ଏୟାର ଇଣ୍ଡିଆ ଏକ୍ସପ୍ରେସର ୯୦ ବିମାନ ଉଡାଣ ଆଜି ବାତିଲ, ଯାତ୍ରୀଙ୍କ ପାଇଁ ୨୦ ରୁଟରେ ବିମାନ ଅପରେଟ କରିବ ଏୟାର ଇଣ୍ଡିଆ
କ୍ର୍ୟୁ ମେମ୍ବର ଅଭାବ ଯୋଗୁଁ ଆଜି ୯୦ରୁ ଅଧିକ ବିମାନ ରଦ୍ଦ କରିଛି ଏୟାରଲାଇନ୍ସ । ବହୁ ସଂଖ୍ୟାରେ ଉଡାଣ ବାତିଲ କରିବା ଏବଂ ଯାତ୍ରୀମାନଙ୍କ ସମସ୍ୟା ଦେଖି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଏୟାର ଇଣ୍ଡିଆ ଏକ୍ସପ୍ରେସରେ ପୁରା ମାମଲାରେ ରିପୋର୍ଟ ମାଗିଛନ୍ତି । ଏୟାରଲାଇନକୁ କର୍ମଚାରୀଙ୍କ ସହ ଏହି ପ୍ରସଙ୍ଗକୁ ତୁରନ୍ତ ସମାଧାନ କରିବା ପାଇଁ କହିଛନ୍ତି ।
ଏୟାର ଇଣ୍ଡିଆ ଏକ୍ସପ୍ରେସର ସଙ୍କଟ ଦିନକୁ ଦିନ ବଢିବାରେ ଲାଗିଛି । କ୍ର୍ୟୁ ମେମ୍ବର ଅଭାବ ଯୋଗୁଁ ଆଜି ୯୦ରୁ ଅଧିକ ବିମାନ ରଦ୍ଦ କରିଛି ଏୟାରଲାଇନ୍ସ । ଫଳରେ ଯାତ୍ରୀଙ୍କୁ ସମସ୍ୟା ଭୋଗିବାକୁ ପଡୁଛି । ତେବେ ଯାତ୍ରୀଙ୍କ ସମୟ ବ୍ୟବଧାନକୁ କମ୍ କରିବା ପାଇଁ ଏୟାର ଇଣ୍ଡିଆ ଏକ୍ସପ୍ରେସ ରୁଟରେ ୨୦ ବିମାନ ଅପରେଟ କରିବ । ଏହାଦ୍ୱାରା ଯାତ୍ରୀଙ୍କୁ କିଛି ଆଶ୍ୱସ୍ତି ମିଳିବ । ବୁଧବାର ଦିନ୮୦ରୁ ଅଧିକ ବିମାନ ବାତିଲ ହୋଇଥିଲା । ଫଳରେ ଅନେକ ଯାତ୍ରୀ ହଇରାଣ ହୋଇଥିଲେ ।
ବହୁ ସଂଖ୍ୟାରେ ଉଡାଣ ବାତିଲ କରିବା ଏବଂ ଯାତ୍ରୀମାନଙ୍କ ସମସ୍ୟା ଦେଖି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଏୟାର ଇଣ୍ଡିଆ ଏକ୍ସପ୍ରେସରେ ପୁରା ମାମଲାରେ ରିପୋର୍ଟ ମାଗିଛନ୍ତି । ଏୟାରଲାଇନକୁ କର୍ମଚାରୀଙ୍କ ସହ ଏହି ପ୍ରସଙ୍ଗକୁ ତୁରନ୍ତ ସମାଧାନ କରିବା ପାଇଁ କହିଛନ୍ତି ।
ଏୟାର ଇଣ୍ଡିଆ ଏକ୍ସପ୍ରେସର କର୍ମଚାରୀମାନେ ସାମୂହିକ ଛୁଟି ଏବଂ କର୍ମଚାରୀମାନଙ୍କ ଛଟେଇ କାରଣରୁ ଯୋଗୁଁ କମ୍ପାନୀ ବିମାନ ରଦ୍ଦ କରିଛି । କମ୍ପାନୀ ଏନେଇ ଯାତ୍ରୀଙ୍କୁ ପୂର୍ବରୁ ସୂଚନା ଦେଇସାରିଛି । ମଙ୍ଗଳବାର ରାତିରେ ପାଖାପାଖି ୧୦୦ଟି ଫ୍ଲାଇଟ୍ ବାତିଲ କରାଯାଇଥିଲା । ଏହାଛଡା ପ୍ରତ୍ୟେକ ଦିନ ୪୦ ବିମାନକୁ ରଦ୍ଦ କରିବାକୁ ନିଷ୍ପତ୍ତି ନେଇଛି ଏୟାର ଲାଇନ୍ସ । ଏଭଳି ୧୩ ମଇ ପର୍ଯ୍ୟନ୍ତ ହେବ ବୋଲି ଜଣାପଡିଛି ।
We sincerely apologise for the inconvenience caused by unprecedented flight delays and cancellations. While we are working hard to minimise disruptions, please check your flight status before heading to the airport. If your flight is impacted, please reach out… pic.twitter.com/JySbD3trb0
— Air India Express (@AirIndiaX) May 8, 2024
ତେବେ କମ୍ପାନୀର ସମସ୍ତ ଅନ୍ୟ କର୍ମଚାରୀଙ୍କୁ ଆଜି ସନ୍ଧ୍ୟା ୪ଟା ପର୍ଯ୍ୟନ୍ତ କାମକୁ ଫେରିବାକୁ ନିର୍ଦ୍ଦେଶ ଦେଇଛି ଏୟାରଲାଇନ୍ସ । ଯଦି ସେମାନେ ନ ଫେରନ୍ତି, ତେବେ ବହିଷ୍କୃତ କରାଯିବ ବୋଲି କୁହାଯାଉଛି ।
ସୂଚନାଯୋଗ୍ୟ, ବୁଧବାର ଦିନ ୩୦୦ରୁ ଅଧିକ କର୍ମଚାରୀ ସମୂହ ଛୁଟିରେ ଯିବାକୁ ଏୟାର ଇଣ୍ଡିଆ ଏକ୍ସପ୍ରେସରେ ଏଭଳି ସମସ୍ୟା ଦେଖାଦେଇଥିଲା । ଗତ ମାସରେ ଏୟାର ଇଣ୍ଡିଆ ଏକ୍ସପ୍ରେସ୍ କ୍ୟାବିନ କ୍ରୁ୍ୟ ମେମ୍ବରଙ୍କ ଏକ ଟିମ୍ ଅଭିଯୋଗ କରିଥିଲେ କି, ମ୍ୟାନେଜମେଣ୍ଟ ଠିକ୍ ଭାବେ କାମ କରୁନି । କର୍ମଚାରୀଙ୍କ ସହ ସମାନ ବ୍ୟବହାର ପ୍ରଦର୍ଶନ କରାଯାଉନି । ପରିଚାଳନାଗତ ତ୍ରୁଟି ହେତୁ କ୍ରୁ ସଦସ୍ୟା ଏଭଳି ନିଷ୍ପତ୍ତି ନେଇଥିବା କୁହାଯାଉଛି । କମ୍ପାନୀ ଏଥିପାଇଁ ୨୫ ରୁ ୩୦ ସଦସ୍ୟଙ୍କୁ ବହିଷ୍କୃତ କରିଛି ।
କମ୍ପାନୀ ପକ୍ଷରୁ ଯାତ୍ରୀମାନଙ୍କୁ ରିଫଣ୍ଡ ବା ବିମାନ ସେବା ଅପସନ ଦିଆଯାଇଛି । ଏହା ବ୍ୟତୀତ ଏୟାରଲାଇନ ପକ୍ଷରୁ ରିଭାଇଜଡ୍ ଫ୍ଲାଇଟ ସେଡ୍ୟୁଲ ମଧ୍ୟ ଜାରି କରାଯାଇଛି । କମ୍ପାନୀ ଲଗାତାର ଲୋକଙ୍କୁ ଅପିଲ କରିଆସୁଛି ଏୟାରପୋର୍ଟ ଯିବା ପୂର୍ବରୁ ଚେକ କରନ୍ତୁ ।
