ଉତ୍ତମ ସ୍ୱାସ୍ଥ୍ୟ ପାଇଁ ଆମକୁ ଦିନକୁ ଅତି କମରେ ୩ ଥର ଖାଇବା ଆବଶ୍ୟକ। ଏହି କାରଣରୁ ଆମ ଶରୀରର ଶକ୍ତି ଅକ୍ଷୁର୍ଣ୍ଣ ରହିଥାଏ | ଜଳଖିଆ, ମଧ୍ୟାହ୍ନ ଭୋଜନ କିମ୍ବା ରାତ୍ରୀ ଭୋଜନ, ସ୍ୱାସ୍ଥ୍ୟ ବିଶେଷଜ୍ଞମାନେ ଏହି ସବୁ ଖାଦ୍ୟ ଛାଡିବାକୁ ପରାମର୍ଶ ଦିଅନ୍ତି ନାହିଁ । ତେବେ ରାତ୍ରି ଭୋଜନ ତ୍ୟାଗ କଲେ କ’ଣ ହେବ, ଆସନ୍ତୁ ଜାଣିବା । ଏହାକୁ ନେଇ ଗ୍ରେଟର ନୋଏଡାର ଜିଏମ୍ଏସ୍ ହସ୍ପିଟାଲରେ କାର୍ଯ୍ୟ କରୁଥିବା ଜଣେ ପ୍ରସିଦ୍ଧ ଡାଏଟିସିଆନ୍ ଡକ୍ଟର ଆୟୁଷୀ ଯାଦବ କହିଥିଲେ ଯେ, ରାତ୍ରୀ ଭୋଜନ ନକରି କାହିଁକି ଶୋଇବା ଉଚିତ୍ ନୁହେଁ ।
କାହିଁକି ରାତ୍ରୀ ଭୋଜନ ଛାଡିବା ଉଚିତ ନୁହେଁ ?
ରାତ୍ରୀ ଭୋଜନ ଛାଡିବାର ଅନେକ କାରଣ ଥାଇପାରେ। ସାଧାରଣତଃ ଥକାପଣ ହେତୁ ଆପଣ ଶୀଘ୍ର ଶୋଇପଡନ୍ତି ଏବଂ ଖାଦ୍ୟ ଖାଇବାକୁ ଉଠିବାକୁ ଅସମର୍ଥ ହୁଅନ୍ତି।ପାରିବାରିକ ବିବାଦ କିମ୍ବା ଯାତ୍ରା ହେତୁ କିଛି ଲୋକ ରାତ୍ରୀ ଭୋଜନ ଛାଡିଥା’ନ୍ତି, କିନ୍ତୁ ମନେରଖନ୍ତୁ ଏହା ଆମ ସ୍ୱାସ୍ଥ୍ୟ ପାଇଁ କ୍ଷତିକାରକ ବୋଲି ପ୍ରମାଣିତ ହୋଇପାରେ।
ରାତ୍ରୀ ଭୋଜନ ନକରିବାର ଅସୁବିଧା
ହୁଏତ ରାତିରେ ଆପଣଙ୍କୁ ଭୋକ ନଲାଗିପାରେ, କିନ୍ତୁ ନଖାଇବା ଶୋଇବା ଉତ୍ତ୍ ନୁହେଁ । କାହିଁକି ନା ଆମ ଶରୀର ୨୪ ଘଣ୍ଟା ପାଇଁ ଶକ୍ତି ଉତ୍ପାଦନ କରିଥାଏ ଓ ପ୍ରତି ସମୟରେ କ୍ୟାଲୋରୀକୁ ବର୍ଣ୍ଣ କରିବାକୁ ପଡିଥାଏ । ଏଥିପାଇଁ ଶରୀରକୁ ପୋଷକ ତତ୍ତ୍ୱ ଆବଶ୍ୟକ ପଡିଥାଏ, ଯାହାକି କି ଖାଇବାରୁ ମିଳିଥାଏ । ଖାଇବା ସ୍କିପ୍ କରିବା ଦ୍ୱାରା ଆପଣଙ୍କ ଶରୀରର ପ୍ରୋସେସ୍ ଗଡ଼ବଡ଼ ହୋଇଥାଏ ଓ ଏହା ଫଳରେ ଅନେକ ସମସ୍ୟା ସୃଷ୍ଟି ହୋଇଥାଏ ।
ଯେଉଁ ଲୋକମାନେ ରାତିରେ ପ୍ରୋଟିନ୍ ଡାଏଟ୍ ନିଅନ୍ତି, ସେମାନଙ୍କ ଶରୀରରେ ରାତ୍ରି ଭୋଜନ କରୁନଥିବା ଲୋକଙ୍କ ଅପେକ୍ଷା ଅଧିକ ଶକ୍ତି ଥାଏ, ତେଣୁ ଖାଦ୍ୟ ଖାଇବାରେ ଭୁଲ୍ କରିବା ଉଚିତ୍ ନୁହେଁ ।
ଯଦି ଆପଣ ରାତିରେ ଖାଦ୍ୟ ନ ଖାଆନ୍ତି, ତେବେ ଏହା ରକ୍ତରେ ଖରାପ କୋଲେଷ୍ଟ୍ରଲ୍ର ସ୍ତରକୁ ବୃଦ୍ଧି କରିବା ଆରମ୍ଭ କରେ, ଯାହା ପରେ ଉଚ୍ଚ ରକ୍ତଚାପ, ମଧୁମେହ, କରୋନାରୀ ଧମନୀ ରୋଗର କାରଣ ହୋଇଯାଏ।
ରାତ୍ରୀ ଭୋଜନ ଛାଡିଦେଲେ ଶରୀରରେ ଥାଇରଏଡ୍ର ସ୍ତର ବଢ଼ିବାରେ ଲାଗେ, ଯେଉଁ କାରଣରୁ ଅନେକ ସମସ୍ୟା ଉପୁଜିପାରେ।
ଯଦି ଆପଣ ରାତ୍ରି ଭୋଜନ କରୁନାହାନ୍ତି, ତେବେ ରାତିରେ ଭୋକ ହେତୁ ପେଟରେ ଯନ୍ତ୍ରଣା ବଢିଯାଏ ଏବଂ ଶୋଇବାରେ ଅସୁବିଧା ହୋଇଥାଏ।
ରାତିରେ ଖାଦ୍ୟ ନ ଖାଇବା ଦ୍ୱାରା ଓଜନ ବୃଦ୍ଧି ଆରମ୍ଭ ହୁଏ ଯାହା ଅନେକ ରୋଗର ମୂଳ ହୋଇଥାଏ।
ରାତ୍ରୀ ଭୋଜନ ଛାଡିବା ଶରୀରର ମେଟାବୋଲିଜିମ୍ ଉପରେ ଖରାପ ପ୍ରଭାବ ପକାଇଥାଏ, ଇନସୁଲିନ୍ ସ୍ତର ମଧ୍ୟ ପ୍ରଭାବିତ ହୋଇଥାଏ।