ଖାଇବା ପରେ ତୁରନ୍ତ ଗାଧୋଇବା କାହିଁକି ମନା? ଜାଣନ୍ତୁ ଏହି ଅଭ୍ୟାସ ଶରୀର ପାଇଁ କେତେ କ୍ଷତିକାରକ
। ଯେମିତିକି ଆପଣ ଶୁଣିଥିବେ ଚା ପିଇବାର ତୁରନ୍ତ ପରେ ପାଣି ପିଇବା କଥା ନୁହେଁ, ଏହାଦ୍ୱାରା ଶରୀରକୁ କ୍ଷତି ପହଁଚିଥାଏ । ଏଥିସହିତ ଏହା ମଧ୍ୟ କୁହାଯାଏ ଯେ କ୍ଷୀର ସହିତ ନମକିନ୍ ଖାଇବା ଅନୁଚିତ କିମ୍ବା କୌଣସି ଖଟ୍ଟା ଜିନିଷ ଖାଇବା କଥା ନୁହେଁ । ଏହିଭଳି ହିଁ ଏକ ଲୋକକଥା ରହିଛି ଯେ ଖାଦ୍ୟ ଖାଇବାର ତୁରନ୍ତ ପରେ ଗାଧୋଇବା ଅନଚିତ ।
ଘରେ ଆମର ଜେଜେ ମାଆ ଆଇ ଏବଂ ଗୁରୁଜନମାନେ ଆମକୁ ଅନେକ ଜିନିଷ କରିବାକୁ ବାରଣ କରନ୍ତି । ଆଉ ଏହା ପଛରେ ଥାଏ ଅନେକ କଥା । ଯେମିତିକି ଆପଣ ଶୁଣିଥିବେ ଚା ପିଇବାର ତୁରନ୍ତ ପରେ ପାଣି ପିଇବା କଥା ନୁହେଁ, ଏହାଦ୍ୱାରା ଶରୀରକୁ କ୍ଷତି ପହଁଚିଥାଏ । ଏଥିସହିତ ଏହା ମଧ୍ୟ କୁହାଯାଏ ଯେ କ୍ଷୀର ସହିତ ନମକିନ୍ ଖାଇବା ଅନୁଚିତ କିମ୍ବା କୌଣସି ଖଟ୍ଟା ଜିନିଷ ଖାଇବା କଥା ନୁହେଁ । ଏହିଭଳି ହିଁ ଏକ ଲୋକକଥା ରହିଛି ଯେ ଖାଦ୍ୟ ଖାଇବାର ତୁରନ୍ତ ପରେ ଗାଧୋଇବା ଅନଚିତ ।
ଅନେକ ଥର ଏମିତି କରିବା ଦ୍ୱାରା ଆମକୁ ଗାଳି ବି ପଡିଥାଏ । ଅନେକ ଲୋକଙ୍କର ଖାଇବା ପରେ ଗାଧୋଇବାର ଖରାପ ଅଭ୍ୟାସ ରହିଛି । ଏପରି କରିବା ପଛରେ ସେମାନଙ୍କର କୌଣସି ନିର୍ଦ୍ଦିଷ୍ଟ ଉଦ୍ଦେଶ୍ୟ ନଥାଏ, କିନ୍ତୁ ଖାଦ୍ୟ ଖାଇବା ପରେ ଫ୍ରି ହେବାକୁ ଚାହାଁନ୍ତି । ଏଥିପାଇଁ ଖାଇବା ପରେ ଆରାମ କରନ୍ତି ଓ ଶେଷରେ ଗାଧୋଇବାକୁ ଯାଆନ୍ତି । କିନ୍ତୁ ଆୟୁର୍ବେଦ ଅନୁଯାୟୀ ଖାଦ୍ୟ ଖାଇବା ପରେ ତୁରନ୍ତ ଗାଧୋଇବା ଉଚିତ୍ ନୁହେଁ । ଏହି କାରଣରୁ ହଜମ ସମ୍ବନ୍ଧୀୟ ଅନେକ ସ୍ୱାସ୍ଥ୍ୟ ସମସ୍ୟା ହୋଇପାରେ । ଆପଣଙ୍କର ପେଟ ସଫା ନହେବା କାରଣରୁ ଆପଣଙ୍କୁ ପିମ୍ପଲ୍, ଚର୍ମ ଆଲର୍ଜି ଭଳି ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ ।
ଖାଇବା ପରେ ତୁରନ୍ତ ଗାଧୋଇବା ଉଚିତ୍ ନୁହେଁ କାହିଁକି?
ଗାଧୋଇବାକୁ ଏକ ଥଣ୍ଡା ପ୍ରକ୍ରିୟା ଭାବରେ ବିବେଚନା କରାଯାଏ, ଯାହା ଶରୀରକୁ ଥଣ୍ଡା କରିଥାଏ । ଖାଦ୍ୟ ଖାଇବା ପରେ ତୁରନ୍ତ ଗାଧୋଇବା ଦ୍ୱାରା ରକ୍ତ ସଞ୍ଚାଳନ ମନ୍ଥର ହୋଇଯାଏ, ଯାହା ହଜମ ପ୍ରକ୍ରିୟାକୁ ମନ୍ଥର କରିଥାଏ । ହଜମ ପାଇଁ ଅନେକ ଶକ୍ତି ଏବଂ ପେଟ ଆଡକୁ ଭଲ ପରିମାଣର ରକ୍ତ ପ୍ରବାହ ଆବଶ୍ୟକ ହୋଇଥାଏ । ତେଣୁ ଆୟୁର୍ବେଦ ଅନୁଯାୟୀ, ଭୋଜନ ପରେ ଗାଧୋଇବା ଅସ୍ୱାସ୍ଥ୍ୟକର ବୋଲି ବିବେଚନା କରାଯାଏ । ନିକଟରେ ଏକ ଇନଷ୍ଟାଗ୍ରାମ ପୋଷ୍ଟରେ ଡକ୍ଟର ରେଖା କହିଛନ୍ତି କି, ଖାଇବାର ୧-୩ ଘଣ୍ଟା ପୂର୍ବରୁ ସ୍ନାନ କରିବାର ଉଚିତ୍ ।
କ’ଣ କହୁଛି ଚିକିତ୍ସା ବିଜ୍ଞାନ ?
ଡାକ୍ତରୀ ବିଜ୍ଞାନ ମଧ୍ୟ ଆୟୁର୍ବେଦ ସହ ସହମତ, କାରଣ ଏହା ରକ୍ତ ସଞ୍ଚାଳନରେ ବାଧା ସୃଷ୍ଟି କରିଥାଏ । ଯାହା ହଠାତ୍ ଶରୀରର ତାପମାତ୍ରାକୁ ଅସନ୍ତୁଳିତ କରିଥାଏ, ଯାହା ହଜମକୁ ମନ୍ଥର କରିଥାଏ । ଅବଶ୍ୟ ଯେତେବେଳେ ଆପଣ ଗରମ ପାଣି ସ୍ନାନ କରନ୍ତି, ତେବେ ଏହି ପ୍ରକ୍ରିୟାକୁ ହାଇପରଥର୍ମିକ୍ ଆକ୍ସନ୍ କୁହାଯାଏ ଯାହା ଶରୀର ପାଇଁ ଭଲ ବୋଲି ବିବେଚନା କରାଯାଏ । କୁହାଯାଏ ଯେ, ଗରମ ସ୍ନାନ ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ ଏବଂ ଏହା ଆପଣଙ୍କ ଶରୀରରୁ ବିଷାକ୍ତ ପଦାର୍ଥକୁ ମଧ୍ୟ ବାହାର କରିଥାଏ । କିନ୍ତୁ ଗାଧୋଇବା ପରେ ହିଁ ଖାଦ୍ୟ ଖାଇବା ଉତ୍ତମ ହୋଇଥାଏ।
