ବିନା ଡାଉନପେମେଣ୍ଟରେ ମାତ୍ର ୨୧,୯୦୦ ଟଙ୍କାରେ ଘରକୁ ନେଇ ଆସନ୍ତୁ ଏହି ଦମଦାର କାର, KIAରେ ମିଳୁଛି ଏଭଳି ଅଫର

ଦେଶରେ ଅନେକ ଲୋକ ଅଛନ୍ତି ଯେଉଁମାନେ ଋଣ ନେଇ ନୂଆ କାର କିଣିବାର ସ୍ୱପ୍ନକୁ ପୂରା କରନ୍ତି । କିନ୍ତୁ ବେଳେବେଳେ ଅଧିକ ଡାଉନ୍ ପେମେଣ୍ଟ କାରଣରୁ ସେମାନେ ନୂଆ କାର କିଣିବାର ଇଚ୍ଛାକୁ ଭୁଲି ଯାଆନ୍ତି । ଏପରି ପରିସ୍ଥିତିରେ ଯଦି ଆପଣ ବି ଡାଉନ୍ ପେମେଣ୍ଟ୍ ବିନା ଏକ କାର୍ ଘରକୁ ଆଣିବାକୁ ଚିନ୍ତା କରୁଛନ୍ତି, ତେବେ ଆପଣଙ୍କ ପାଇଁ ରହିଛି ଏକ ବଡ଼ ସୁଯୋଗ । ଏବେ ବିନା ଡାଉନ ପେମେଣ୍ଟରେ ବି ଆପଣ ନିଜ ଘର ପାଇଁ କାର କିଣି ପାରିବେ । ସାଉଥ କୋରିଆନ୍‌ କାର କମ୍ପାନୀ KIA ଲଗାତାର ଭାବରେ ଭାରତୀୟ ବଜାରରେ ନିଜର ପ୍ରଭାବକୁ ବଢ଼ାଇବା ପାଇଁ ନୂଆ ପରୀକ୍ଷଣ କରୁଛି ।

ନିକଟରେ କମ୍ପାନୀ କାର୍ ସର୍ଭିସେସ୍ ପାଇଁ ଏକ ନୂଆ ପ୍ଲାନ୍‌ ଆରମ୍ଭ କରିଥିଲା, ଯେଉଁଥିରେ ଗ୍ରାହକମାନଙ୍କୁ ଘରେ ବସି କାର୍ ସର୍ଭିସିଂର ଲାଇଭ୍ ଭିଡିଓ ଦେଖିବାର ସୁବିଧା ଦିଆଯାଉଛି । ଏଥି ସହିତ ବର୍ତ୍ତମାନ KIA ଇଣ୍ଡିଆ ଓରିକ୍ସ ଅଟୋ ଇନଫ୍ରାଷ୍ଟ୍ରକଚର ସର୍ଭିସ ଲିମିଟେଡ୍ ସହିତ ମିଶି ‘କିଆ ଲିଜ୍’ ପ୍ରୋଗ୍ରାମକୁ ଲଞ୍ଚ କରିଛି । ଏହି ପ୍ରୋଗ୍ରାମ ଅନୁଯାୟୀ ଗ୍ରାହକଙ୍କୁ ଗାଡି କିଣିବାର ଆବଶ୍ୟକତା ନାହିଁ, ବରଂ ସେମାନେ ନିଜ ପସନ୍ଦର ଏକ KIA କାର ଭଡାରେ ନେଇ ପାରିବେ ।

ସୂଚନା ଥାଉ କି ‘କିଆ ଲିଜ୍’ ପ୍ରୋଗ୍ରାମ ଅନୁଯାୟୀ ଗ୍ରାହକଙ୍କୁ କାରର ମେଣ୍ଟେନାନ୍ସ, ଇନ୍ସୁରେନ୍ସ ଏବଂ ରିଲେସ୍‌ ପାରାମିଟର ବିଷୟରେ ଚିନ୍ତା କରିବାକୁ ପଡିବ ନାହିଁ। ଏହା ବ୍ୟତୀତ କୌଣସି ଡାଉନ୍ ପେମେଣ୍ଟ ବିନା ଗ୍ରାହକମାନେ କେବଳ ମାସକୁ ଅଳ୍ପ ମାତ୍ରାରେ ଭଡା ଦେଇ କାର ବ୍ୟବହାର କରିପାରିବେ । ମନେରଖନ୍ତୁ ଯେ କାର୍ଯ୍ୟକାଳ ଶେଷ ହେବା ପରେ ଗ୍ରାହକଙ୍କୁ କାରକୁ କମ୍ପାନୀକୁ ଫେରାଇବାକୁ ପଡିବ କିମ୍ବା ସେମାନେ ଚାହିଁଲେ ଏହି ସ୍କିମ୍ ମଧ୍ୟ ଅପଗ୍ରେଡ୍ କରିପାରିବେ ।

କମ୍ପାନୀ ଏହି ପ୍ରୋଗ୍ରାମରେ ତିନୋଟି ମଡେଲ ପାଇଁ ମାସିକ ସବସ୍କ୍ରିପସନ୍ ପ୍ଲାନ୍‌ ଜାରି କରିଛି ଯେଉଁଥିରେ କିଆ ସୋନେଟର ଦାମ୍‌ ୨୧,୯୦୦ ଟଙ୍କା, କିଆ ସେଲ୍ଟୋସର ଦାମ୍‌ ୨୮,୯୦୦ ଟଙ୍କା ଏବଂ କିଆ କାରେନ୍ସର ଦାମ୍‌ ୨୮,୮୦୦ ଟଙ୍କା ରହିଛି । ସୂଚନା ଥାଉ କି ଦିଲ୍ଲୀ-ଏନସିଆର, ମୁମ୍ବାଇ, ହାଇଦ୍ରାବାଦ, ଚେନ୍ନାଇ, ବେଙ୍ଗାଲୁରୁ ଏବଂ ପୁଣେରେ ‘କିଆ ଲିଜ୍’ ପ୍ରୋଗ୍ରାମ ଆରମ୍ଭ ହୋଇଛି। ଭବିଷ୍ୟତରେ ଏହା ଅନ୍ୟ ସହରରେ ମଧ୍ୟ ଆରମ୍ଭ ହେବ ବୋଲି କୁହାଯାଉଛି ।