ଦିବ୍ୟାଂଶ ଓ ମନୁରାଜ ବାଜିମାରିନେଲେ ‘India’s Got Talent’ ଟ୍ରଫି, ମିଳିଲା ୨୦ ଲକ୍ଷ ଟଙ୍କା ଓ କାର୍
ସୋନୀ ଟିଭିରେ ପ୍ରସାରିତ ହେଉଥିବା ଲୋକପ୍ରିୟ ରିଆଲିଟି ଶୋ ‘ଇଣ୍ଡିଆସ୍ ଗଟ୍ ଟ୍ୟାଲେଣ୍ଟ’ର ବିଜେତା ହୋଇଛନ୍ତି ଦିବ୍ୟାଂଶ ଓ ମନୁରାଜ। ଫାଇନାଲରେ ୭ ଜଣ ପ୍ରତିଯୋଗୀଙ୍କୁ ପଛରେ ପକାଇ ବିଜେତା ହୋଇଛନ୍ତି ଦିବ୍ୟାଂଶ ଓ ମନୁରାଜ। ଫାଇନାଲରେ ଦିବ୍ୟାଂଶ-ମନୁରାଜ ବିଏସ୍ ରେଡ୍ଡି, ୱାରିଅର୍ ସ୍କ୍ଵାଡ୍, ବମ୍ ଫାୟାର୍ କ୍ରୁ ଭଳି ଅନେକ ପ୍ରତିଭାବାନ ପ୍ରତିଯୋଗୀକୁ ପଛରେ ପକାଇଛନ୍ତି । ଫାଇନାଲରେ ଦୁହିଁଙ୍କ ଇଣ୍ଡିଆନ କ୍ଲାସିକାଲ ଏବଂ େଓ୍ଵଷ୍ଟର୍ଣ୍ଣ ମ୍ୟୁଜିକର ଫ୍ୟୁଜନ ସମସ୍ତଙ୍କୁ ଭଲ ଲାଗିଥିଲା।
ଟାଇଟଲ ଜିତିବା ପରେ ଦିବ୍ୟାଂଶ ଓ ମନୁରାଜଙ୍କୁ ୨୦ ଲକ୍ଷ ଟଙ୍କାର ପୁରସ୍କାର ରାଶି ଏବଂ କାର ମିଳିଥିଲା। ଶୋ’ର ପ୍ରଥମ ରନର ଅପ୍ ଇଶିତା ବିଶ୍ୱକର୍ମାଙ୍କୁ ୫ ଲକ୍ଷ ଅର୍ଥ ରାଶି ଏବଂ ଦ୍ୱିତୀୟ ରନର ଅପ୍ ବମ୍ ଫାୟାର କ୍ରୁକୁ ୫ ଲକ୍ଷ ଟଙ୍କା ପୁରସ୍କାର ରାଶି ମିଳିଥିଲା। ସୋନି ଟିଭିର ଏହି ରିଆଲିଟି ଶୋ’ର ଫାଇନାଲରେ ସମସ୍ତ ପ୍ରତିଯୋଗୀଙ୍କ ମଧ୍ୟରେ ଦିବ୍ୟାଂଶ-ମନୁରାଜଙ୍କ ଯୋଡି ସମସ୍ତଙ୍କ ହୃଦୟ ଜିତିଥିଲା।
ଇଣ୍ଡିଆସ୍ ଗଟ୍ ଟ୍ୟାଲେଣ୍ଟକୁ ଦିବ୍ୟାଂଶ ଏବଂ ମନୁରାଜଙ୍କ ଦୁହେଁ ଅଲଗା ଅଲଗା ଆସିଥିଲେ କିନ୍ତୁ ଧୀରେ ଧୀରେ ଦୁହେଁ ଏକାଠି କାମ ଆରମ୍ଭ କରିଥିଲେ । ଏହା ପରେ ଏହି ଯୋଡି ଶୋ’ରେ ଧମାଲ୍ କରିଥିଲା । ଯେଉଁଥିପାଇଁ ଆଜି ହଜାର ହଜାର ଦର୍ଶକଙ୍କ ହୃଦୟ ଜିତିବା ସହ ବିଜେତା ହୋଇ ପାରିଛି ।
ଶୋ’ରେ ଜଜ୍ ଭାବେ ଶିଳ୍ପା ସେଟ୍ଟୀ, କିରନ ଖେର, ମନେଜା ମୁଣ୍ଟିସର, ବାଦଶାହ ପ୍ରମୁଖ ରହିଥିଲେ। ବିଜେତା ମନୁରାଜ ହରିପ୍ରସାଦ ଚୌରସିଆଙ୍କ ଗୁରୁକୁଳରେ ଶାସ୍ତ୍ରୀୟ ସଂଗୀତ ଶିକ୍ଷା କରୁଥିଲେ। ମାତ୍ର ୧୨ ବର୍ଷ ବୟସରେ ସଂଗୀତ ଶିକ୍ଷା ଗ୍ରହଣ କରିଥିଲେ।
