ପିପୁଲ୍ସ ଫର ଆନିମଲ୍ସର ରାଜ୍ୟ ଦାୟିତ୍ୱରେ ଥିବା ବାବୁଲାଲ ଜାଜୁ ମୁଖ୍ୟମନ୍ତ୍ରୀ ଅଶୋକ ଗହଲୋତଙ୍କୁ ଏକ ଚିଠି ଲେଖି ଲକଡାଉନ ଅଭାବରୁ ରାଜ୍ୟରେ ପ୍ରାୟ ୭୦୦ ଓଟଙ୍କ ମୃତ୍ୟୁକୁ ନେଇ ଉଦବେଗ ପ୍ରକାଶ କରିଛନ୍ତି । ଗହଲୋତଙ୍କୁ ଲେଖାଯାଇଥିବା ଚିଠିରେ ଜାଜୁ ଅଭିଯୋଗ କରିଛନ୍ତି ଯେ ପ୍ରାଣୀ ଚିକିତ୍ସାଳୟ ବନ୍ଦ ହେବା ଓ ବଜାରରେ ଔଷଧ ଅଭାବରୁ ରାଜ୍ୟରେ ପ୍ରାୟ ୭୦୦ ଟି ଓଟଙ୍କର ମୃତ୍ୟୁ ଘଟିଛି ଯାହାକି ସରକାରଙ୍କର ଚରମ ଅବହେଳା ସୂଚାଉଛି ।
ସେ କହିଛନ୍ତି ଯେ ୧୨ ବର୍ଷ ପୂର୍ବେ ଓଟ ସଂଖ୍ୟା ୧୦ ଲକ୍ଷ ଥିଲା । ଯାହା ସରକାରଙ୍କ ଅଜ୍ଞତା ହେତୁ ୨୦୧୯ ର ଗଣନାରେ ମରୁଭୂମି ଜାହାଜ ଓଟ ସଂଖ୍ୟା ମାତ୍ର ୨ ଲକ୍ଷ ୧୨ ହଜାର ହୋଇଛି । ତେବେ ଏହା ଅତ୍ୟନ୍ତ ଚିନ୍ତାଜନକ ବିଷୟ ଅଟେ । ଏହାସହିତ ସେ କହିଥିଲେ ଯେ ଓଟମାନଙ୍କର ଏହି ରୋଗ ପାଇଁ ଇଭେର୍ମେକ୍ଟିନ୍ ନାମକ ଏକ ଟିକା ଅଛି । ଏହି ଟିକା ବର୍ତ୍ତମାନ ସରକାରୀ ଡାକ୍ତରଖାନା ଏବଂ ଡ୍ରଗ୍ ଡିଲରମାନଙ୍କ ପାଖରେ ମଧ୍ୟ ଉପଲବ୍ଧ ନାହିଁ । ଜାଜୁ ଆହୁରି କହିଛନ୍ତି ଯେ ଓଟ ସଂଖ୍ୟା ହ୍ରାସ ପାଇବା ପାଇଁ କେନ୍ଦ୍ର ସରକାର୨୦୧୬ରେ ଓଟ ବିକାଶ ଯୋଜନା ପ୍ରସ୍ତୁତ କରିଥିଲେ । ଉକ୍ତ ଯୋଜନା ଅନୁଯାୟୀ ଓଟ ପାଳୁଥିବା ଲୋକମାନେ ୧୦,୦୦୦ ଟଙ୍କା ପାଉଥିଲେ କିନ୍ତୁ୨୦୧୯ରେ ଏହି ଯୋଜନାକୁ ମଧ୍ୟ ବନ୍ଦ କରିଦିଆ ଯାଇଥିଲା ।
ସରକାରଙ୍କ ଅବହେଳା କାରଣରୁ ଓଟ ମାଂସର ଚାହିଦା ବଢିବା ହେତୁ ଗଲ୍ଫ ଦେଶରେ ଅନେକ ବର୍ଷ ଧରି ଓଟର ଚୋରା ଚାଲାଣ ଚାଲିଛି । ତେବେ ବିପଦସଙ୍କୁଳ ଓଟ ପ୍ରଜାତିଗୁଡିକୁ ବଞ୍ଚାଇବା ତଥା ସେମାନଙ୍କର ସଂଖ୍ୟା ବୃଦ୍ଧି କରାଇବା ସହିତ ଓଟମାନଙ୍କର ଚିକିତ୍ସା ପ୍ରବନ୍ଧନ କରିବା ପାଇଁ ବାବୁଲାଲ ଜାଜୁ ପଶୁପାଳନ ମନ୍ତ୍ରୀ ତଥା ରାଜ୍ୟ ମୁଖ୍ୟମନ୍ତ୍ରୀଙ୍କୁ ଦାବି କରିଛନ୍ତି ।