ପୂର୍ବତନ ମିସ ୱାର୍ଲଡ ତଥା ଅଭିନେତ୍ରୀ ମାନୁଷୀ ଚିଲ୍ଲରଙ୍କ ମା ଡାକ୍ତର ନୀଲମ ଚିଲ୍ଲର କରୋନା ଭାଇରସ ପାଇଁ ଦିଲ୍ଲୀରେ ମେଡିକାଲ ଡ୍ୟୁଟିରେ ଅଛନ୍ତି । ଏ ନେଇ ନିଜେ ମାନୁଷୀ ସୋସିଆଲ ମିଡିଆରେ ସୂଚନା ଦେଇଛନ୍ତି । ସେ ଇନଷ୍ଟାଗ୍ରାମ ଷ୍ଟୋରୀରେ ବାପା ଡାକ୍ତର ମିତ୍ରା ବସୁ ଚିଲ୍ଲରଙ୍କ ସହ ନଜର ଆସୁଛନ୍ତି ।
ମାଙ୍କ ଅନୁପସ୍ଥିତିରେ ଦୁହେଁ ମିଶି କିଭଳି ଘର ସମ୍ଭାଳିଛନ୍ତି, ତାହା ଏଥିରେ ଦେଖିବାକୁ ମିଳିଛି । ଏହାସହିତ ମାନୁଷୀ ବାପାଙ୍କୁ ସରପ୍ରାଇଜ ଦେବା ପାଇଁ ଘରେ ଖାଦ୍ୟ ମଧ୍ୟ ପ୍ରସ୍ତୁତ କରିଛନ୍ତି । ଏହାର ଫଟୋ ସେ ସେୟାର କରିବା ସହ ଏ ବିଷୟରେ କ୍ୟାପସନ ବି ଲେଖିଛନ୍ତି । ଅନ୍ୟ ଏକ ଷ୍ଟୋରୀରେ ମାନୁଷୀ ପିଏମ ମୋଦିଙ୍କ ଜନତା କର୍ଫ୍ୟୁକୁ ସଫଳ କରିବା ପାଇଁ ଅପିଲ କରିଛନ୍ତି ।