ଦୀପାବଳିରେ ଘରକୁ ଆଣନ୍ତୁ ଏହି ୫ ଜିନିଷ, ବର୍ଷସାରା ରହିବନି ଧନର ଅଭାବ
ନିଜ ଭକ୍ତଙ୍କ ଧନ ସହ ଜଡିତ ସମସ୍ତ ସମସ୍ୟା ଦୂର କରିବା ସହ ଯଶ ଏବଂ କିର୍ତ୍ତୀର ବରଦାନ ମଧ୍ୟ ଦେଇଥାନ୍ତି ମା’ ଲକ୍ଷ୍ମୀ । ଏହା ହିଁ କାରଣ ଯେ ସବୁ ବ୍ୟକ୍ତି ଦୀପାବଳିରେ ମା’ ଲକ୍ଷ୍ମୀଙ୍କୁ ନିଜ ଘରକୁ ଆଣିବାର କୌଣସି ବି ସୁଯୋଗ ହାତ ଛଡା କରିନଥାନ୍ତି । କେବେ ମା’ଙ୍କ ପାଇଁ ନାଲି ଓଢଣୀ ତ କେବେ ଧନତେରସରେ ଘରକୁ ନୂଆ ଝାଡୁ କିଣି ମା’ଙ୍କୁ ପ୍ରସନ୍ନ କରିବାକୁ ସମସ୍ତ ଚେଷ୍ଟା କରିଥାନ୍ତି । ହେଲେ ଏ ସମସ୍ତ ଚେଷ୍ଟା ଏବଂ ସମୟ ବ୍ୟର୍ଥ ହୋଇଯାଏ ଯେତେବେଳେ ଆପଣ ଗୋଟିଏ ଛୋଟ ଭୁଲ୍ କରିଦିଅନ୍ତି । ତେବେ ଆସନ୍ତୁ ଜାଣିବା ଏମିତି କିଛି ଚମତ୍କାରୀ ଜିନିଷ ବିଷୟରେ ଯାହା ମା’ ଲକ୍ଷ୍ମୀଙ୍କୁ ଆପଣଙ୍କ ନିକଟକୁ ନେଇଆସିବ ।
ମାଟି ମାଠିଆ :
ଏହି ଦୀପାବଳିରେ ମାଟିର ସୁରେଇ ଆଣି ଘରର ଉତ୍ତର ଦିଗରେ ପାଣି ଭର୍ତ୍ତି କରି ରଖିଦିଅନ୍ତୁ । ଏପରି କଲେ ଆପଣଙ୍କ ଘରେ କେବେ ବି ଧନର ଅଭାବ ରହିବ ନାହିଁ । ଯଦି ମାଟିର ସୁରେଇ ନମିଳୁଛି ତେବେ ମାଟି ମାଠିଆ ଆଣିପାରନ୍ତି । କିନ୍ତୁ ମନେ ରଖନ୍ତୁ କେବେ ବି ଏହା ଖାଲି ଯେମିତି ରହିବ । ପାଣି ସରିବା କ୍ଷଣି ପୁଣି ଥରେ ଭରି ଦିଅନ୍ତୁ ।
ଧାତୂର କଇଁଛ :
ଅଧିକାଂଶ ଲୋକ ଜାଣନ୍ତି ଯେ ଧାତୂର ଏହି କଇଁଛ କେବଳ ପେଙ୍ଗଶୁଇ ଅନୁସାରେ ଶୁଭ ହୋଇଥାଏ । କିନ୍ତଚ ବାସ୍ତୁ ବିଜ୍ଞାନରେ ବି କଇଁଛକୁ ଏକ ଖାସ୍ ସ୍ଥାନ ଦିଆଯାଇଛି । ଘରେ ଧାତୂର କଇଁଛ ରଖିଲେ ଅନେକ ସମସ୍ୟାରୁ ମୁକ୍ତି ମିଳିଥାଏ । ଏହାକୁ ସୁଖ ଶାନ୍ତିର ପ୍ରତୀକ ବୋଲି କୁହାଯାଏ ।
ଧାତୂର ମାଛ:
ବିଶ୍ବାସ ରହିଛି ଯେ ସୁଖ ଏବଂ ସମୃଦ୍ଧି ଆଣିଥାଏ ଧାତୂର ମାଛ । ଘରେ ଧନର ଅଭାବକୁ ପୁରା କରିବା ପାଇଁ ଧାତୂରେ ନିର୍ମିତ ମାଛ ରଖିବା ଆବଶ୍ୟକ ।
ପିତ୍ତଳ ବା ତମ୍ବାର ପିରାମିଡ୍ :
ଏହି ଦୀପାବଳିରେ ପିତ୍ତଳ ବା ତମ୍ବାରେ ତିଆରି ପିରମିଡ୍ ଆଣି ଘରର ସେ ସ୍ଥାନରେ ରଖନ୍ତୁ ଯେଉଁଠିକୁ ପରିବାରର ସଦସ୍ୟ ସବୁଠାରୁ ଅଧିକ ସମୟ ବିତାଇଥାନ୍ତି । ଏପରି କଲେ ଘରର ସଦସ୍ୟଙ୍କର ଆୟରେ ବୃଦ୍ଧି ହୋଇଥାଏ ।
ଲକ୍ଷ୍ମୀ – କୁବେରଙ୍କ ଫଟୋ :
ଘରର ମୁଖ୍ୟ ଦ୍ବାରରେ ଲକ୍ଷ୍ମୀ ଏବଂ କୁବେରଙ୍କ ଏକ ଫଟୋ ଆଣି ନିଶ୍ଚୟ ଲଗାନ୍ତୁ । ଏପରି କଲେ ଆପଣଙ୍କ ଘରେ ଧନର ଅଭାବ ରହିବ ନାହିଁ ।
ମୟୁର ପଙ୍ଖ :
ଯଦି ଘରେ ମୟୁର ପଙ୍ଖ ରଖୁଛନ୍ତି ତେବେ ସୁଖ ଏବଂ ସମୃଦ୍ଧି ବଢିଥାଏ । ଯଦି ଘରର ଠିକ୍ ସ୍ଥାନରେ ଠିକ୍ ଉପାୟରେ ରଖାଯାଏ ତେବେ ଅନେକ ଲାଭ ମିଳିଥାଏ । ଘର ହେଉ ବା ଦୋକାନ ଦକ୍ଷିଣ – ପୂର୍ବ ଦିଗରେ ମୟୁର ପଙ୍ଖ ରଖିବା ଦ୍ବାରା ଧନର ଅଭାବ ରହିବ ନାହିଁ ।
