ନ୍ୟାସନାଲ ହାଇୱେ ଉପରେ ୨୦ ଏପ୍ରିଲ ଠାରୁ ଆରମ୍ଭ ହେବ ଟୋଲ ଟ୍ୟାକ୍ସ ଆଦାୟ
ଏନଏଚଏଆଇ NH-9 ଉପରେ ନିର୍ମାଣ କାର୍ଯ୍ୟ ସହିତ ଅନେକ ଟୋଲ ପ୍ଲାଜାରେ ଶୁଳ୍କ ଆଦାୟ ଉପରେ ନିର୍ଣ୍ଣୟ ନେଇଛନ୍ତି। ଏଥିପାଇଁ ଏନଏଚଏଆଇ ପୂରା ପ୍ରସ୍ତୁତି କରିସାରିଛି। ସରକାରଙ୍କ ଦ୍ୱାରା ଜାରି କରାଯାଇଥିବା ଆଦେଶ ଅନୁଯାୟୀ ଭାରତୀୟ ଜାତୀୟ ରାଜପଥ ପ୍ରାଧିକରଣ ଏପ୍ରିଲ ୨୦ ଠାରୁ ଜାତୀୟ ରାଜପଥରେ ଟୋଲ ଟ୍ୟାକ୍ସ ଆଦାୟ କରିବା ଆରମ୍ଭ କରାଯିବ।
ସରକାର ଏହି ଆଦେଶକୁ ପରିବହନ ଉଦ୍ୟୋଗ ସହିତ ଜଡିତ ଲୋକମାନେ ବିରୋଧ କରିଛନ୍ତି। ସରକାର କରୋନା ଭାଇରସର ପ୍ରକୋପକୁ ରୋକିବା ପାଇଁ ରାଷ୍ଟ୍ରବ୍ୟାପୀ ଲକଡାଉନ ପାଇଁ ଗତ ୨୫ ମାର୍ଚ୍ଚରୁ ଟୋଲ ଟ୍ୟାକ୍ସ ଆଦାୟ କରିବାକୁ ଅସ୍ଥାୟୀ ଭାବରେ ବନ୍ଦ କରିଦିଆଯାଇଥିଲା।
ସଡକ ପରିବହନ ଏବଂ ରାଜପଥ ମନ୍ତ୍ରାଳୟ ଏନଏଚଏଆଇକି ପତ୍ର ମାଧ୍ୟମରେ ଜଣାଇଛନ୍ତି ଯେ, ‘କେନ୍ଦ୍ରୀୟ ଗୃହ ମନ୍ତ୍ରାଳୟ ସମସ୍ତ ଟ୍ରକ ଏବଂ ଅନ୍ୟ ମାଲବାହୀ ବାହାନକୁ ରାଜ୍ୟ ଭିତରକୁ ଏବଂ ରାଜ୍ୟ ବାହାରକୁ ଯିବା ପାଇଁ କୋହଳ କରାଯାଇଥିଲା। ଏହି ସମ୍ପର୍କରେ ଗୃହ ମନ୍ତ୍ରାଳୟର ଆଦେଶର ପାଳନ ସୁନିଶ୍ଚିତ କରିବା ପାଇଁ ଜରୁରୀ କାର୍ଯ୍ୟାନୁଷ୍ଠାନ ନେବା ଉଚିତ ଏବଂ ଟୋଲ ଟ୍ୟାକ୍ସ ଆଦାୟକୁ ୨୦ ଏପ୍ରିଲ, ୨୦୨୦ ଠାରୁ ଆରମ୍ଭ କରିବା ଉଚିତ।’ ସେହିପରି ଏନଏଚଏଆଇ ଏହି ପତ୍ରର ଉତ୍ତରରେ ୨୦ ଏପ୍ରିଲ ଠାରୁ ଏହାକୁ ଲାଗୁ କରିବାକୁ ଅନୁମତି ଦେଇଛନ୍ତି।
