‘ଅପରେସନ କାବେରୀ’ ଶେଷ, ସୁଦାନରୁ ଉଦ୍ଧାର ହେଲେ ୩୮୬୨ ଭାରତୀୟ
ଅପରେସନ କାବେରୀ ଅଧିନରେ ସୁଦାନରୁ ଉଦ୍ଧାର ହେଲେ ୩ହଜାରରୁ ଅଧିକ ଭାରତୀୟ । ସେନାରେ ୧୭ଟି ବିମାନ, ନୌସେନାର ୫ ଜାହାଜ ଅପରେସନରେ କାର୍ଯ୍ୟ କରିଥିଲା ।
ସୁଦାନରେ ଫସିଥିବା ଭାରତୀୟ ନାଗରିକକୁ ଉଦ୍ଧାର କରିବା ପାଇଁ ଆରମ୍ଭ ହୋଇଥିବା ଅଭିଯାନ ‘ଅପରେସନ କାବେରୀ’ ସମାପ୍ତ ହୋଇଛି । ଭାରତୀୟ ବାୟୁସେନାରେ ଶେଷ ବିମାନ ୪୭ ଜଣ ଯାତ୍ରୀଙ୍କୁ ଧରି ଭାରତକୁ ଫେରିଛି । ଏହି ଅପରେସନ ଅଧିନରେ ୩୮୬୨ ଭାରତୀୟଙ୍କୁ ଉଦ୍ଧାର କରାଯାଇଛି । ସେନାର ୧୭ଟି ବିମାନ, ୫ଟି ଜାହାଜ ଅପରେସନ କାବେରୀରେ କାମ କରିଥିଲା ।
୨୪ ଏପ୍ରିଲରେ ‘ଅପରେସନ କାବେରୀ’ ଆରମ୍ଭ ହୋଇଥିଲା । ସେମାନଙ୍କୁ ସୁଦାନ ହିନ୍ଦନରୁ ସାଉଦି ଆରବର ଜେଦାହ ନିଆଯାଇଥିଲା ଏବଂ ଜେଦାହରୁ ଭାରତ ଅଣାଯାଇଥିଲା। ଏହି ଅପରେସନ ସମୟରେ ଜଣେ ବ୍ୟକ୍ତି ବେହୋସ ହୋଇଯାଇଥିଲେ। କିନ୍ତୁ ବାୟୁସେନା ଦ୍ବାରା ଉକ୍ତ ସ୍ଥିତିକୁ ଅତି ସାହସିକତାର ସହ ମୁକାବିଲା କରାଯାଇଥିଲା। ବିମାନଟିକୁ ଗତକାଲି ସନ୍ଧ୍ୟାରେ ଅହମଦାବାଦରେ ଅବତରଣ କରାଯାଇଥିଲା।
#OperationKaveri Update
Since the launch of the aerial effort over the past few days, the #IAF has so far evacuated over 2100 persons from Sudan utilising C-17 and C-130 J aircraft.#HarKaamDeshKeNaam pic.twitter.com/PPwjTCIKMQ
— Indian Air Force (@IAF_MCC) May 5, 2023
ସୂଚନାଯୋଗ୍ୟ, ସୁଦାନରେ ଗୃହ ଯୁଦ୍ଧ ପରେ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇ ଥିଲା । ବିଭିନ୍ନ ଦେଶ ନିଜ ନିଜର ନାଗରିକଙ୍କୁ ଫେରାଇ ନେଇଥିଲେ । ହିଂସା ଗ୍ରସ୍ତ ସୁଦାନରେ ୭୨ ଘଣ୍ଟିଆ ଅସ୍ତ୍ର ବିରତୀ ଘୋଷଣା କରିଥିଲା ଆର୍ମୀ – ଆରଏସଏଫ । ଆମେରିକା ଓ ସାଉଦୀ ଆରବ ପକ୍ଷରୁ ମଧ୍ୟସ୍ଥତା ପରେ ଅସ୍ତ୍ର ବିରତି ପାଇଁ ଉଭୟ ପକ୍ଷ ରାଜି ହୋଇଥିବା ଆମେରିକା ବିଦେଶ ମନ୍ତ୍ରୀ ଆଣ୍ଟୋନୀ ବ୍ଲିକେନ ସୂଚନା ଦେଇଥିଲେ । ତେଣୁ ଭାରତ ସରକାରଙ୍କ ପକ୍ଷରୁ ଅପରେସନ କାବେରୀ ଜରିଆରେ ବିମାନ ଓ ଜଳ ପଥରେ ନାଗରିକଙ୍କୁ ଅଣାଯାଇଛି ।