ଡ୍ରାମା କୁଇନ ରାକ୍ଷୀ ସାଓ୍ଵନ୍ତ କିଛି ନା କିଛି ଘଟଣାକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ଏବେ ରାକ୍ଷୀ କରୋନା ଭାଇରସ କୁ ନେଇ ଭିଡିଓ ସେୟାର କରିଛନ୍ତି। ଏହି ଭିଡିଓ ଜରିଆରେ କିପରି କରୋନାରୁ ବର୍ତ୍ତି ପାରିବେ ରାକ୍ଷୀ ଉପାୟ ବତାଇଛନ୍ତି। ଏହି ଭିଡିଓରେ ରାକ୍ଷୀ କହିଛନ୍ତି, ଚଳିତବର୍ଷ ଲୋକେ ହୋଲି ରଙ୍ଗ ନ ଖେଳି ଏହି ଉତ୍ସବ ପାଳନ କରନ୍ତୁ। ଏହି ରଙ୍ଗ ଯୋଗୁଁ ମଧ୍ୟ କରୋନା ହୋଇପାରେବୋଲି ରାକ୍ଷୀ କହିଛନ୍ତି। ରାକ୍ଷୀଙ୍କ କହିବାନୁଯାୟୀ, ଚୀନରେ ବେଲୁନ ଏବଂ ରଙ୍ଗ ଖେଳିବା ପାଇଁ ପ୍ରସ୍ତୁତ ଖେଳନା ପ୍ରସ୍ତୁତ ହୋଇଥାଏ ବୋଲି ସେ ଶୁଣିଛନ୍ତି। ଯଦି ଏହା ଜରିଆରେ ଆପଣ ହୋଲି ଖେଳନ୍ତି କରୋନା ଭାଇରସର ସମ୍ଭାବନା ବଢିଯାଇପାରେ। ତେଣୁ ଚଳିତବର୍ଷ ହୋଲି ନ ଖେଳି ନିଜ ସ୍ୱାସ୍ଥ୍ୟର ଧ୍ୟାନ ରଖନ୍ତୁ।
ଏହି ଭିଡିଓରେ ରାକ୍ଷୀ ହୋଲି ନ ଖେଳିବା ଏବଂ ଦିଲ୍ଲୀରେ ହୋଇଥିବା ହିଂସାକୁ ନେଇ ନିଜର ମନ୍ତବ୍ୟ ରଖିଛନ୍ତି। ରାକ୍ଷୀଙ୍କ ଏହି ଭିଡିଓ ଖୁବ ଭାଇରାଲ ହେଉଛି। ରାକ୍ଷୀ ଏହି ଭିଡିଓ ସହିତ ଏକ ଲମ୍ବା ପୋଷ୍ଟ ମଧ୍ୟ କରିଛନ୍ତି। ଲୋକମାନଙ୍କ ମଧ୍ୟରେ ସଚେତନତା ବାର୍ତ୍ତା ମଧ୍ୟ ପହଞ୍ଚାଇବାକୁ ଚାହୁଛନ୍ତି ରାକ୍ଷୀ।