BSNL ଲଞ୍ଚ୍ କଲା ସବୁଠୁ ଶସ୍ତା ଭ୍ୟାଲିଡିଟି ପ୍ୟାକ୍, ମାତ୍ର ୨ ଟଙ୍କାରେ ପାଇବେ ଏସବୁ ସୁବିଧା
ଅନ୍ୟ ଟେଲିକମ୍ କମ୍ପାନୀଙ୍କ ସହ ପ୍ରତିଦ୍ୱନ୍ଦ୍ୱିତା କରିବା ପାଇଁ ବିଏସ୍ଏନ୍ଏଲ୍ ପୁଣି ଥରେ ଏକ ନୂଆ ପ୍ଲାନ୍ ଲଞ୍ଚ୍ କରିଛି। ଏହି ପ୍ଲାନ୍ରେ ୟୁଜର ମାତ୍ର ୨ ଟଙ୍କାରେ ନିଜ ପ୍ରିପେଡ୍ ପ୍ଲାନ୍ର ଭ୍ୟାଲିଡିଟି ବଢ଼ାଇପାରିବେ। ଏହି ନୂଆ ପ୍ଲାନ୍ ୧୯ ଟଙ୍କାର ରିଭାଇଜ୍ ଭର୍ସନ୍ ବୋଲି କୁହାଯାଉଛି। ନୂଆ ୨ ଟଙ୍କିଆ ପ୍ଲାନ୍ ସିମ୍ର ବୈଧତାକୁ ୩ଦିନ ବଢ଼ାଇବ।
ବିଏସ୍ଏନ୍ଏଲ୍ ତରଫରୁ ଏହି ପ୍ଲାନ୍କୁ ଏବେ କେବଳ ତାମିଲନାଡ଼ୁରେ ଲାଗୁ କରାଯାଇଥିବା ବେଳେ ଖୁବ୍ଶୀଘ୍ର ସାରା ଦେଶରେ ଲାଗୁ କରାଯିବ ବୋଲି ଜଣାଯାଇଛି। ଯଦି ଆପଣ ବର୍ତ୍ତମାନ ପ୍ଲାନ୍ର ଶେଷ ଦିନରେ ୨ ଟଙ୍କା ରିଚାର୍ଜ କରିବେ ତେବେ ଆପଣଙ୍କ ନମ୍ବରର ଭ୍ୟାଲିଡିଟି ଆଉ ୩ ଦିନ ବଢ଼ିଯିବ। ଏହି ରିଚାର୍ଜ ୟୁଜର ନିଜ ମେନ୍ ଆକାଉଣ୍ଟ ବାଲାନ୍ସ କାଟି କରିପାରିବେ। ୨ ଟଙ୍କିଆ ପ୍ଲାନ୍ରେ ଗ୍ରାହକଙ୍କୁ ଆଉ କିଛି ଅତିରିକ୍ତ ସୁବିଧା ମିଳିବ ନାହିଁ।
ସୂଚନାଯୋଗ୍ୟ ଯେ ପୂର୍ବରୁ ବିଏସ୍ଏନ୍ଏଲ୍ ତରଫରୁ ୧୯ ଟଙ୍କିଆ ଭ୍ୟାଲିଡିଟି ପ୍ୟାକ୍ ଲଞ୍ଚ୍ କରାଯାଇଥିଲା। ଏହି ପ୍ୟାକ୍ରେ ଗ୍ରାହକ ନିଜ ନମ୍ବରର ଭ୍ୟାଲିଡିଟିକୁ ୩୦ ଦିନ ବଢ଼ାଇପାରୁଥିଲେ।
