BSNL ଗ୍ରାହକଙ୍କ ପାଇଁ ଖୁସି ଖବର। ଭାରତର ଏକମାତ୍ର ସରକାରୀ ମୋବାଇଲ ନେଟଓ୍ଵର୍କ କମ୍ପାନୀ ଏବେ ଗ୍ରାହକଙ୍କ ଲାଗି ଘୋଷଣା କରିଛି ନୂଆ ନେଟ୍ ପ୍ୟାକ୍। ୫୪୮ ଟଙ୍କିଆ ଏହି ପ୍ଲାନ୍ରେ ଗ୍ରାହକଙ୍କୁ ପ୍ରତିଦିନ ୫ ଜିବି ଡାଟା ମିଳିବ। ଆସନ୍ତୁ ଜାଣିବା BSNLର ନୂଆ ନେଟ୍ପ୍ୟାକ୍ ସମ୍ପର୍କରେ…
ରିପୋର୍ଟ ମୁତାବକ BSNLର ନୂଆ ୫୪୮ ଟଙ୍କିଆ ପ୍ଲାନ୍ PRBSTV। ଏହି ପ୍ଲାନ୍ର ବୈଧତା ୯୦ ଦିନ ରହିଛି। ଏହି ନୂତନ ପ୍ଲାନ୍ରେ ଗ୍ରାହକଙ୍କୁ ଦିନକୁ ୫ ଜିବି ଡାଟା ଦିଆଯାଉଥିବା ବେଳେ ଡାଟା ଶେଷ ହେବା ପରେ ଇଣ୍ଟରନେଟ୍ ସ୍ପିଡ୍ କମିଯାଇ ୮୦kbps ହୋଇଯିବ ବୋଲି ଜଣାଯାଇଛି। ସୂଚନାଯୋଗ୍ୟ ଯେ ୫୪୮ ଟଙ୍କିଆ ପ୍ଲାନ୍ରେ ଗ୍ରାହକଙ୍କୁ କଲିଂ ଓ ଏସ୍ଏମ୍ଏସ୍ର ସୁବିଧା ମିଳିବ ନାହିଁ।
ପ୍ରକାଶଯୋଗ୍ୟ ଯେ ବିଏସ୍ଏନ୍ଏଲ୍ ଗ୍ରାହକଙ୍କ ପାଇଁ କେତେକ ବର୍ଷିକିଆ ପ୍ଲାନ୍ ମଧ୍ୟ ଘୋଷଣା କରିଛି। ଗ୍ରାହକ ମାତ୍ର ୧୯୯୯ ଟଙ୍କାରେ ୩୫୬ ଦିନ ପର୍ଯ୍ୟନ୍ତ ୮୦ kbps ରେ ୩ ଜିବି ଡାଟା ଓ ୧୦୦ ଏସ୍ଏମ୍ଏସ୍ ସୁବିଧା ପାଇପାରିବେ। ଏଥିସହ କମ୍ପାନୀ ୟୁଜରଙ୍କୁ ଯେ କୌଣସି ନେଟଓ୍ଵାର୍କରେ କଲିଂ ପାଇଁ ୨୫୦ ମିନିଟ୍ ମଧ୍ୟ ଦେଉଛି।