ଘରେ ପ୍ରସ୍ତୁତ କରନ୍ତୁ ବ୍ରେଡ୍ ଡାଲ୍ ଟିକ୍କି, ଥରେ ଖାଇଲେ ଭୁଲିବେ ନାହିଁ ସ୍ବାଦ
ସାମଗ୍ରୀ
୧୦ଟି ସ୍ଲାଇସ ବ୍ରେଡ୍
୧୦୦ ଗ୍ରାମ ମୁଗ ଡାଲି
୩ କଞ୍ଚା ଲଙ୍କା
ଅଧା ଇଞ୍ଚ ଅଦାର ଖଣ୍ଡ
ଲୁଣ ସ୍ବାଦାନୁସାରେ
୧/୪ ଚାମଚ ଲାଲ ଲଙ୍କା
ଅଧା ଚାମଚ ପାନମଧୁରୀ
ଟିକ୍କି ପାଇଁ
୬୦୦ ଗ୍ରାମ ଆଳୁ
ଏକ ଚାମଚ ଧନିଆ ପତ୍ର
ଲେମ୍ବୁ ରସ
ଲୁଣ ସ୍ବାଦାନୁସାରେ
ଅଧା ଚାମଚ ଗୁଣ୍ଡ ଗୋଲ ମରୀଚ
୧/୪ ଚାମଚ ଲାଲ ଲଙ୍କା ପାଉଡର
୧/୪ ଚାମଚ ଗରମ ମସଲା
ସେକିବା ପାଇଁ ଆବଶ୍ୟକ ଅନୁସାରେ ଘିଅ
ପ୍ରଣାଳୀ
-ବ୍ରେଡକୁ ଗୋଲ କରି କାଟି ଦିଅନ୍ତୁ।
-ଡାଲି ଧୋଇ ଦୁଇ ଘଣ୍ଟା ଭିଜାଇ ତାକୁ ଛାଣି ଅଦା ଏବଂ କଞ୍ଚା ଲଙ୍କା ମିଶାଇ ପେଶି ଦିଅନ୍ତୁ। ଏହାପରେ ଲୁଣ, ଲାଲ ଲଙ୍କା ତଥା ପାନମଧୁରୀ ମିଶାଇ ଦିଅନ୍ତୁ।
-ଆଳୁ ସିଝାଇ କସି ଦିଅନ୍ତୁ। ଟିକ୍କି ପାଇଁ ରଖିଥିବା ସମସ୍ତ ସାମଗ୍ରୀ ମିଶାଇ ଦିଅନ୍ତୁ।
-ଏହାର ୧୦ ଭାଗ କରିଦିଅନ୍ତୁ। ପ୍ରତ୍ୟେକ ସ୍ଲାଇସରେ ଆଳୁ ମସଲାର ଏକ ସ୍ତର ଲଗାନ୍ତୁ। ଏହାଉପରେ ଡାଲିର ପତଳା ସ୍ତର ଲଗାନ୍ତୁ। (ଡାଲି ଗାଢ଼ା ଲାଗିଲେ ସେଥିରେ ସାମାନ୍ୟ ପାଣି ମିଶାଇ ଦିଅନ୍ତୁ)।
-ଆଞ୍ଚରେ ତାୱା ବସାଇ ଟିକ୍କିକୁ ଘିଅ ଲଗାଇ ଓଲଟପାଲଟ କରିଦିଅନ୍ତୁ। ଏହା ପ୍ରସ୍ତୁତ ହୋଇଗଲା ପରେ ପ୍ଲେଟକୁ କାଢ଼ି ଦିଅନ୍ତୁ।
-ଏହାକୁ ସବୁଜ ଚଟଣୀ ସହିତ ଗରମାଗରମ ପରଷନ୍ତୁ।
