉଣ୍ଡ କ୍ରୋମ ମିରର୍ସ, କୁସନ ବ୍ରେକରେଷ୍ଟ ସହିତ ପିଲିୟନ ହ୍ୟାଣ୍ଡେଲ, ଫ୍ରଣ୍ଟ ପ୍ୟାନେଲ ୟୁଏସବି ଚାର୍ଜର ଏବଂ ମୋବାଇଲ କ୍ୟୁବି ସ୍ପେସ୍ ଭଳି ଉତ୍ତମ ଫିଚର୍ସ ଦିଆଯାଇଛି।
ଏହାସହ ପଢନ୍ତୁ : Renault ଆଣିଛି ଆପଣଙ୍କ ପାଇଁ ସୁବର୍ଣ୍ଣ ସୁଯୋଗ, ଏହି ତିନୋଟି କାର ଉପରେ ତିନି ଲକ୍ଷ ପର୍ଯ୍ୟନ୍ତ ଭାରି ଡିସକାଉଣ୍ଟ
ଦାମ୍
TVS Jupiter Classicର ଦାମ ଅନ୍ୟ ବିଏସ-୬ ସ୍କୁଟର ତୁଳନାରେ ଉତ୍ତମ ରହିଛି। ଦିଲ୍ଲୀର ଏକ୍ସ-ସୋରୁମରେ ଏହାର ଦାମ ୬୯,୯୧୧ ଟଙ୍କା ରହିଛି। ସେହିପରି କମ୍ପାନୀ TVS Jupiter Base, ZX ଏବଂ Grande ଏଡିସନକୁ ମଧ୍ୟ ବିଏସ-୬ ମାନକରେ ଅପଡେଟ୍ କରିବ।
ହୋଣ୍ଟା ଆକ୍ଟିଭାକୁ ମିଳିସାରିଛି ବିଏସ-୬ ଅପଡେଟ
ଆପଣଙ୍କୁ ଜଣାଇବାକୁ ଚାହିଁବୁ ଯେ ହୋଣ୍ଡା ପୂର୍ବରୁ ହିଁ ସିସିକୁ ବିଏସ-୬ ଅପଡେଟ୍ କରିସାରିଛି। ହୋଣ୍ଡା Activa 125ରେ 125ସିସିର ବିଏସ-୬ ଇଞ୍ଜିନ ଦିଆଯାଇଛି। ପୁରୁଣା ମଡେଲ ତୁଳନାରେ ଏହି ସ୍କୁଟର ୧୩ ପ୍ରତିଶତ ଅଧିକ ମାଇଲେଜ୍ ଦେଇଥାଏ। ହୋଣ୍ଡା Activa 125ର ମାଇଲେଜ୍ ୬୦ କିମି ପ୍ରତିଲିଟର ରହିଛି। ଏହାର ପ୍ରାରମ୍ଭିକ ଦାମ ୭୪,୪୯୦ ଟଙ୍କା ରହିଛି।